មានអ្នកណាត្រូវការក្រលៀន ក្រៅតែពីតោហ៊ា? There's only one person who needs urgent kidney replacement in the Banana Kindom!

ប្រធាន មន្ទីរពេទ្យ ខេត្ដពោធិ៍សាត់ បដិសេធថា គ្មានជនរងគ្រោះ ត្រូវគេលួច វះយកក្រលៀន ហើយទៅសង្គ្រោះ នោះទេ

Thursday, 26 July 2012
ដោយ ៖ ស៊ន សុភក្ដ្រ
DAP-News

Synopsis: The chairman of the Pursat auxiliary hospital denies that there was any victim who was brought in for medical care at his hospital after the victim kidneys were cut off. The denial came after rumors flew on Facebook that a woman whose kidneys were cut off was sent to the Pursat hospital for urgent care.

ពោធិ៍សាត់ ៖ ប្រធានមន្ទីរពេទ្យបង្អែក ខេត្ដពោធិ៍សាត់ បានបដិសេធភ្លាមៗថា រហូតមកដល់វិនាទីនេះ ពុំមានជន រងគ្រោះណាមួយ ត្រូវបានបញ្ជូនទៅសង្គ្រោះ នៅក្នុងមន្ទីរពេទ្យខេត្ដពោធិ៍សាត់ ដោយសារតែមានករណីវះយក ក្រលៀន (តម្រងទឹកនោម) នោះឡើយ។

ការបដិសេធនិងច្រានចោល ព័ត៌មានខាងលើនេះ បានធ្វើឡើងបន្ទាប់ពី មានសេចក្ដីរាយការណ៍មួយចំនួន ព្រមទាំងការបង្ហោះព័ត៌មាននេះ នៅលើបណ្ដាញទំនាក់ ទំនងសង្គម ហៅថា ហ្វេសប៊ុក បាន សរសេរថា ករណីចាប់លួចវះយកក្រលៀន ដែលពីមុនគឺជាពាក្យចចាមអារ៉ាមនោះ បាន ក្លាយជាការពិត បន្ទាប់ពីស្ដ្រីម្នាក់ ពិតជាត្រូវបានគេ វះយកក្រលៀន ហើយបញ្ជូនទៅ សង្គ្រោះ នៅមន្ទីររពទ្យខេត្ដពោធិ៍សាត់។


លោកវេជ្ជបណ្ឌិត ចាន់ សុខា ប្រធានមន្ទីរពេទ្យបង្អែក ខេត្ដពោធិ៍សាត់ បានប្រាប់មជ្ឈមណ្ឌលព័ត៌មានដើមអម្ពិល តាមទូរស័ព្ទ នៅរសៀលថ្ងៃទី២៦ ខែកក្កដា ឆ្នាំ២០១២ ថា គ្មាននោះទេ គឺអត់តែម្ដង ចំពោះករណីខាងលើនេះ ដូច្នេះ លោកសូមធ្វើការបដិសេធទាំងស្រុង ។

ទាក់ទិនពាក្យចចាមអារ៉ាមថា មានករណីវះយកក្រលៀននោះ ប្រធានមន្ទីរពេទ្យរូបនេះ បានអះអាងថា ពាក្យដែលត្រឹមត្រូវសម្រាប់ហៅ គឺតម្រងទឹកនោម មិនមែន ក្រលៀន ឡើយ ប៉ុន្ដែម្នាក់ៗបានហៅតៗគ្នាថាគ្រលៀន។

សូមបញ្ជាក់ថា ក្នុងរយៈពេលថ្មីៗ និងរហូតមកដល់បច្ចុប្បន្ននេះ ពាក្យចចាមអារ៉ាម ដែលត្រូវបាននិយាយតគ្នា ពីមនុស្សម្នាក់ទៅមនុស្សម្នាក់ ជាពិសេសការផ្សព្វផ្សាយ នៅលើ បណ្ដាញទំនាក់ទំនងសង្គម ហៅថា ហ្វេសប៊ុក កាន់តែរីកសុះសាយឡើង ធ្វើឱ្យប្រជាពលរដ្ឋមួយចំនួន មានការ ភ័យខ្លាច ជាពិសេសភ័យចំពោះកូនៗរបស់ខ្លួន បន្ទាប់ពីឮថា មានជនមិនស្គាល់មុខ ចាប់ក្មេងៗវះយកក្រលៀន និង គ្រឿងក្នុង ។

ពាក្យចចាមអារ៉ាមដំបូងឡើយ បានលេចឮតាមបណ្ដាខេត្ដ ជាប់ព្រំប្រទល់ប្រទេសវៀតណាម ដូចជា ខេត្ដកំពត និងខេត្ដតាកែវជាដើម ប៉ុន្ដែនៅពេលនោះ សមត្ថកិច្ច និងអាជ្ញាធរពាក់ព័ន្ធ បានច្រានចោលទាំងស្រុង ថាគ្មានករណីនេះឡើយ ។