ក្រុមសិទ្ធិមនុស្សថ្កោលទោសការបំបិទសំឡេងក្រុមតវ៉ាដីធ្លី
- Friday, 07 September 2012
- Shane Worrell និង ឃុត សុភចរិយា
- www.postkhmer.com
អង្គការ សិទ្ធិមនុស្សលីកាដូ អង្គការ Equitable Cambodia ក្រុមការងារពិសេសសិទ្ធិលំនៅដ្ឋាន និងសមាគមធាងត្នោត បានធ្វើការថ្កោលទោសការឃុំខ្លួនអ្នកស្រី យ៉ោម បុប្ផា និងអ្នកស្រី ទឹម សាក់មុនី្ន នៅគុកព្រៃសមុនការកាត់ទោស បន្ទាប់ពីអ្នកទាំងពីរ ត្រូវសាលាដំបូងចោទប្រកាន់។
លោក យ៉េង វីរៈ នាយកប្រតិបត្តិនៃមជ្ឈមណ្ឌលអប់រំសម្រាប់សហគមន៍លើកក្នុង សេចក្តីថ្លែងការណ៍ថា ៖ «ការកើនឡើងមិនធ្លាប់មាន គឺការចោទប្រកាន់បទព្រហ្មទណ្ឌ និងការឃុំខ្លួនមុនការកាត់ទោសដើម្បីបំបិទសំឡេងពីសហគមន៍ រងគ្រោះ តំណាងរបស់ពួកគេ និងក្រុមអ្នកការពារសិទ្ធិមនុស្ស និងដែលមានលក្ខណៈជាប្រព័ន្ធកើតឡើងដដែលៗ រំលោភបំពានសិទ្ធិមូលដ្ឋាន និងសិទ្ធិរដ្ឋធម្មនុញ្ញរបស់ប្រជាជនកម្ពុជា»។
តំណាងអ្នកភូមិ បឹងកក់ អ្នកស្រី យ៉ោម បុប្ផាអាយុ២៩ឆ្នាំ ត្រូវបានចាប់់ខ្លួនពីថ្ងៃអង្គារនិងត្រូវចោទពីបទបង្កហិង្សា ដោយចេតនា ប៉ុន្តែអ្នកស្រីបដិសេធការចោទនេះ។ ឯអ្នកស្រី ទឹម សាក់មុន្នី ដែលថារងការចោទពីបទញុះញង់ ត្រូវបានចោទថាប្រកាសព័ត៌មានមិនពិត ដើម្បីបានផ្ទះនៅបុរីកីឡា។
អ្នកនាំពាក្យទីស្តីការគណៈរដ្ឋ មន្រ្តី លោក ផៃ ស៊ីផាន ថ្លែងថា រដ្ឋាភិបាលមិនបានជ្រៀតជ្រែកជាមួយនីតិវិធីរបស់តុលាការទេ។
លោក បន្តថា៖ «ចៅក្រម និងព្រះរាជអាជ្ញាទាំងអស់ មានការទទួលខុសត្រូវផ្ទាល់ខ្លួនចំពោះការងាររបស់ពួកគេ»។ លោកថា៖ «បក្សប្រឆាំងតែងតែជេរថាយើងជ្រៀតជ្រែកតុលាការ ប៉ុន្តែ តុលាការឯករាជ្យទាំងស្រុង»៕ PS
1 comment:
Bravo.. dech deyjo.....win win..bravo,,,\\\\\\ phai siphan somdech banhjo...vai eb c orb. phai siphan were from potato USA....he was the pimp to bring most khmer into SOCIAL SECURITY I. FRAUDULENCE IN CALIFORNIA,USA. he couldn't find a job in USA.... THAT'S WHY HE FLEET USA TO CAMBODIA TO BE HUN SEN'S DOG.
Post a Comment