លោក ឌីត សារីក ត្រូវបានដកហូតតួរនាទី និង បណ្តេញចេញ ពី ចលនា អំណាចពលរដ្ឋខ្មែរ

January 21, 2013 កិច្ចប្រជុំប្រចាំខែរ របស់ គណៈសាខាប្រតិបត្តិ នៃ ចលនា អំណាចពល រដ្ឋខ្មែរ សម្រាប់ខែ មករា ដើមឆ្នាំ ២០១៣ បាន សម្រេចលើ សេចក្តីស្នើរ សុំរបស់ សមាជិក-សមាជិការ ចលនា អំណាចពលរដ្ឋខ្មែរ នៅសហគមន៍ អឺរ៉ុប ដែលបានទាមទារអោយ ដកតួរនាទី និងបណ្តេញ លោក ឌីត សារីក ព្រម ទាំង សហការីដែលជិត ស្និទមួយចំនួន ចេញពី ចលនា អំណាចពលរដ្ឋ ខ្មែរ ។ យោងតាមសេចក្តី រាយការណ៍របស់សមាជិក និងក្រុមសាខារបស់ ចលនា អំណាចពលរដ្ឋខ្មែរ នៅប្រទេសបារាំង និងអឺរ៉ុប ដែលបានចូលរួមប្រជុំប្រចាំខែ របស់គណៈសាខាប្រតិបត្តិ កាលពី ថ្ងៃទី ២០ មករា ២០១៣ កន្លងទៅ នេះបានអោយដឹងថា លោក ឌីត សារីក ដែលមានតួរនាទី បណ្តោះអាសន្ន ជាប្រធាន សាខា របស់ ចលនា អំណាចពលរដ្ឋខ្មែរ នៅសហគមន៍អឺរ៉ុប បាន រំលោភលើគោលការណ៍ វិន័យ និងច្បាប់លក្ខខ័ន្តិកៈ របស់ ចលនា អំណាច ពរដ្ឋខ្មែរ ដែលបាន ចែង និងដែលបានអនុម័តដោយអង្គសមាជពេញអង្គរបស់ ចលនា អំណាចពលរដ្ឋខ្មែរ ។   បន្ទាប់ពិស្តាប់សេចក្តីរាយការណ៍របស់លោក ឯក ស៊ីផានិត អគ្គហេរញ្ញឹក សាខា ចលនា អំណាច ពលរដ្ឋខ្មែរ ប្រចាំសហគមន៍ លោក នូ ភិរម្យ សមាជិកសកម្ម និងលោក ឈុំ ឈើយ ប្រធាន សមាគមន៍ខ្មែរ គាំទ្រ ចលនា អំណាច ពលរដ្ឋខ្មែរ នៅទីក្រុង អូយ៉ាណាក់ ប្រទេស បារាំង និងបទអន្តរគមន៍ បន្ថែមរបស់ តំណាងសាខា នៃ គណៈសាខា ប្រតិបត្តិ របស់ ចលនា អំណាច ពលរដ្ឋខ្មែរ នៅទៅទាំងពីភពលោក រួមមាន អាមេរិក កាណាដា និង អឺរ៉ុប រួចមក លោក ដែន ខេមរៈ ប្រធាន នៃ កិច្ចប្រជុំ បានកោះហៅអោយសមាជិក-សមាជិការ សាខា នៃ គណៈប្រតិបត្តិធ្វើការបោះឆ្នោតសម្រេច ដាកហូតតូរនាទី និងបណ្តេញលោក ឌីត សារីក ចេញពី ចលនា អំណាចពលរដ្ឋខ្មែរ ។ លទ្ធផលនៃការបោះឆ្នោតគឺ ៩៧% សម្រេចដកតួរនាទី និងបណ្តេញលោក ឌីត សារីក ចេញពី ចលនា អំណាចពលរដ្ឋខ្មែរ ៣% បោះឆ្នោតអនុបវាទ និង ០% បោះឆ្នោតអោយទុកបន្ត ។ ក្រោយពីការបោះឆ្នោតសម្រេចដោយសំឡេងភាគច្រើនចំនួន ៩៧% ដកតួរ នាទី និងបណ្តេញ លោក ឌីត សារីក ចេញពី ចលនា អំណាចពលរដ្ឋខ្មែរ រួចមក លោក សួន សេរីរដ្ឋា ប្រធាន ចលនា អំណាចពលរដ្ឋខ្មែរ បានប្រកាស