+02.jpg) |
| លោកប្រធានាធិបតីអូបាម៉ាជាប្រធានាធិបតីទី១ធ្វើដំណើរទៅកាន់ប្រទេសកម្ពុជាពេលកំពុងកាន់តំណែង។ |
21.01.2013
ដោយ សុខ ខេមរា VOA Khmer
កម្ពុជា ត្រូវបានអន្តរជាតិរិះគន់អំពីបញ្ហាដីធ្លី ការចាប់ជនរងគ្រោះដាក់គុក ការមិនអនុញ្ញាតឲ្យលោកសម រង្ស៉ី មេដឹកនាំក្រុមជំទាស់ដ៏ធំជាងគេ បានទៅចូលរួមក្នុងការបោះឆ្នោតឆ្នាំ២០១៣ ការមិនដោះលែងលោកម៉ម សូណង់ដូ ប្រធានស្ថានីយ៍វិទ្យុសម្បុកឃ្មុំ ការធ្វើទុក្ខបុកម្នេញដល់អ្នកការពារសិទ្ធិមនុស្ស និងសេរីភាពបញ្ចេញមតិជាដើមស.រ.អា.និងកម្ពុជាត្រូវគេមើលឃើញថា មានទំនាក់ទំនងរអាក់រអួលផងនិងល្អប្រសើរផងទៅតាមពេលវេលា នៅពេលដែលកម្ពុជាត្រូវគេចាត់ទុកថា មានប្រវត្តិសិទ្ធិមនុស្សមិនល្អ។
វ៉ាស៊ីនតោន៖ លោកប្រធានាធិបតីបារ៉ាក់អូបាម៉ារំពឹងថា ទំនាក់ទំនងរវាងស.រ.អា.និងកម្ពុជានឹងត្រូវពង្រឹងថែមទៀតទៅអនាគត។
លោកប្រធានាធិបតីស.រ.អា.បារ៉ាក់អូបាម៉ាចង់ឃើញទំនាក់ទំនងរវាងស.រ.អា.និងកម្ពុជានឹងត្រូវពង្រឹងថែមទៀតនៅពេលខាងមុខ។ លោក អូបាម៉ាថ្លែងយ៉ាងដូច្នេះនៅក្នុងសារលិខិតអរគុណរបស់លោកផ្ញើជូនលោកនាយករដ្ឋមន្ត្រីហ៊ុន សែនដែលបានសរសេរលិខិតស្វាគមន៍លោកអូបាម៉ាពេលលោកបានឈ្នះឆ្នោតជាប្រធានាធិបតីអាណត្តិទីពីរកាលពីខែវិច្ឆិកា។
ក្នុងលិខិតនេះដែលវីអូអេទទួលបាន លោកអូបាម៉ាបានថ្លែងថា៖
«ខ្ញុំសង្ឃឹមថានឹងបន្តពង្រឹងទំនាក់ទំនងរវាងប្រទេសយើងទាំងពីរនៅក្នុងរយៈពេលបួនឆ្នាំទៅមុខទៀត»។
លោកប្រធានាធិបតីអូបាម៉ាជាប្រធានាធិបតីទី១ធ្វើដំណើរទៅកាន់ប្រទេសកម្ពុជាពេលកំពុងកាន់តំណែង។ ទស្សនកិច្ចរបស់លោកកាលពីពាក់កណ្តាលខែវិច្ឆិកានោះគឺដើម្បីចូលរួមក្នុងកិច្ចប្រជុំកំពូលអាស៊ាន និងវេទិកាតំបន់ជាច្រើន ដែលកម្ពុជាក្នុងនាមជាម្ចាស់ផ្ទះកិច្ចប្រជុំទាំងនោះ បានរួមគ្នាជាមួយប្រទេសនានាដើម្បីដោះស្រាយបញ្ហាតំបន់ បញ្ហាពិភពលោក ដូចជាជម្លោះដែនសមុទ្រចិនភាគខាងត្បូង បញ្ហាកូរ៉េខាងជើង បញ្ហាវិបត្តិសេដ្ឋកិច្ច នយោបាយក្នុងតំបន់និងពិភពលោក។
នៅក្នុងលិខិតដែលផ្ញើរជូនលោកនាយករដ្ឋមន្ត្រីហ៊ុន សែន លោកអូបាម៉ា បានបន្ថែមសេចក្តីថា៖
«ដោយមានការធ្វើការរួមគ្នា ខ្ញុំជឿជាក់ថា យើងនឹងអាចដោះស្រាយប្រកបដោយជោគជ័យនូវភាពប្រឈមជាច្រើនដែលយើងកំពុងជួបប្រទះ»។
ស.រ.អា.និងកម្ពុជាត្រូវគេមើលឃើញថា មានទំនាក់ទំនងរអាក់រអួលផងនិងល្អប្រសើរផងទៅតាមពេលវេលា នៅពេលដែលកម្ពុជាត្រូវគេចាត់ទុកថា មានប្រវត្តិសិទ្ធិមនុស្សមិនល្អ។
ក្នុងពេលទស្សនកិច្ចកាលពីខែវិច្ឆិកានោះដែរ លោកអូបាម៉ាបានសម្តែងការ ព្រួយបារម្ភរបស់លោកអំពីស្ថានការណ៍សិទ្ធិមនុស្សក្នុងប្រទេសកម្ពុជា។ក្នុងជំនួបជាពិសេសមួយ លោកបានស្នើសុំឲ្យលោកនាយករដ្ឋន្ត្រីហ៊ុន សែន ធ្វើការកែទម្រង់។ ការធ្វើដូច្នោះគឺដើម្បីអ្វីមួយដែលក្រុមមន្ត្រីស.រ.អា.អះអាងថា ជាកត្តាធ្វើឲ្យមានទំនាក់ទំនងល្អរវាងកម្ពុជានិងស.រ.អា.។
លោកថ្លែងដូច្នេះនៅពេលកម្ពុជាត្រូវបានអន្តរជាតិរិះគន់អំពីបញ្ហាដីធ្លី ការចាប់ជនរងគ្រោះដាក់គុក ការមិនអនុញ្ញាតឲ្យលោកសម រង្ស៉ី មេដឹកនាំក្រុមជំទាស់ដ៏ធំជាងគេ បានទៅចូលរួមក្នុងការបោះឆ្នោតឆ្នាំ២០១៣ ការមិនដោះលែងលោកម៉ម សូណង់ដូ ប្រធានស្ថានីយ៍វិទ្យុសម្បុកឃ្មុំ ការធ្វើទុក្ខបុកម្នេញដល់អ្នកការពារសិទ្ធិមនុស្ស និងសេរីភាពបញ្ចេញមតិជាដើម៕
2 comments:
Two Dictators congradualating each other!!!
OBAMA should watch who he dealing whit.that guy killed a lot of American solder when he was Yong. he is the one what brought Vietcong in to Cambodia soil.If you don't believe me you can ask every man and women in Cambodia.He was a Khmer gouge.
Post a Comment