រ៉ុង ឈុន ចាក់ចំ ចំណុចរសើបរបស់រដ្ឋាភិបាលលោក ហ៊ុន សែន ក្នុងរឿងតម្លើងប្រាក់ខែកម្មករ

អ៊ុំ មាន  រដ្ឋលេខាធិការក្រសួងការងារ សម​រម្យ​ណាស់ហើយប្រាក់ខែកម្មករ៦១ ដុល្លារ ក្នុងមួយខែនោះ...

 លោក រ៉ុង ឈុន ប្រធានសមាគមគ្រូបង្រៀនឯករាជ្យ

ដោយ. ឆាំ ឆានី ២៤ ធ្នូ ២០១២

បន្ទាប់ពីលោក រ៉ុង ឈុន ប្រកាសធ្វើបាតុកម្មអហិង្សានៅថ្ងៃទី៣០ ខែធ្នូ ឆ្នាំ២០១២ វេលាម៉ោង ៧.៣០ នាទីព្រឹក នៅខាងមុខរដ្ឋសភាចាស់ ដើម្បីទាមទារឲ្យរដ្ឋាភិបាល តម្លើងប្រាក់​ខែជូន​កម្មករពី ៦១ ដល់១៥០ ដុល្លារ ក្នុងមួយខែរួចមក បណ្តាញសារពត៌មាន គំា​ទ្ររដ្ឋាភិបាលមានវិទ្យុ ទូរទស្ស ជាច្រើន បានធ្វើការផ្សាយនូវ ប្រតិកម្មរបស់ម​​ន្ត្រីរដ្ឋាភិបាល   ចំពោះគំរោងធ្វើបាតុកម្ម​អហិង្សានេះ ។ 

លោក អុំ មាន រដ្ឋលេខាធិការក្រសួងការងារ បានថ្លែងអះអាងនៅថ្ងៃទី២៣ ខែធ្នូ ថាលោក រ៉ុង ឈុន ធ្វើបាតុកម្មទាមទារប្រាក់ខែនេះ គឺគ្រាន់តែ​ជាការទាក់ទាញយកប្រិយភាពតែប៉ុណ្ណោះ។ ហើយបាតុ​កម្មនេះនិងមិនបានទទួលនូវដំណោះស្រាយឡើយ  “ព្រោះអ្វីដែលកម្មករបានទទួលនោះ​គឺវា​សាក​សម​ហើយ អ្វីដែលរោងចក្របានផ្តល់ឲ្យពួកគេសមរម្យទាំងប្រាក់ឈ្នួល ធ្វើដំណើរ ថ្លៃផ្ទះ ថ្លៃបាយទឹក ការឧបត្ថម្ភអីនោះ គឺធ្វើតាមគោលការណ៍របស់រាជរដ្ឋាភិបាល ក៏ដូច​ជា​ក្រសួងការងារនោះវាសម ស្របហើយ” ។

ឆ្លើយតបនិងការលើកឡើងរបស់លោក អ៊ំ មាន លោក រ៉ុង ឈុន មានប្រសាសន៍ថា ការធ្វើបាតុកម្ម នេះមិនមែនធ្វើឡើងដើម្បីប្រជាប្រិយភាពនោះទេ ក្នុងនាមលោកជាថ្នាក់ដឹកនាំ​សហ​ជីព​លោក​មាន​តួនាទី ជួយ បង ប្អូន កម្មករ កម្មការិនី ដែលខំធ្វើការទាំងយប់ទាំងថ្ងៃដើម្បីជីវភាព​រស់នៅសមរម្យ  ការពិតកម្មករ កម្មការិនី បានជួយរកប្រាក់កម្រៃ ជាច្រើនលានដុល្លារក្នុងមួយឆ្នាំៗ ជូនរដ្ឋាភិបាល និងថៅកែរោងចក្រ ផ្ទុយទៅវិញ អ្វីដែលបង ប្អូន កម្មករបានទទួលគឺមិនសក្តិសម និង​ការងារ​របស់កម្មករ កម្មការិនី ឡើយ  ។

លោក រ៉ុង ឈុន បានបន្ថែមថា ចំនួនប្រាក់ខែគោលរបស់កម្មករនៅបណ្តាប្រទេសក្នុងតំបន់អាស៊ាន គឺមានតែកម្មករក្នុងប្រទេសកម្ពុជាមួយគត់ដែលបានទទួលទាបជាងគេបំផុតគឺ ៦១ ដុល្លារ ក្នុងមួយ​ខែ  ចំណែកប្រទេសមួយចំនួនដូចជាប្រទេសថៃ ២៦៣ ដុល្លារ ប្រទេសហ្វីលីពីន ២១២ ដុល្លារ ប្រទេ​ស​​​​ឥណ្ឌូ​នេស៊ី១៨២ ដុល្លារ (នៅ​តាម​បណ្តាខេត្ត) នៅក្នុង​ទីក្រុង​ធំ​ចំនួន ២១២ ដុល្លារ    ប្រទេ​ស​​វៀតណាម​   ១៧២ ដុល្លារ ប្រទេសស្រីលង្កា១២០ ដុល្លារ ប្រទេស​ប៉ាគីស្ថាន​  ១៧៤ ដុល្លារ ក្នុងមួយខែ ៕