បែបធំខ្លិនមិនសូវស្រួល បាន ជា ជោរសែន ខំបង្វឹកឆ្កែកាចត្រៀមទុកយ៉ាងនេះ?

កម្លាំងអន្តរាគមន៏ របស់ស្នងការដ្ឋាន នគរបាលខេត្ត បង្ហាញលំហាត់ របៀប ចុះទប់ស្កាត់និងបង្រ្កាប ហ្វូងបាតុករ

Tuesday, 22 January 2013
ដោយ៖ ដើមអម្ពិល (DAP)

ខេត្តក្រចេះ៖ ក្រោយពីទទួលបាន វគ្គហ្វឹកហ្វឺនមាន រយះពេលជិត ១០ថ្ងៃ កាលពីព្រឹក ថ្ងៃទី២២ ខែមករា ឆ្នាំ២០១៣ កម្លាំងនគរបាល កងអន្តរាគមន៏ មានចំនួន៧០រូប បានធ្វើ លំហាត់សាកល្បង អន្តរាគមន៏ និងទប់ស្កាត់ ហ្វូងបាតុករ នៅក្នុងទីលាន ពហុកីឡារខេត្ត។

ក្នុងសកម្មភាពចុះ សមយុទ្ធសាកល្បង របស់ក្រុមសិក្ខាកាម ចំណុះឲ្យស្នងការដ្ឋាន មានរយះពេលពេញ មួយព្រឹក កម្លាំងអន្តរាគមន៏បាន ធ្វើលំហាត់របៀបជាច្រើន វិញ្ញាសារជា មួយនិងការចុះ អន្តរាគមន៏ ទប់ស្កាត់ហ្វូងបាតុករ ក្រោមការសម្របសម្រួល ពីសំណាក់លោក គ្រូបង្គោល នៃស្នងការរដ្ឋាខេត្ត និងការអញ្ជើញ ចុះត្រួតពិនិត្យផ្ទាល់ ពីសំណាក់លោកឧត្តមសេនីយ៏ត្រី ជួង ស៊ាងហាក់ ស្នងការនគរបាលខេត្ត និងលោកស្នងការរង ជាច្រើនរូបទៀត។

លោកអនុសេនីយ៏ត្រី ម៉ៅ បូរ៉េត គ្រូបង្គោលចំណុះ ឲ្យស្នងការរដ្ឋានគរបាលខេត្ត បានមានប្រសាសន៏ថា វគ្គហ្វឹកហាត់នេះ គឺមានខ្លឹមសារ មេរៀនដូចជា វិន័យកងកម្លាំង នគរបាលជាតិ លំហាត់របៀប កាយវិការ កាន់ខែល និងដាក់ខែល កាយវិការលើកខែល និងដាក់ខែលកាយ វិការសម្រាកប្រុង មានខែល កាយវិការគោះខែល គំរាមបាតុករ និងរូប ភាពកងវរៈសេនាតូច ត្រៀមទប់ទល់ បង្រ្កាបបាតុករ។


លោកស្នងការបានបញ្ជាក់ថា កម្លាំងអន្តរាគមន៏នេះ គឺបង្កើតឡើងមិនមែនសំដៅ សំរាប់តបតប្រព្រឹត្តអំពើរហិង្សា ជាមួយក្រុមបាតុករ និងក្រុមអ្នកតវ៉ានោះទេ គឺសំដៅសំខាន់រក្សា សណ្តាប់ធ្នាប់សង្គម និងសណ្តាប់ធ្នាប់ សាធារណៈ និងការបង្ក កុំឲ្យកើតមាននូវ អំពើហិង្សា ប៉ះពាល់ដល់សន្តិសុខ សង្គមដែលកំពុង តែអភិវឌ្ឍន៏៕