កុយ កុយ ៖ ចំពោះបញ្ហាដីធ្លីវិញ អ្នកនាំពាក្យក្រសួងការបរទេស បានលើកឡើងថា "ការចោទប្រកាន់ពាក់ពន្ធ័និងបញ្ហាដីធ្លី គឺជាការចោទប្រកាន់មិនពិត ទាល់តែសោះ ដោយផ្អែកតែទៅលើសេចក្តីរាយការណ៍សារព័ត៌មានអវិជ្ជមាន។ ការចោទប្រកាន់បែបនេះ ជាការឆោតល្ងង់ដោយមិនដឹងពីកិច្ចខិតខំប្រឹងប្រែងឥតនឿយហត់ របស់រាជរដ្ឋាភិបាលកម្ពុជា ដូចជា ការផ្អាកការផ្តល់ដីសម្បទានសេដ្ឋកិច្ចថ្មី ការត្រួតពិនិត្យឡើងវិញ ដីសម្បទាន ដែលមានស្រាប់ និងការខិតខំបំពេញការងារដោយយកចិត្តទុកដាក់របស់និស្សិតស្ម័គ្រចិត្ត ប្រមាណ ១.៥០០ នាក់ ក្នុងការជួយធ្វើប័ណ្ណកម្មសិទ្ធិដីធ្លី ចំនួន ១,៨ លានហិតា ជូនប្រជាពលរដ្ឋប្រមាណ ៤៨០.០០០ ពាន់គ្រួសារ"។
ទីប្រឹក្សាលោក បារ៉ាក់ អូបាម៉ា បានបន្តថា "យើងនៅបន្តបញ្ជាក់យ៉ាងច្បាស់ថា យើងចង់ឃើញសេរីភាពផ្នែកនយោបាយ នៅកម្ពុជា។ យើងចង់ឃើញការបោះជំហានទៅមុខនូវការបោះឆ្នោតមួយដែលគួរជឿ ទុកចិត្តបាន និងយុត្តិធម៌។ យើងក៏ចង់ឃើញការដោះលែងអ្នកទោសនយោបាយផងដែរ"៕
(ថ្ងៃទី 18 វិច្ឆិកា 2012, ម៉ោង 02:47:PM) | ដោយ: រតនា CEN
ភ្នំពេញ: អ្នកនាំពាក្យក្រសួងការបរទេស បានប្រកាសថា កម្ពុជាធានាថា ការបោះឆ្នោតនៅឆ្នាំក្រោយ មានលក្ខណៈសេរី និងយុត្តិធម៌ ដោយមានការចូលរួមពីសំណាក់អ្នកសង្កេតការណ៍បោះឆ្នោតជាតិ និងអន្តរជាតិរាប់ពាន់អ្នក។ក្នុងសេចក្តីថ្លែងការណ៍ អ្នកនាំពាក្យក្រសួងការបរទេស បានលើកឡើងថា "សម្តេចតេជោនាយករដ្ឋមន្ត្រី ហ៊ុន សែន បានថ្លែងម្តងហើយម្តងទៀតថា សម្តេចបានសន្យាជាឧឡារិកថា នឹងប្រគល់អំណាច ទៅគណបក្សប្រឆាំង ប្រសិនបើគណបក្សនេះ ឈ្នះឆ្នោត"។
សេចក្តីថ្លែងការណ៍ ក៏បានលើកឡើងថា ដើម្បីមានការយល់ដឹងពិតប្រាកដអំពីការផ្លាស់ប្តូរ និងការអភិវឌ្ឍន៍ជាវិជ្ជមាននៅកម្ពុជា (ជាជាងការបដិសេធនោះ) គេគួរតែបើភ្នែកឲ្យធំ ដើម្បីមើលស្ថានភាពជាក់ស្តែងនៅហ្នឹងកន្លែង។ បើគ្រាន់តែស្តាប់គណបក្សប្រឆាំង ឬស្តាប់អង្គការសង្គមស៊ីវិលមួយចំនួន ដែលមានសម្ព័ន្ធភាពជាមួយគណបក្សប្រឆាំងនោះ គេមិនអាចឃើញការផ្លាស់ប្តូរ និងការអភិវឌ្ឍន៍ពិតប្រាកដបានទេ ពីព្រោះគេនៅតែបន្តមានផ្នត់គំនិតចាស់ ភ័ន្តច្រឡំ និងទស្សនៈហួសសម័យ"។
អ្នកនាំពាក្យក្រសួងការបរទេស ក៏បានលើកឡើងថា "ការដែលគណបក្សប្រឆាំង និងអង្គការសង្គមស៊ីវិលមួយចំនួន អាចធ្វើការរិះគន់រាជរដ្ឋាភិបាលជាចំហរ ទាំងនៅក្នុង និងក្រៅប្រទេសបាន បង្ហាញឲ្យឃើញនូវសេរីភាពនៃការបញ្ចេញមតិ លទ្ធិប្រជាធិបតេយ្យ និងសិទ្ធិមនុស្សនៅកម្ពុជា"។
