ដោយ ម៉ម មុនីរតន៍ 2012-09-22. www. rfa.org
ប្រជាពលរដ្ឋនៅខេត្តកំពត ស្ដីបន្ទោសអាជ្ញាធរថា
តែងមានភាពខ្ជីខ្ជា និងពុំមានវិធានការចំពោះជនជាតិវៀតណាម
ដែលតែងឆ្លងដែនចូលមកស្រុកខ្មែរដោយខុសច្បាប់។
ការត្អូញត្អែររបស់ពលរដ្ឋកម្ពុជា បែបនេះ
កើតឡើងនៅគ្រាដែលមានទាំងពលរដ្ឋ និងសង្ឃវៀតណាម ជាច្រើន
បានឡើងទៅលើភ្នំបូកគោ ដើម្បីបែរបន់ និងគោរពបូជា
តាមរូបភាពអប្បិយជំនឿសាសនា នៅក្នុងវត្តសំពៅប្រាំ។ ក៏ប៉ុន្តែ
មន្ត្រីជំនាញទទួលបន្ទុកកិច្ចការព្រំដែនខាងរដ្ឋាភិបាលកម្ពុជា វិញ
ច្រានចោលព័ត៌មាននេះ។
ពលរដ្ឋនៅខេត្តកំពត អះអាងថា ជនជាតិវៀតណាម
នៅតែបន្តឡើងភ្នំបូកគោ ជាបន្តបន្ទាប់ ខណៈវត្តសំពៅប្រាំ
ដែលនៅលើភ្នំមួយនេះ បានក្លាយជាទីទាក់ទាញពលរដ្ឋ
សម្រាប់ពិធីបែរបន់បែបជំនឿសាសនា ដើម្បីស្វែងរកលាភសក្ការៈផ្សេងៗ។
ពលរដ្ឋនៅស្រុកទឹកឈូ ខេត្តកំពត
ដែលថ្លែងក្នុងលក្ខខណ្ឌសុំមិនបញ្ចេញឈ្មោះ ឲ្យដឹងថា
ក្នុងរយៈពេលមួយឆ្នាំចុងក្រោយនេះ មានពលរដ្ឋវៀតណាម
មករៀបចំពិធីបន់ស្រន់តាមបែបអប្បិយជំនឿយ៉ាងហោចណាស់ពី ៣០ទៅ
៤០នាក់ ក្នុងមួយថ្ងៃៗ។
ប្រភពដដែលបន្តថា បើទោះជាការចេញចូលរបស់ពលរដ្ឋវៀតណាម នេះ
ក្នុងន័យបែរបន់តាមបែបសាសនាយ៉ាងណាក្ដី
តែថាការចេះតែបន្តហូរចូលនូវជនជាតិវៀតណាម ដោយពុំមានច្បាប់នេះ
គឺជារឿងថ្មីមួយទៀតសម្រាប់កម្ពុជា៖ «ឃើញថាមកច្រើនមែនទែនបង
ភាគច្រើនហ្មងគឺថាលំដាប់លេខមួយ។ លើបូកគោ ភាគច្រើនគឺវៀតណាម
ហ្នឹងហ្មង។ បាទ នៅលើដូចថាវារមណីយដ្ឋានទាំងអស់ហ្នឹងបង។
ភាគច្រើនឃើញឡើងមកវត្តហ្នឹងហ្មង គឺច្រើនហ្មង
វត្តហ្នឹងភាគច្រើនគឺវៀតណាម មក។ មួយថ្ងៃអ៊ីចឹង
មកជួនណាបីបួនឡានក្រុង ហើយឡានក្រុងធំៗ»។
ប្រជាពលរដ្ឋដែលរស់នៅក្នុងឃុំកោះតូច ស្រុកទឹកឈូ ខេត្តកំពត
ពួកគេអះអាងថា ការកើនឡើងនៃចំនួនជនជាតិវៀតណាម មកភ្នំបូកគោ នេះ
បានបង្កើតក្ដីបារម្ភ
និងមន្ទិលសង្ស័យចំពោះវត្តមានរបស់ពលរដ្ឋវៀតណាម
ដែលចេះតែបន្តកើនឡើងពីមួយថ្ងៃទៅមួយថ្ងៃនៅកម្ពុជា៖ «ខាង
វៀតណាម មកច្រើនដែរ មកខាងក្រោម
ហើយថ្ងៃណាដែរដូចជាកសាងនៅសំពៅហ្នឹង ក៏ខាងវៀតណាម ដែរ។
ខ្ញុំឆ្ងល់ចំឡែកចិត្តដែរ ឆ្ងល់វៀតណាម
ជួនកាលមានព្រះអង្គចូលរត់តាមផ្លូវមករហូត
