11 តុលា 2012
ភ្នំពេញ៖
អ្នកឃ្លាំមើលព័ត៌មានឯករាជ្យនៅថ្ងៃពុធនេះសម្តែងការព្រួយបារម្ភ
ថា
ការជួបប្រជុំលក្ខណៈបិទទ្វាររវាងតំណាងមន្ត្រីរដ្ឋាភិបាលជាមួយ
តំណាងវិទ្យុអាស៊ីសេរី និងវិទ្យុសំឡេងសហរដ្ឋអាមេរិកផ្នែកខេមរភាសាថា
ជាការបំភិតបំភ័យនិងជាការគំរាមកំហែងមួយដល់ប្រព័ន្ឋផ្សព្វផ្សាយ
របស់វិទ្យុទាំងពីរដែលផ្តល់មូលនិធិដោយសហរដ្ឋអាមេរិក។
មន្ត្រីតំណាងរដ្ឋាភិបាលពីទីស្តីការគណៈរដ្ឋមន្ត្រី
ក្រសួងការបរទេស យុត្តិធម៌ និងក្រសួងព័ត៌មាន
តំណាងស្ថានទូតសហរដ្ឋអាមេរិក វិទ្យុអាស៊ីសេរី
វីអូអេសំឡេងសហរដ្ឋអាមេរិក និងតំណាងក្លឹបអ្នកកាសែតកម្ពុជា
បានបើកកិច្ចប្រជុំមួយនៅទីស្តីការគណៈរដ្ឋមន្ត្រីជាលក្ខណៈបិទ
ទ្វារមិនអនុញ្ញាតឲ្យអ្នកយកព័ត៌មានចូលរួមឡើយ។
ខ្លឺមសារនៃកិច្ចប្រជុំមិនត្រូវបានទម្លាយឲ្យដឹងជាសារធារណៈទេ
ប៉ុន្តែយោងតាមលិខិតអញ្ជើញរបស់ក្រសួងព័ត៌មានតាមរយៈទីស្តីការគណៈ
រដ្ឋមន្ត្រីកាលពីថ្ងៃអង្គារបានរៀបរាប់ថា
ការបើកកិច្ចប្រជុំនេះជាការបង្ហាញកិច្ចសហការរវាងរាជរដ្ឋាភិបាល
កម្ពុជាជាមួយប្រព័ន្ឋផ្សាយបរទេស
និងបេសកម្មរបស់វិទ្យុបរទេសផ្សាយជាខេមរៈភាសានៅក្នុងប្រទេស
កម្ពុជា។
លោក សន ម៉ាកឃីនថត
អ្នកនាំពាក្យស្ថានទូតសហរដ្ឋអាមេរិកប្រចាំកម្ពុជាដែលបានចូលរួម
ក្នុងកិច្ចប្រជុំនោះបានប្រាប់តាមរយៈសារអេឡិកត្រូនិកថាដោយសារ
កិច្ចប្រជុំមានលក្ខណៈបិទទ្វារ
លោកមិនអាចបញ្ចេញខ្លឹមសារនៃកិច្ចប្រជុំនេះបានទេ
ប៉ុន្តែជំហររបស់សហរដ្ឋអាមេរិកគាំទ្រសេរីភាពបញ្ចេញមតិ
និងសិទ្ឋិទទួលព័ត៌មានតាមរយៈប្រព័ន្ឋផ្សព្វផ្សាយរបស់វិទ្យុអាស៊ី
សេរី និងសំឡេងសហរដ្ឋអាមេរិក។
លោក ប៉ាង ងួនទៀង
នាយកប្រតិបត្តិនៃមជ្ឃមណ្ឌលកម្ពុជាសម្រាប់ការផ្សព្វផ្សាយព័ត៌មាន
ឯករាជ្យបាននិយាយថា ការជួបប្រជុំគ្នានេះវាជាសញ្ញាមិនល្អ
និងជាការគំរាមកំហែងសម្រាប់ដំណើរការនៃវិទ្យុទាំងពីរ។
លោកបាននិយាយថា ប្រជាពលរដ្ឋមានចំណូលចិត្តស្ដាប់វិទ្យុអាស៊ីសេរី
និងវីអូអេ
ក៏ប៉ុន្តែរដ្ឋាភិបាលយល់ថាវិទ្យុទាំងពីរមាននិន្នាការប្រឆាំងនឹង
រដ្ឋាភិបាលទៅវិញ។
«ខ្ញុំមិនទាន់ដឹងថាជាការពិភាក្សាយ៉ាងម៉េច ប៉ុន្តែខ្ញុំថា
វាជាការសញ្ញាមិនល្អមួយសម្លាប់អ្នកប្រកបវិជ្ជាជីវៈសាព័ត៌មាន
ក្នុងប្រទេសទាំងពីរ»។
លោកបណ្ឌិត ឡៅ ម៉ុងហៃ អ្នកវិភាគឯករាជ្យថ្លែងថា
នេះជាយុទ្ឋសាស្ត្រមួយរបស់រដ្ឋាភិបាលដើម្បីរាំងខ្ទប់វិទ្យុទាំង
