សម្តីតឹកឡឹកៗ របស់ រត់មុនត្រី ហ៊ុនសែន

(Photo: Reuters)

ប្រសាសន៍សំខាន់ៗ សម្តេចតេជោ ក្នុងឱកាសចែក សញ្ញាបត្រ 

Thursday, 04 October 2012 
ដោយៈ ដើមអម្ពិល (DAP), ស៊ន សុភក្រ្ត

- ជាកិច្ចចាប់ផ្តើមសម្តេចតេជោ ហ៊ុន សែន បានរិះគន់ដល់មន្រ្តី អ.ស.ប ម្នាក់ ដែលបានសរសេររបាយ ការណ៍រិះគន់រាជរដ្ឋាភិបាលកម្ពុជា ទោះបីជាសម្តេចមិនបានបញ្ចេញឈ្មោះបុគ្គលរូបនេះ ក៏ដឹងយ៉ាង ច្បាស់ថា គឺ ស៊ូយ៉ា ប្រាសាទស៊ូប៊ែរឌី។ សម្តេចបានលើកឡើងថា មកសរសេររបាយការណ៍តឹកឡឹកៗ ហើយមានមន្រ្តីគណបក្សនយោបាយ មួយចំនួន បានចាត់ទុករបាយការណ៍នេះថា ជាអនុសាសន៍របស់អង្គការ សហប្រជាជាតិ។ សម្តេច បានហៅមន្រ្តីគណបក្សនយោ បាយទាំងនោះថា និយាយភ្លើៗ តើស្គាល់ទេ អ្វីទៅអង្គការសហប្រជាតិ អង្គការសហប្រជាជាតិ គេមានឋានានុក្រមរបស់គេច្បាស់លាស់។ សម្តេចបានលើកឡើង ទៀតថា មិនអាច ហៅថា ឯកឧត្តមភ្លើ លោកជំទាវភ្លើ ឬព្រះតេជគុណភ្លើ បានទេ គឺហៅថា អាភ្លើ

ហើយការហៅបែប នេះ គឺវាមិនធ្ងន់ធ្ងរជាងពួកគេ ដែលតែងហៅថ្នាក់ដឹកនាំ គណបក្សប្រជាជនថា អា៣នាក់ ជាអ្នកក្បត់ជាតិ ជាពិសេស អាកណ្តាល វាខូចជាងគេ។

សម្តេចបន្តថា ប្រទេសអធិបតេយ្យមួយ មិនអាចទទួលយករបាយការណ៍របស់ បុគ្គលម្នាក់បានទេ គឺត្រូវមានការយល់ព្រមពីប្រជាជន ដែលជាអ្នកគាំទ្រគណបក្សប្រជាជន។ សម្តេចបាន ធ្វើការរិះគន់ថា អ្នកដែលសរសេររបាយការណ៍នេះ ប្រទេសរបស់ខ្លួន បានសុំ រៀនសូត្រពីកម្ពុជា ហើយ មិនទាន់មានរដ្ឋធម្មនុញ្ញថែមទៀតផង ជាពិសេសថ្មីៗនេះ ទើបនឹងលប់ចោលរបបរាជានិយម ដូច្នេះ បុគ្គល នេះ គួរតែទៅជួយប្រទេសរបស់ខ្លួន ប្រសើរជាងនៅ ជួយប្រទេសកម្ពុជា។

- សម្តេចនាយករដ្ឋមន្ត្រី បានប្រតិកម្ម និងរិះគន់ដល់ក្រុមអ្នកវិភាគមួយចំនួន ដែលតាំង ខ្លួនជាបណ្ឌិត ដោយបានលើកឡើងថា បើសម្តេចចែកមេដាយមាសដល់មន្រ្តី ពាក់ព័ន្ធ និងក្រុមយុវជនស្ម័គ្រចិត្តចុះវាស់ វែងដីធ្លី គួរតែផ្តល់ឲ្យកងទ័ពដែលការ ពារ ទឹកដីផង ធ្វើឲ្យមានសមធម៌។ សម្តេចបានចាត់ទុកការលើកឡើង របស់ក្រុមនេះថា គ្មានចំណេះដឹងគ្រប់គ្រាន់ មកតាំងខ្លួនធ្វើជាបណ្ឌិត ។ សម្តេចបានលើកឡើងថា កងទ័ព ការពារទឹកដីគេមានមេដាយ មួយជីវិតរបស់ពួកគេរួចទៅហើយ គឺមេដាយសេនាជ័យ ដែលព្រះរាជទាន ដោយព្រះមហាក្សត្រ ហើយមេដាយនេះ គឺមានតម្លៃជាងមេដាយមាសទៅទៀត។ ជាមួយគ្នានេះ សម្តេច បានអំពាវនាវ ឲ្យមានការប្រុងប្រយ័ត្នឲ្យបានខ្ពស់បន្តទៀត ពាក់ព័ន្ធទៅនឹងជំនន់ទឹកភ្លៀង។ ដោយឡែក ព្រះរាជពិធីបុណ្យអុំទូកនៅឆ្នាំនេះ គឺប្រារព្ធឡើងជាធម្មតា។