ជាធរមាន ជូនសមាជិក-សមាជិការ គណៈសាខា ប្រតិបត្តិ ក្នុងប្រជុំ អោយ ប្រកាសជូនដំណឹង ដល់សមាជិកសមាជិការ អ្នកគាំទ្រ ចលនា អំណាចពលរដ្ឋ ខ្មែរ នៅតាមតំបន់របស់ខ្លួន ប្រកាសសេចក្តីសម្រេចនេះ ជូនដំណឹង ដល់អ្នក គាំទ្រទាំងអស់ អោយបានដឹង កុំអោយចាញ់បោក បុគ្គល ដែលត្រូវបាន បណ្តេញចោលនេះ ទៅបោករៃអង្គាសប្រាក់កាស់ និងធ្វើសកម្មភាពបំភ័ណ សាធារណៈមតិ តទៅទៀត ។ សូមបញ្ជាក់ថា លោក ឌីត សារីក ដែលត្រូវដកហូតតួរនាទីនិងបណ្តេញចេញពី ចលនា អំណាចពលរដ្ឋខ្មែរ មិនបានចូលខ្លួនមកការពារ ក្នុងកិច្ចប្រជុំទេ តែបានគេចវេស បន្ទាប់ពីបាន រៀបចំកិច្ចប្រជុំមួយកាលពីពេលថ្មី នៅក្នុងផ្ទះ របស់ខ្លួន នាទីក្រុងប៉ារីស ប្រទេសបារាំង ក្នុង គោលបំណង រំលាយ និងបំបែក បំបាក់អង្គការដឹកនាំ នយោបាយ របស់ ចលនា អំណាច ពលរដ្ឋខ្មែរ ។ លោក ឌីត សារីក បានបណ្តោយអោយលោកស្រី ជាប្រព័ន្ធរបស់ខ្លួន ធ្វើសកម្មភាព បំបែកបំបាក់ ក្រុមអ្នកគាំទ្រ ចលនា អំណាចពលរដ្ឋខ្មែរ ហើយកាលពីពេល ដែលមិនទាន់ដកហូតតួរនាទី មិនទាន់បានបណ្តេញចេញ ពី ចលនា អំណាច ពលរដ្ឋខ្មែរ នោះ លោក ឌីត សារីក បានយកតួរនាទីក្នុងមុខដំណែង ទៅឃុបខិតគ្នាជាមួយលោក ចូវ ស៊ីវុត្ថា, តឹក សាមិត, នួន សារ៉ាយ និង ជា ចាន់ថោង ដែល គណៈសាខា ប្រតិបត្តិរបស់ ចលនា អំណាចពលរដ្ឋខ្មែរបាន បណ្តេញ ចេញ កាលពីក្នុងកិច្ចប្រជុំថ្ងៃទី ០២ ធ្នូ ២០១២ កន្លងទៅនេះ ។ សូមជំរាបថា លោក ឌីត សារីក ជាមនុស្ស និងសហការីជិតស្និតរបស់លោក រួមមានលោក បេន វី និងលោក តាន់ គីមនីន គឺក្រុមទី ៣ ដែល ចលនា អំណាចពលរដ្ឋខ្មែរ្ដកហូតតួរនាទី និង បណ្តេញចេញ បន្ទាប់ពីក្រុមរបស់លោក នួន សារ៉ាយ, ជា ចាន់ថោង នៅអូស្រ្តាលី និងលោក ចូវ ស៊ីវុត្ថា, តឹក សាមិត នៅរដ្ឋអូរឺគេន សហរដ្ឋអាមេរិក ។ សម្រាប់ព័ត៌មានបន្ថែមពី គណៈសាខា ប្រតិបត្តិ របស់ ចលនា អំណាច ពលរដ្ឋខ្មែរ នៅប្រទេស បារាំង និងសហគមន៍អឺរ៉ុប សូមទាក់ទង ក្រុមការងារពិសេសដូចខាងក្រោម ៖ ១- លោក ឯក ស៊ីផានិត (ទីក្រុងប៉ារីស) ទូរស័ព្ទ 06 8048 3610 ២- លោកស្រី អ៊ូ គីមលី (ទីក្រុងអូយ៉ាណាក់) ទូរស័ព្ទ 06 8912 9037 Email: kppmeu@kppmradio.org ចលនា អំណាចពលរដ្ឋខ្មែរ Khmer People Power Movement