ពីរមិនឲ្យបន្តរិះគន់រដ្ឋាភិបាល។
លោកបានសួរថាតើជំហររបស់វិទ្យុទាំងពីរបែបណាក្រោយពីមានកិច្ច
ប្រជុំនោះរួចមក។
«តើយើងត្រូវប្រកាន់ឬក៏ចេះតែមានការទោទន់ទៅតាមការគាបសង្កត់ហ្នឹងឬក៏យ៉ាងម៉េច?»។
លោកយឹម សុវណ្ណអ្នកនាំពាក្យគណបក្សសង្គ្រោះជាតិបានអះអាងថា
ទាំងវិទ្យុអាស៊ីសេរីនិងវីអូអេមានក្រមវិជ្ជាជីវល្អប្រសើរហើយយើង
មិនគួរមានការកោះប្រជុំឬក៏ធ្វើការគាបសង្កត់វិទ្យុទាំងពីរនេះ
ទេ។
«នៅក្នុងសង្គមប្រជាធិបតេយ្យ ប្រព័ន្ឋផ្សព្វផ្សាយគឺជាអំណាចទី៤។
ដូច្នេះ បានប្រព័ន្ឋផ្សព្វផ្សាយហ្នឹងហើយដែលជួយតំរែតំរង់ទិស
ផ្តល់កញ្ចក់ឆ្លុះចំណុចខ្វះខាតរបស់អ្នកដឹកនាំនយោបាយដើម្បីធ្វើ
ការកែតម្រូវ»។
លោក ផៃ ស៊ីផាន
អ្នកនាំពាក្យនៃទីស្តីការគណៈរដ្ឋមន្ត្រីបានបញ្ជាក់ថា
កិច្ចប្រជុំនេះគ្រាន់តែស្វែងរកដំណោះស្រាយមួយដើម្បីជួយគ្នាទៅ
វិញទៅមករវាងរដ្ឋាភិបាលនិងការពង្រឹងវិជ្ជាជីវៈព័ត៌មានតែ
ប៉ុណ្ណោះ។
«យើងក៏មានការផ្តល់គំនិតមួយទៀតក្នុងការចូលរួមចំណែកក្នុងការ
ពង្រឹងទំនាក់ទំនងល្អ
និងកិច្ចសហប្រតិបត្តិការរវាងប្រជាជាតិយើងទាំងពីរហើយសុំឲ្យយក
ចិត្តទុកដាក់ខ្ពស់ពីវប្បធម៌ និងច្បាប់របស់កម្ពុជា»។
លោកគ្រីស ឌិឃើត ប្រធានវីអូអេផ្នែកខេមរភាសាមានប្រសាសន៍ថា
វីអូអេនៅតែបន្តផ្តល់ព័ត៌មានពិតមិនលម្អៀងដល់ប្រជាពលរដ្ឋកម្ពុជា។
«វីអូអេផ្នែកខេមរភាសានឹងនៅតែបន្តផ្សាយ
និងរាយការណ៍ព័ត៌មានប្រកបដោយវិជ្ជាជីវៈ និងមិនលម្អៀងដដែល
គឺដូចអ្វីដែលយើងបានធ្វើជាងប្រាំទសវត្សរ៍មកនេះ
ដោយផ្តល់ព័ត៌មានជាភាសាខ្មែរទាន់ហេតុការណ៍ ត្រឹមត្រូវ
និងមានទស្សនៈយោបល់ជាច្រើនអំពីពិភពលោក សហរដ្ឋអាមេរិក អាស៊ី
និងកម្ពុជាជារៀងរាល់ថ្ងៃទៅដល់ប្រជាពលរដ្ឋ១៥លាននាក់នៅកម្ពុជា។
គឺពលរដ្ឋទាំងនោះហើយជាអ្នកស្តាប់របស់យើងហើយពួកគេសមនឹងទទួលបាន
ព័ត៌មានប្រកបដោយគុណភាពដែលពួកគេអាចជឿទុកចិត្តបាន»។
1 comment:
Dictator Hun Sen cannot live with the truth.
To keep their power and individual wealth, Hun Sen and cronies systematically and unjustly silence all opposition voices.
Furthermore, through their controlled media they cascade misinformationp and propagandas.
We must remove this Dictator by votes and/or by other means !!!
Post a Comment