ទស្សនៈ ៖ គាំទ្រការវិភាគ របស់លោកបណ្ឌិត ឡៅ ម៉ុងហៃ អំពីព្រំដែនកម្ពុជា-វៀតណាម

មានតែរូបថតមួយសន្លឹកនេះ ឬមានអ្វីផ្សេង​ទៀតនៅពីក្រោយខ្នង លោកអ្នកវិភាគ​ដ៏​ឧ​ត្តុង្គឧត្តម​សុំឲ្យខែ្មរក្បត់ជាតិ  ឡៅ  ម៉ុងហៃ ?

ដើម្បីបានឈរថតជាមួយពួកក្បត់ជាតិគឺត្រូវតែចេះនិយាយភាសារក្បត់ជាតិអញ្ចឹង!

Monday, 10 December 2012 16:50 ដោយ៖ សយ សុភាព : (DAP) : ID-011
កាលពីថ្ងៃអាទិត្យ ទី០៩ ខែធ្នូ កន្លងទៅនេះ លោកបណ្ឌិត ឡៅ ម៉ុងហៃ អ្នកវិភាគឯករាជ្យ បានផ្ដល់នូវការវិភាគ អំពីបញ្ហាទឹកដីកម្ពុជាក្រោម និងកោះត្រល់ ដោយបានស្នើសុំឱ្យ អ្នកនយោបាយ ឈប់ខ្វល់ខ្វាយ ពីរឿងការទាមទារទ្រព្យសម្បត្ដិ ទាំងពីរខាងលើ ដែលបាន បាត់បង់ក្នុងអតីតកាល ហើយងាកមកគិតអំពីការកសាងព្រំដែនមិត្ដភាពជាមួយវៀតណាម រួចហើយអភិវឌ្ឍន៍ប្រទេសជាតិ ជាការត្រឹមត្រូវជាង ។

ការវិភាគនេះ ជាការឆ្លុះបង្ហាញឱ្យឃើញអំពីរបត់ថ្មីមួយ សម្រាប់ប្រាប់ទៅអ្នកនយោ បាយងុបងល់ខ្លះ ឱ្យងាកគិតថយក្រោយបន្ដិច រួចហើយនាំគ្នាគិតអ្វីដែលជាផលប្រយោជន៍ ជាតិ ដែលយើងមាននៅពេលបច្ចុប្បន្ន វាជាការប្រសើរបំផុត ។

ខ្ញុំគាំទ្រទាំងស្រុងនូវគំនិតរបស់លោកបណ្ឌិត ឡៅ ម៉ុងហៃ អំពីបញ្ហាព្រំដែនរវាងកម្ពុជា និងវៀតណាម ដែលគំនិតនេះស្របទាំងស្រុងទៅនឹង គោលនយោបាយរបស់រាជរដ្ឋាភិបាល កម្ពុជាបច្ចុប្បន្ន ។ ជាពិសេសទៅទៀត វាស្របគ្នាទាំងស្រុងទៅនឹងការអត្ថាធិប្បាយ ៥ម៉ោង ១៥នាទីរបស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា កាលពីថ្ងៃ ទី៩ ខែសីហា ឆ្នាំ២០១២ នៅវិមានរដ្ឋសភា ដែលសម្ដេចបានមានប្រសាសន៍យ៉ាងច្បាស់ អំពី បញ្ហាព្រំដែនកម្ពុជា-វៀតណាម ហើយថា ទឹកដីកម្ពុជាក្រោមនិងកោះត្រល់ បានបាត់បង់ទៅ ហើយនៅក្នុងអតីតកាល នាពេលដែលប្រទេសបារាំងបានត្រួតត្រានៅឥណ្ឌូចិន  ។

លោកបណ្ឌិតឡៅ ម៉ុងហៃ បានបញ្ចេញទស្សនៈដោយត្រឹមត្រូវ អំពីបញ្ហាព្រំដែនកម្ពុជា -វៀតណាម យ៉ាងដូច្នេះថា “រឿងព្រំប្រទល់ដែន រឿងអីនេះ ខ្ញុំមានទស្សនៈខុសប្លែកពីគេ រឿងកោះត្រល់ ។ តាមខ្ញុំដឹងគឺថា វាចប់សព្វគ្រប់អស់ហើយ... រឿងកម្ពុជាក្រោម ក៏ចប់សព្វ គ្រប់អស់ហើយ។ យើងចំណាយពេលវេលា រឿងព្រំប្រទល់ដែនរឿងអីហ្នឹង អារឿងកោះ ត្រល់ រឿងអីហ្នឹង ហើយនឹងរឿងកម្ពុជាក្រោមហ្នឹង យើងឈឺក្បាលវិលមុខ ដោយសារ ចំណាយពេលវេលា ចំណាយខួរក្បាល ហ្នឹងច្រើនណាស់ ឈប់ខ្វល់ខ្វាយអីទៀតទៅ... រៀប ចំមិត្ដភាព បោះបង្គោលអីស្រួលបួលឱ្យចប់សព្វគ្រប់... រឿងអរិភាពជាមួយប្រទេសជិតខាង ហ្នឹងឈប់ទៅ! យើងមិត្ដភាពជាមួយគ្នាទៅ យើងចូលអាស៊ានជាមួយគ្នាអីទៅ ប៉ុន្ដែខ្ញុំថា អញ្ចេះប្រហែលជាចំណេញទាំងអស់គ្នា ឈ្នះ ឈ្នះទាំងអស់គ្នាទៅវិញ ...”។

