អ្នកយកពត៌មានម្នាក់ នៃវិទ្យុអាស៊ីសេរី ប្រចាំនៅកម្ពុជា ទទួលគ្រោះថ្នាក់ចរាចរធ្ងន់ធ្ងរ - Mysterious accident involving RFA reporter, one day after his report on illegal logging

លោកវិជ័យ អានន្ទ សន្លប់ នៅក្នុងមន្ទីរ ពេទ្យ (The Phnom Penh Post)

2012-12-10
កេសរណ្ណីយ្យា
Radio Free Asia

កំណត់ បន្ថែម ពី KI-Media: មួយថ្ងៃមុន ទទួលគ្រោះថ្នាក់នោះ លោកវិជ័យ អានន្ទ បានសរសេរ អត្ថបទ មួយរាយការ អំពីបទល្មើស ព្រៃឈើ នៅខេត្តក្រចេះ (http://www.rfa.org/khmer/indepth/one_journalist_arrested_in_kratie-12092012045641.html)។

អ្នកយកពត៌មានម្នាក់ នៃវិទ្យុអាស៊ីសេរី ប្រចាំនៅកម្ពុជា ទទួលគ្រោះថ្នាក់ចរាចរធ្ងន់ធ្ងរ។
អ្នកយកពត៌មានវិទ្យុអាស៊ីសេរី ប្រចាំនៅកម្ពុជា លោក វិជ័យ អានន្ទ ទទួលគ្រោះថ្នាក់ចរាចរធ្ងន់ធ្ងរ។ ហេតុការណ៍នេះ បានកើតឡើងនៅព្រឹកថ្ងៃ ចន្ទ ទី១០ ខែធ្នូ ឆ្នាំ២០១២ ខណៈដែលលោកកំពុងជិះម៉ូតូ ធ្វើដំណើរចេញពីខេត្តក្រចេះ ទៅកាន់ខេត្តស្ទឹងត្រែង ដើម្បីយកពត៌មានស្តីពីការប្រារព្ធទិវាសិទ្ធិមនុស្ស។

លោក វិជ័យ អានន្ទ ត្រូវបានអ្នកភូមិម្នាក់ប្រទះឃើញសន្លប់នៅកន្លែងកើតហេតុ ហើយបានទូរស័ព្ទឱ្យគេជួយ។ ប៉ុន្តែដំណើរនៃគ្រោះថ្នាក់ចរាចរនោះ ពុំទាន់ដឹងថាកើតឡើងយ៉ាងណា នៅឡើយទេ រហូតមកដល់ពេលនេះ។
លោក វិជ័យ អានន្ទ ដំបូងត្រូវបានបញ្ជូនទៅមន្ទីរពេទ្យខេត្តក្រចេះ។ បន្ទាប់មកត្រូវបានបញ្ជូនមកមន្ទីរពេទ្យកាល់ម៉ែត្រ ក្រុងភ្នំពេញ។ លោក កំពុងទទួលការព្យាបាលសង្រ្គោះ ដោយសាររបួសមានស្ថានភាពធ្ងន់ធ្ងរ គួរឱ្យព្រួយបារម្ភ។


លោក វិជ័យ អានន្ទ មានភរិយា និងកូនប្រុសតូចម្នាក់ ដែលទើបនឹងកើត។
វិទ្យុអាស៊ីសេរីបន់ស្រន់សូមឱ្យលោក វិជ័យ អានន្ទ បានឆ្លងផុតគ្រោះថ្នាក់ និងសូមចែករំលែកទុក្ខដ៏ធ្ងន់ធ្ងរជាមួយក្រុមគ្រួសារ របស់លោក៕