(លោក រ៉ុង ឈុន ប្រធានសមាគមគ្រូបង្រៀនឯករាជ្យកម្ពុជា)
ថ្ងៃទី១ ខែតុលា ឆ្នាំ២០១២
ប្រភព៖អង្គមេឌា
ប្រភព៖អង្គមេឌា
នាព្រឹកថ្ងៃចន្ទ ទី១ ខែតុលា ឆ្នាំ២០១២នេះ នៅស្នាក់ការរបស់សមាគមគ្រូបង្រៀនកម្ពុជា មានធ្វើសន្និសីទកាសែមួយ បង្ហាញអំពីផែនការពង្រឹងគុណភាពអប់រំនៅកម្ពុជា ហើយផែននេះ ក៏នឹងបង្ហាញនៅក្នុងទិវាគ្រូបង្រៀនពិភពលោក នៅថ្ងៃទី៥ ខែតុលា ឆ្នាំ២០១២ ខាងមុខនេះ ។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានឲ្យដឹងថា សម្រាប់ទិវាគ្រូបង្រៀនពិភពលោកឆ្នាំនេះ គឺយើងបានជ្រើសរើស ប្រធានបទស្តីពី “យើងប្រកាន់ជំហរ ដើម្បីគ្រូបង្រៀន” ព្រមទាំងបង្ហាញពីផែនការផ្តល់រង្វាន់ លើកទឹកចិត្តដល់គ្រូបង្រៀន និងសិស្ស ដែលបានចូលរួមគូរគំនូរ សម្រាប់ចូលរួមតាំងពិព័រណ៍ នៅក្នុងទិវាគ្រូបង្រៀនពិភពលោកផងដែរ។
លោក រ៉ុង ឈុន បាន បញ្ជាក់ថា សមាគមគ្រូបង្រៀន នឹងធ្វើការផ្សព្វផ្សាយនូវរបាយការណ៍ ស្តីពី លទ្ធផល នៃស្ថានភាពគ្រូបង្រៀន នៅក្នុងប្រទេសកម្ពុជា និងការលើកឡើងនូវអនុសាសន៍មួយចំនួន ជូនដល់ប្រមុខរាជរដ្ឋាភិបាលកម្ពុជា ដោយបានផ្តោតសំខាន់លើបួនចំណុច រួមមាន៖ ១.ការស្នើឲ្យរាជរដ្ឋាភិបានពិចារណាតម្លើងប្រាក់បៀរវត្សរ៍ គ្រូបង្រៀនឲ្យបានសមរម្យ ២.ស្នើសុំទៅរាជរដ្ឋាភិបាល ផ្តល់កញ្ចប់ថវិកា សម្រាប់ផ្គត់ផ្គង់វិស័អប់រំឲ្យបានសមរម្យ ៣.ស្នើសុំសិទ្ធិការងារគ្រូបង្រៀននិង៤.ការចូលរួមរបសគ្រូបង្រៀន។
លោក រ៉ុង ឈុន បន្តថា “យើងជឿថា ប្រមុខរាជរដ្ឋាភិបាលកម្ពុជា នឹងទទួលយកនូវអនុសាសន៍របស់សមាគមគ្រូបង្រៀនកម្ពុជាឯករាជ្យ យកទៅពិចារណា ដើម្បីលើកកំពស់ស្ថានភាពគ្រូបង្រៀន និងគុណភាពអប់រំនៅកម្ពុជា”។
លោក រ៉ុង ឈុន បានឲ្យដឹងបន្តថា នៅម៉ោង ១០ ព្រឹក ថ្ងៃចន្ទ ទី១ ខែតុលា ដើម្បីបង្ហាញពីផែនការសកម្មភាពរបស់សមាគម និងពីស្ថានភាពរបស់គ្រូបង្រៀន និងគុណភាពអប់រំ នៅក្នុងប្រទេសកម្ពុជា។
កន្លងមក លោក រ៉ុង ឈុន ក៏ដូចគណបក្សប្រឆាំងផងនោះ តែងតែធ្វើការទាមទារជាសាធារណៈទៅប្រមុខរាជរដ្ឋាភិបាលកម្ពុជា ឲ្យធ្វើការតម្លើងប្រាក់ខែ ជូនគ្រូបង្រៀន ឲ្យបានទាបបំផុតគឺក្នុងមួយខែ ចំនួន ១លានរៀលកន្លះ ដើម្បីទប់ទល់នឹងការឡើងថ្លៃទំនិញ និងប្រេងសាំង នៅលើទីផ្សារសព្វថ្ងៃ។
ចំណែក រាជរដ្ឋាភិបាលវិញ ជា រៀងរាល់ឆ្នាំ តែងតែធ្វើការតម្លើងប្រាក់ខែជូនគ្រូបង្រៀន និងមន្ត្រីរាជការទូទៅ ក្នុងមួយឆ្នាំចំនួន ២០ភាគរយ ដែលធ្វើឲ្យប្រាក់ខែមន្ត្រីរាជការ និងគ្រូបង្រៀន មានចំនួនកើនឡើងរហូត៕
No comments:
Post a Comment