ហ៊ុន សែន បោកប្រាស់ប្រជាជនទាំងងងើល គ្មានភាពអៀនខ្មាស់

ដោយ ៖ ខ្មែរ សុវណ្ណភូមិ

ហ៊ុន សែន និយាយដដែលៗ ថា ការធ្វើលិខិតឆ្លងដែនគឺមិនបានអស់ថ្លៃទេ ជាពិសេសអ្នកមក ធ្វើការ​ក្រៅស្រុក។ វាជារឿងកុហុកទាំងស្រុងព្រោះប្អូនថ្លៃរបស់ខ្ញុំ ទើបតែធ្វើលិខិតឆ្លងដែនរូច 

១ខែ​មុន ដើម្បីមកធ្វើការក្រៅស្រុកដែរ។ គេធ្វើអស់ថ្លៃ២៨៥ដុល្លា សម្រាប់រយៈពេលពី ៥ថ្ងៃ ទៅ​៧ថ្ងៃ។ អ្វីដែលជាក់ស្តែងបំផុតនោះខ្ញុំក៏ធ្លាប់ធ្វើលិខិតឆ្លងដែនមករៀនស្រុកក្រៅដែរ ហើយ​បើខ្ញុំនៅចាំកាលនោះគឺបង់អស់១៦០ដុល្លា សម្រាប់ ១សប្តាហ៍។ 

 

ជារួមការធ្វើលិខិតឆ្លងដែនគឺប្រជាជន មិនថាធ្វើសម្រាប់ទេសចរណ៍ ទៅសិក្សា ឬទៅធ្វើ ការក្រៅ​ស្រុកអ្វីទេ វាលើកលែងតែអស់លោកមន្រ្តីធំៗសុទ្ធតែបង់លុយទាំងអស់។ ហើយបើ ហ៊ុន សែន ថាមិនយកលុយ ដូច្នេះថវិការទាំងនេះមិនបានចូលជាតិទេ ដូច្នេះមានតែ ហ៊ុន សែន និង បក្សពួក​ចែកគ្នាចាយ បំផ្លាញជាតិ។ ខ្ញុំជឿថាចំណូលពីការធ្វើលិខិតឆ្លងដែននេះមិន តិចទេ ព្រោះ តំលៃថ្លៃ​ណាស់។ តាមតារាងតម្លៃយើងបានទទួលពីអ្នកធ្វើការនៅទីនោះ ខុសគ្នាអាចសង្វេប ដូចដូចត​ទៅ៖

១) តំលៃ ១៣៥ - ១៣៦ដុល្លា សម្រាប់រយៈពេល ពី៥០ ទៅ៦០ថ្ងៃ។
២) តំលៃ ១៨០ - ១៩០ ដុល្លា ក្នុងរយៈពេល៣សប្តាហ៍ទៅ១ខែ
៣) តំលៃ ២១៩ - ២៣០ ដុល្លា រយៈពេលពី៧ ទៅ១០ថ្ងៃ
៤) តំលៃ ២៨០ - ២៩០ ទៅ២៩០ រយៈពេល ៥ទៅ៧ថ្ងៃ
៥) តំលៃ ៣៥០ - ៣៦០ ធ្វើភ្លាម យកភ្លាមៗ។ 

 

តំលៃទាំងនេះអាចប្រែប្រួលថោកជាងនេះ បើមានខ្សែរយៈ។ នេះមិនបានគិតតំលៃរូបថត ៤ ដុល្លា រួមផងទេ។ 

ជារួមការធ្វើលិខិតឆ្លងដែននៅប្រទេសខ្មែរអាចចាត់ទុកថាថ្លៃជាប់លេខមួយលើពិភពលោក បើគិ តពីចំណូល និងការបង់ថ្លៃនេះ។ ហើយបើធៀបនឹងប្រទេសជិតខាងគឺស្រុកខ្មែរ ថ្លៃកប់ពពក។ ជាក់ ស្តែងតាមការចេញផ្សាយ« Cambodia Country Study» បោះពុម្ភនៅឆ្នាំ២០០៩ ដោយ Cambodia Development Resource Institute (CDRI) បានបញ្ជាក់ថា ថ្លៃធ្វើលិខិតឆ្លងដែននៅវៀតណាមថ្លៃ ១២ដុល្លា, នៅថៃថ្លៃ ៣០ដុល្លា, និងនៅឡាវថ្លៃ ៣៥ដុល្លាតែប៉ុណ្ណោះ។ 

ហ៊ុន សែន គួរៀនធ្វើជាមនុស្សត្រឹមត្រូវ ស្មោះត្រង់ នឹងប្រជាជនខ្លះផង។  ល្មមស្កប់ស្កល់ ជាមួយ ការ បោកប្រាស់ និងធ្វើបាបប្រជាជនខ្លួនហើយ!