ចំពោះបញ្ហាដីធ្លីវិញ អ្នកនាំពាក្យក្រសួងការបរទេស បានលើកឡើងថា "ការចោទប្រកាន់ពាក់ពន្ធ័និងបញ្ហាដីធ្លី គឺជាការចោទប្រកាន់មិនពិត ទាល់តែសោះ ដោយផ្អែកតែទៅលើសេចក្តីរាយការណ៍សារព័ត៌មានអវិជ្ជមាន។ ការចោទប្រកាន់បែបនេះ ជាការឆោតល្ងង់ដោយមិនដឹងពីកិច្ចខិតខំប្រឹងប្រែងឥតនឿយហត់ របស់រាជរដ្ឋាភិបាលកម្ពុជា ដូចជា ការផ្អាកការផ្តល់ដីសម្បទានសេដ្ឋកិច្ចថ្មី ការត្រួតពិនិត្យឡើងវិញ ដីសម្បទាន ដែលមានស្រាប់ និងការខិតខំបំពេញការងារដោយយកចិត្តទុកដាក់របស់និស្សិតស្ម័គ្រចិត្ត ប្រមាណ ១.៥០០ នាក់ ក្នុងការជួយធ្វើប័ណ្ណកម្មសិទ្ធិដីធ្លី ចំនួន ១,៨ លានហិតា ជូនប្រជាពលរដ្ឋប្រមាណ ៤៨០.០០០ ពាន់គ្រួសារ"។
សេចក្តីថ្លែងការណ៍ របស់អ្នកនាំពាក្យរដ្ឋាភិបាលកម្ពុជា ក៏បានគូសបញ្ជាក់ថា "រាជរដ្ឋាភិបាលកម្ពុជា មិនមាននយោបាយ បណ្តេញពលរដ្ឋចេញពីលំនៅដ្ឋានដោយបង្ខំទេ ហើយក៏មិនបានប្រើប្រាស់កងកម្លាំង ដូចការចោទប្រកាន់ដោយខុសឆ្គងនោះទេដែរ។ ជំហររបស់រាជរដ្ឋាភិបាលកម្ពុជា គឺផ្តល់សំណាងការប្តូរដី និងការឲ្យតាំំងលំនៅដ្ឋានហ្នឹងកន្លែង ដែលអាចធ្វើទៅបានដោយត្រឹមត្រូវ។ ទោះជាយ៉ាងណាក៏ដោយ ក៏នៅមានប្រជាពលរដ្ឋមួយក្រុមតូចប៉ុណ្ណោះ ដែលស្ថិតនៅលើដីសាធារណៈ និងឯកជន ដែលបានបដិសេធ មិនព្រមទទួទលសំណង ដែលបានផ្តល់ជូននោះទេ"។
សូម រម្លឹកថា អ្នកនាំពាក្យរបស់សេតវិមានប្រធានាធិបតីអាមេរិក បានប្រាប់អ្នកកាសែតថា លោក បារ៉ាក់ អូបាម៉ា ក្នុងពេលជួបសម្តេច ហ៊ុន សែន លោកនឹងបង្ហាញក្តីព្រួយបារម្ភរបស់លោក ចំពោះបញ្ហាការគោរពសិទ្ធិមនុស្សនៅកម្ពុជា នៅពេលដែលលោក ត្រូវជួបទ្វេភាគីជាមួយសម្តេចនាយករដ្ឋមន្ត្រី ហ៊ុន សែន។
ទីភ្នាក់ងារព័ត៌មានបារាំង AFP បានស្រង់សម្តីរបស់ទីប្រឹក្សាលោកអូបាម៉ា មកចុះផ្សាយថា "យើងមានការព្រួយបារម្ភខ្លាំងណាស់ ចំពោះបញ្ហាសិទ្ធិមនុស្ស នៅកម្ពុជា។ លោកប្រធានាធិបតី ពិតជានឹងលើកឡើងបញ្ហានេះ នៅពេលដែលលោកជួបជាមួយលោកនាយករដ្ឋមន្ត្រី ហ៊ុន សែន"។
ទីប្រឹក្សាលោក បារ៉ាក់ អូបាម៉ា បានបន្តថា "យើងនៅបន្តបញ្ជាក់យ៉ាងច្បាស់ថា យើងចង់ឃើញសេរីភាពផ្នែកនយោបាយ នៅកម្ពុជា។ យើងចង់ឃើញការបោះជំហានទៅមុខនូវការបោះឆ្នោតមួយដែលគួរជឿ ទុកចិត្តបាន និងយុត្តិធម៌។ យើងក៏ចង់ឃើញការដោះលែងអ្នកទោសនយោបាយផងដែរ"៕
2 comments:
traitor promised, you will believe this?
Usually the evil traitors are unethical, say like this do like that. That was they were raised and educated by the communism how can believe. Only the elimination is the best way that can be doing.
Post a Comment