រត់ធ្វើជាខ្លាពាក់អាវខ្លា រត់មកនេះមកវត្តនេះ»។
យ៉ាងនេះក្ដី ក្រៅពីជំនឿដែលពលរដ្ឋវៀតណាម តែងចាត់ទុកថា
វត្តសំពៅប្រាំ ស្ថិតនៅលើកំពូលភ្នំបូកគោ នេះ មានភាពស័ក្ដិសិទ្ធិ។
ក្នុងនោះ ពលរដ្ឋវៀតណាម បានកសាងរូបសំណាកជាសំពៅ
មុខបែរទៅទិសខាងកើត ដោយមានព្រះនាងគង់ស៊ីអ៊ីម នៅលើសំពៅនោះផង។
ស្ត្រីវ័យជាង ៧០ឆ្នាំ ឈ្មោះ ឡេ ធីមីញធុយ (Lê Thị Minh Thúy)
ជាជនជាតិវៀតណាម មកពីខេត្តអានយ៉ាង (An Giang) ប្រទេសវៀតណាម
ដែលជាអតីតខេត្តរបស់ខ្មែរឈ្មោះថាខេត្តមាត់ជ្រូក
អតីតទឹកដីខ្មែរកម្ពុជាក្រោម ឲ្យដឹងថា នេះពុំមែនជាលើកទី១នោះទេ
ពោលគឺការឡើងមកបែរបន់នេះ យ៉ាងហោចណាស់ ៣លើករួចមកហើយ។ លោកស្រី ឡេ
ធីមីញធុយ បន្តថា អ្វីដែលពលរដ្ឋវៀតណាម តែងឡើងមកវត្តសំពៅប្រាំ នេះ
ក៏ព្រោះតែគេមានជំនឿថា អាចផ្ដល់សេចក្ដីសុខ
និងមានភាពចម្រុងចម្រើនសម្រាប់ប្រទេសវៀតណាម៖ «លោក វេតអើវ៉ឹងអ៊ាំ វ៉េត វ៉ឹងអ៊ាំ បន់ឲ្យកូនអើប្រជាជនអើក៏ទាំងអស់ ប្រជាជនគាត់បានសុខសប្បាយពេលបុណ្យអ៊ីចឹងអើ»។
លោក ខូយ ឃុនហួរ អភិបាលខេត្ត និងលោក សូ យាង អភិបាលរងខេត្តកំពត
ពុំអាចស្នើសុំការអត្ថាធិប្បាយបានទេ ដោយអះអាងថាជាប់ប្រជុំ។
ចំណែកលោក នួន សារី ស្នងការរងខេត្តកំពត ទទួលបន្ទុកកិច្ចការព្រំដែន
បដិសេធចំពោះអ្វីដែលពលរដ្ឋរកឃើញថា មានជនជាតិវៀតណាម
បន្តឡើងភ្នំបូកគោ នេះ៖ «មានការអីហ្នឹង អត់ដឹងផងខ្ញុំ អត់ដឹងទេ»។
លោក រ៉ុង ឈុន សមាជិកក្រុមប្រឹក្សាឃ្លាំមើលកម្ពុជា
និងជាប្រធានសមាគមគ្រូបង្រៀនកម្ពុជាឯករាជ្យ លោកថ្លែងថា
ការទទួលបានកំណើនភ្ញៀវទេសចរ
គឺជាផ្នែកមួយដែលអាចជួយបង្កើនចំណូលសេដ្ឋកិច្ចសម្រាប់ប្រទេស
កម្ពុជា។ លោកបន្តថា ក៏ប៉ុន្តែ អ្វីដែលជាបន្ទុក
គឺបារម្ភក្រែងរដ្ឋាភិបាលអនុវត្តច្បាប់ស្ដីពីជនអន្តោប្រវេសន៍ពុំ
មានប្រសិទ្ធភាព។
បញ្ហានេះ មន្ត្រីបក្សប្រឆាំង និងអង្គការសង្គមស៊ីវិល
តែងរិះគន់រដ្ឋាភិបាលថា តែងផ្ដល់ភាពងាយស្រួលសម្រាប់ជនជាតិវៀតណាម
ដែលចូលមករស់នៅក្នុងប្រទេសកម្ពុជា៕
5 comments:
រឿងរ៉ាវដែលទាក់ទងជាមួយជនជាតិចូលដីខ្មែរ
ខុសច្បាប់វាជាទម្លាប់យូរមកហើយ ហើយវាក៏
ជាការរៀបចំរបស់មេដឹកនាំខ្មែរ។
តាមឮមកថាអភិបាលខេត្តរងកំពតជាយួនសុទ្ធ
ហេតុហ្នឹងឬ ?