នៅក្នុងព្រះរាជសារ របស់សម្ដេចព្រះនរោត្ដម សីហនុ ជូនប្រមុខដឹកនាំវៀតណាម ផាម វ៉ាន់ដុង កាលពីថ្ងៃទី២៧ ខែកញ្ញា ឆ្នាំ១៩៩៩ ព្រះអង្គបានមានព្រះរាជបន្ទូលថា “ក្នុងប្រវត្ដិ សាស្ដ្រកម្ពុជា ទឹកដីកម្ពុជាក្រោមទាំងមូល បានបាត់បង់រួចទៅហើយ បន្ទាប់មកកោះត្រល់ ដែលវៀតណាម ឱ្យឈ្មោះហ្វ៊ូកុក និងកោះមួយចំនួន ដែលស្ថិតនៅខាងត្បូងខ្សែបន្ទាត់ហ្វ្រេវី យេ ក៏បន្ដបាត់ទៅ ដោយសារសារាចររបស់លោកអគ្គទេសាភិបាលបារាំង ថ្ងៃទី៣១ ខែមករា ឆ្នាំ១៩៣៩ ។ ម្យ៉ាងវិញទៀត កាលពីឆ្នាំ១៩៦៤ រាជរដ្ឋាភិបាលកម្ពុជាពេលនោះ បានយកផែនទីមួយ ដែលបោះពុម្ពដោយក្រុមភូមិសាស្ដ្រកម្ពុជា ផ្អែកតាមផែនទីបារាំង របស់Service Hydrographique ខ្នាត១/៣០០.០០០ ភ្ជាប់ជាមួយផែនទីដីគោក ទៅឱ្យអន្ដរ ជាតិទទួលស្គាល់និងបានតម្កល់ទុកនៅអង្គការសហប្រជាជាតិនោះ គឺយើងបានគូសខ្សែ ហ្វ្រេវីយេ ខ្សែព្រំដែនសមុទ្រជាមួយវៀតណាមផងដែរ”។

អតីតព្រះមហាក្សត្រដ៏ល្បាញ ល្បី និងស្នេហាជាតិខ្ពស់បំផុតរបស់កម្ពុជា ព្រះបាទ នរោត្ដម សីហនុ បានមានព្រះរាជជាឪអង្កា នៅក្នុងព្រះរាជសារលិខិតបន្ដទៀតថា “ផែនទីនិងឯកសារ ទាំងអស់នោះហើយ ដែលអតីតរាជរដ្ឋាភិបាលរបស់ខ្ញុំ អតីតរាជរដ្ឋាភិបាល សាធារណរដ្ឋ ប្រជាមានិតកម្ពុជា រដ្ឋកម្ពុជា និងរាជរដ្ឋាភិបាលកម្ពុជា បច្ចុប្បន្នកំណត់ថា ព្រំដែនបច្ចុប្បន្ន របស់កម្ពុជា ។ ដូច្នេះហើយ ខ្ញុំយល់ឃើញថា សម័យកាល បច្ចុប្បន្ននេះ ដែលសកលលោក ទាំងមូល កំពុងស្វែងរកការសម្របសម្រួលអំពីព្រំដែន យើង គួរយកខ្សែហ្វ្រេវីយេនេះ ដើម្បី ខណ្ឌព្រំសីមា ដែនសមុទ្ររបស់ប្រទេសយើងទាំងពីរ ដើម្បី ទុកឱ្យកូនចៅយើងជំនាន់ក្រោយ ទទួលបាននូវមរតកមួយច្បាស់លាស់ សម្រាប់ការគ្រប់ គ្រងនិងអភិវឌ្ឍន៍រៀងៗខ្លួន” ។

