គណបក្ស ប្រជាជន មិនយកពន្ធដីទេ គ្រាន់តែ ប្លន់ដីយកស្រស់ៗ

ហ៊ុន សែនៈ ដរាបណា មានគណបក្ស ប្រជាជន មិនយកពន្ធដី ពីប្រជាពលរដ្ឋ

Monday, 28 January 2013
ដោយ ៖ ដើមអម្ពិល(DAP)

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់សាជាថ្មីទៀតថា ដរាបណាមាន គណបក្សប្រជាជនកម្ពុជា ហើយ សម្តេចនៅមានជីវិតនោះ មិនយកពន្ធដីពីប្រជាពលរដ្ឋជាដាច់ខាត។

នាយករដ្ឋមន្រ្តីសម្តេចតេជោ ហ៊ុន សែន មានប្រសាសន៍ នៅក្នុងពិធីចុះចែកប័ណ្ណកម្មសិទ្ធិដីធ្លី ជូនប្រជាពលរដ្ឋ នៅស្រុកថ្មបាំង ខេត្តកោះកុង នា ព្រឹកថ្ងៃទី២៨ ខែមករា ឆ្នាំ២០១៣ថា “ខ្ញុំបានបញ្ជាក់ថា ហើយថា ដរាបណាមានគណបក្សប្រជាជនកម្ពុជា ដរាបណាមានហ៊ុន សែន ហើយ ជាពិសេសហ៊ុន សែន អាចនឹងស្លាប់ តែ បក្សប្រជាជនមិនស្លាប់ទេ ដរាបមាន គណបក្ស ប្រជាពលរដ្ឋ គឺអាពន្ធដីហ្នឹងមិនយកទេ (ម៉ិចដូចជាមានប្រផ្នូល អីបានជានិយាយ រឿងងាប់ៗអញ្ចឹង) មិនត្រឹមតែមិន យកទេ ហេដ្ឋារចនាសម្ព័ន្ធបម្រើឲ្យវិស័យ កសិកម្ម ការស្វែងរកទីផ្សារ ដើម្បីជូនប្រជាជន”។


សម្តេច ហ៊ុន សែន បន្ថែមទៀតថា នៅខេត្តកំពត មានការឃោសនាថា ក្រុមយុវជនស្ម័គ្រចិត្តចុះវាស់វែងដីធ្លី ជូនប្រជាពលរដ្ឋបានយកពន្ធ ដីពីពួកគាត់។

សម្តេចបន្តថា “អីចឹងបានថា អាថោក វាថោក ដល់ប៉ុណ្ណឹង… អាចវា ធ្វើទៅរួច វាមក ទទួលប័ណ្ណ ដែរ ក្រោយមក អាមុខដដែល វាទៅ ទទួលប័ណ្ណ អាអ្នកឃោសនា វាថា គេមកវាស់ គេមកយកពន្ធ ដល់ពេលក្រោយមក មកទទួលប័ណ្ណដែរ”៕