សូម បងៗ ដែល ដាក់ប្រកាស ត្រូវតែ ដាក់ ឈ្មោះ ចំណាត់ក្រុម (Category) ឬ ឈ្មោះ ប្លាក (tag) ផង សំរាប់ អ្នក អាន ងាយ រក ពត៌មាន ប្រទាក់ ពី មួយ ទៅ មួយ។
អរគុណ ណាស់។
ខ្ញុំទើបតែនឹងមកពីភ្នំបូកគោថ្មីៗនេះ គឺឃើញប្រាកដ
ថាមានយួននៅទីនោះមែន។ពេលខ្ញុំទៅដល់វត្ត
នោះ ខ្ញុំឃើញយួនស្រីប្រុសប្រមាណ២០នាក់ដល់ពេលគេនិយាយគ្នាទើបខ្ញុំដឹងថាជាយួន។
ពួកគេមកធ្វើការបួងសួង អុចធូប ខ្ញុំបានសួរកម្មករខ្មែរនៅទីនោះ ពួកគេថាជាយួន ហើយយួនទាំងនេះគេមកពីស្រុកយួនហើយមកបន់ស្រន់នៅទីនេះ ប៉ុន្តែខ្លះជាជាងសំណង់ឲ្យក្រុមហ៊ុន
សុកគង់នៅលើភ្នំបូកគោនេះ។បើនិយាយពីរមនី្មយដ្ឋានបូកគោវិញគឺជាស្ថានសួគ៏លោកីយ លើកំពូលភ្នំទាំងមូលក្លាយជាផ្ទះសំណាក់ផ្កាយ៣ ផ្កាយ៥ កាស៊ីណូ ផ្ទះសំណាក់តូចៗ កន្លែងវាយកូនគោល ទឹកជ្រោះ ទឹកស្ទឺង ខ្សែកាបកន្រ្តកពីភ្នំមួយទៅភ្នំមួយ ផ្ទះវិឡាសង់ជាជួររាប់ពាន់ខ្នងសំរាប់លក់។ល។
នេះជាវិនិយោគដែលហ៊ុនសែនផ្តល់ឲ្យសុកគង់ គឺចំណាយប្រាក់រាប់កោដ្ឋដុល្លាទើបកសាងបាន។
បើគ្រាន់តែគេទៅលេងវត្តហ្នឹងវាយ៉ាងម៉េច? អស់លោកខ្លាចខ្មែរមាន? ទេចរណ៍វៀតណាមជាង៦០ម៉ឺននាក់ក្នុង១ឆ្នាំ ហើយទូទាំងពិភពលើជិត២លាននាក់។ តើវាខុសដែរ គ្រាន់តែយួនដើរលេង? ពួកអស់លោក ចង់ធ្វើជាកង្កែបក្នុងអណ្ដូង គា្មនសកលភាវូនិួកម្ម? ចង់ឲ្យវត្តនោះស្ងាត់ជ្រងំ សម្រាប់តែអស់លោកទោជុះអាចម៍ដាក់?
ទស្សនៈមិនរីកចំរើន ល្មដូរចេញទៅ
Post a Comment