.jpg) |
| ស្ត្រីពលរដ្ឋបឹងកក់និងបុរីកីឡា២នាក់ ដាក់ខ្លួនឯងក្នុងទ្រុងតវ៉ាមុខក្រសួងយុត្តិធម៌។រូបថត ម៉េង គីមឡុង |
«សូមដោះលែងខ្ញុំទៅ តើខ្ញុំមានកំហុសអី?»
Wednesday, 03 October 2012
ឃុត សុភចរិយា
The Phnom Penh Post
«សូមដោះលែងខ្ញុំទៅ តើខ្ញុំមានកំហុសអី?» នេះជាសម្រែករបស់ស្ត្រីវ័យចំណាស់ពីររូប ដែលបានបន្លឺចេញពីក្នុងទ្រង់ធ្វើពីឈើកំពុក លាយបន្ទះឫស្សី មួយដែលមានទំហំប្រមាណជា១.៥ម៉ែត្រក្រឡា នៅមុខក្រសួងយុត្តិធម៌ កាលព្រឹកថ្ងៃពុធទី០៣ តុលាការនេះ ជាទីដែលប្រជាពលរដ្ឋក្នុងសហគមន៍បឹងកក់ និងបុរីកីឡា ប្រមាណ១០០នាក់ បានជួបប្រជុំគ្នាតវ៉ាដើម្បីទាមទារឲ្យមានការដោះលែងសកម្មជនដីធ្លីរបស់ពួកគេគឺអ្នកស្រី យ៉ោម បុប្ផានិងអ្នកស្រី ទឹម សាក់មុន្នី។
អ្នកស្រី យ៉ោម បុប្ផា សកម្មជនដីធ្លីក្នុងសហគមន៍បឹងកក់ ត្រូវបានចាប់ខ្លួនកាលពីថ្ងៃទី៤ ខែ កញ្ញា ខណៈគាត់និងប្ដីរបស់គាត់នាំគ្នាទៅពិនិត្យបញ្ជីឈ្មោះបោះឆ្នោត នៅសង្កាត់ស្រះចក ហើយក្នុងរយៈពេលប៉ុន្មានម៉ោងក្រោយមកគាត់ត្រូវបានតុលាការរាជធានី ភ្នំពេញ បង្គាប់ឲ្យបញ្ជូនទៅឃុំខ្លួនជាបណ្ដោះអាសន្ននៅគុកព្រៃស ដោយចោទប្រកាន់ពីបទ«ហឹង្សាដោយចេតនា» ។ មួយថ្ងៃបន្ទាប់មក តំណាងជនរងគ្រោះក្នុងជម្លោះដីធ្លីក្នុងសហគមន៍បូរីកីឡា អ្នកស្រី ទឹម សាក់មុន្នី ត្រូវបានតុលាការដដែលនេះ បង្គាប់ឲ្យឃុំខ្លួនជាបណ្ដោះអាសន្ននៅគុកព្រៃសផងដែរ ដោយចោទប្រកាន់ ពីបទ« ប្រកាសខ្លែងបន្លំការពិត» ក្រោយពីគាត់ត្រូវបានកោះឲ្យចូលបំភ្លឺចំពោះបណ្ដឹងចោទប្រកាន់ពីបទ «ញុះញង់ឲ្យប្រព្រឹត្តបទឧក្រិដ្ឋ» របស់អ្នកស្រីស៊ុយ សុផាន។
No comments:
Post a Comment