ឥឡូវនេះ ប្រទេសកម្ពុជានិងប្រទេសវៀតណាម បានក្លាយទៅជាសមាជិករបស់សហគមន៍ អាស៊ានតែមួយ វិធីដែលល្អនិងត្រឹមត្រូវបំផុត យើងគាំទ្ររាជរដ្ឋាភិបាលបច្ចុប្បន្ន បន្ដនូវ បេសកកម្មជាប្រវត្ដិសាស្ដ្រ នៅក្នុងការបោះបង្គោលព្រំដែនគោកជាមួយវៀតណាម និងបន្ដការចរចា និងកំណត់ខ្សែព្រំដែនសមុទ្រជាមួយគ្នាតទៅទៀត ស្របទៅតាមច្បាប់អន្ដរជាតិ និងច្បាប់ ជាតិ ព្រមទាំងគោរពនូវព្រះរាជជាឱអង្ការបស់អតីតព្រះមហាក្សត្រ ព្រះបាទ នរោត្ដមសីហនុ ដែលបានផ្ញើជូនមេដឹកនាំវៀតណាម លោកផាម វ៉ាន់ដុង នៅថ្ងៃទី២៧ ខែកញ្ញា ឆ្នាំ១៩៩៩។ ប្រសិនបើយើងសម្រេចបានជាស្ថាពរ នោះប្រទេសយើងនឹងមិនព្រួយ បារម្ភ អំពីស្រមោល អតីតកាល ដែលថាប្រទេសវៀតណាមឈ្លានពានលេបទឹក ដីប្រទេស យើង តទៅទៀតឡើយ ។ ម្យ៉ាងវិញទៀត យើងនឹងឈានទៅដល់ការអភិវឌ្ឍន៍ មិនតែ ប៉ុណ្ណោះ បងប្អូនខ្មែរកម្ពុជាក្រោម ពិតមែនតែពួកគាត់ក្លាយទៅជាជនជាតិភាគតិច របស់ វៀតណាម នៅលើទឹកដីរបស់ខ្លួនពីអតីតកាលក៏ដោយ តែពួកគាត់ក៏បានទទួលផលពីការ អភិវឌ្ឍន៍នេះ ដែរ។ ម្យ៉ាងទៀត បងប្អូនខ្មែរកម្ពុជាក្រោម ជាទីស្រឡាញ់របស់យើង ក៏អាចរក្សា បានខ្ជាប់ខ្ជួននូវ វប្បធម៌ប្រពៃណី អក្សរសាស្ដ្រកេរដំណែល ពីដូនតាយើង ទាំង អស់គ្នា តាមរយៈនៃការផ្លាស់ ប្ដូរវប្បធម៌រវាងប្រទេសទាំងពីរ ក៏ដូចជាប្រព័ន្ធព័ត៌មាន ដែល កម្ពុជា កំពុងតែធ្វើឱ្យមានការ រីកចំរើននិងផ្សព្វផ្សាយយ៉ាងទូលំទូលាយ ។ ខ្ញុំក៏គាំទ្រ នូវគំនិត ទាំងឡាយណា ប្រសិនបើ បង្កើតឱ្យមានគណៈកម្មការខ្មែរភ្នំពេញ  និងកម្ពុជា ក្រោម ដើម្បីសិក្សាផ្សព្វផ្សាយ វប្បធម៌ពីគ្នាទៅវិញទៅមក និងពង្រីកវប្បធម៌ សន្ដិភាព កិច្ចសហប្រតិបត្ដិការ ។

សូមអ្នកនយោបាយទាំងឡាយណា ដែលនៅតែបន្ដយកបញ្ហាទឹកដីកម្ពុជាក្រោម និង កោះត្រល់ធ្វើជាលេសខាងនយោបាយរបស់ខ្លួន គួរតែបោះបង់ចោល ហើយងាកមកគិតខិតខំ ថែរក្សាអភិរក្សនិងអភិវឌ្ឍន៍នូវអ្វីដែលយើងមានពេលបច្ចុប្បន្ន នោះជាការត្រឹមត្រូវបំផុត និងមិនធ្វើឱ្យឈាមខ្មែរហូរដូចអតីតកាលទៀតឡើយ ។ ដូច្នេះគំនិតរបស់លោកបណ្ឌិតឡៅ ម៉ុងហៃ ដែលចាត់ទុកថាជាលើកទីមួយ ហើយដែលលោក បានលើកឡើងនូវទស្សនៈ ខាងលើ ខ្ញុំយល់ថា ជាការត្រឹមត្រូវបំផុត នេះហើយក៏ជាអ្វីដែលខ្មែរយើងទាំងអស់គ្នា ត្រូវតែទទួលយក សូម្បីតែរាជរដ្ឋាភិបាលកម្ពុជា បច្ចុប្បន្នក៏បានគិតគូរយ៉ាងហ្មត់ចត់ដូចគ្នា អ៊‌ីចឹងដែរ ។

បើយើងធ្វើបានរបៀបនេះ ខ្មែរយើង នឹងទទួលបាននូវផលចំណេញ ច្រើនណាស់ បើធៀបទៅនឹងអតីតកាល ដែលអ្នកនយោបាយ ខ្លះ ប្រឆាំងវៀតណាមទាំងកំរោល ជា ពិសេសប៉ុលពត នេះតែម្ដង ដែលបានលើកទ័ពចូលទៅ វាយលុកក្នុងទឹកដីវៀតណាម នៅចុង ទសវត្សរ៍៧០ ដែលទីចុងបំផុតពេលវៀតណាម គេវាយបកត្រឡប់ មកវិញ ប៉ុលពតធ្លាក់ដល់ ទល់ ដែនកម្ពុជា-ថៃ ៕