សួន សេរីរដ្ឋា ៖ អ្នកនយោបាយត្រូវមាន សីលធម៌ដោយខ្លួនឯង មិនចាំបាច់មានច្បាប់ ការពារទេ! January 15, 2013

កាលពីថ្ងៃទី ១៤ មករា ២០១៣ លោក ហ៊ុន សែន បានថ្លែងនៅ ក្នុងពិធីចែក ញ្ញាប័ត្រអោយនិស្សិតនៃ សាកល វិទ្យាល័យបញ្ញាសាស្រ្ត នៅទីក្រុងភ្នំពេញថា ‹‹ចង់អោយមានច្បាប់មួយ ដែលត្រូវកំណត់ក្រមសីលធម៌របស់ អ្នក នយោបាយ កុំអោយជេរគ្នាដោយពាក្យ អសុរស›› ដែលក្នុងនោះលោក ហ៊ុន សែន បានលើកឡើងថាឈឺចាប់នឹង ពាក្យដែលគេហៅខ្លួនថា ‹‹អាក្បត់ជាតិ និងអាយ៉ងយួន›› ។ ជាមួយគ្នានោះដែរលោក ហ៊ុន សែន ខ្លួនឯងក៏បាន លើកយ៉ាងអំណួតភ្លាមៗថា ខ្លួនធ្លាប់ហៅអ្នកវិភាគនយោបាយខ្លះថា ‹‹អាល្ងង់ទូរ›› និងថែមទាំងបញ្ជាក់ថា ខ្លួនក៏ បានធ្វើការស្រាវជ្រាវក្នុង វចនានុក្រមរបស់សម្តេច ជួន ណាត រួចហើយថា គ្មានពាក្យគេហៅ អ្នកល្ងង់នោះថាជា ‹‹ឯកឧត្តមល្ងង់ ឬលោកជំទាវល្ងង់ទេ›› ។ ត្រង់ករណីពក្យាថា ‹‹អាក្បត់ជាតិ, អាចោរ, និងអាយ៉ង›› នេះលោក សួន សេរីរដ្ឋា ប្រធាន ចលនា អំណាច ពលរដ្ឋខ្មែរ ក៏ធ្លាប់បានបកស្រាយក្នុង កម្មវិធីឆ្លើយសំណួររបស់ពលរដ្ឋ ក្នុងកម្មវិធីផ្សាយសំឡេងរបស់ វិទ្យុសំឡេង អំណាចពលរដ្ឋខ្មែរ រួចជាច្រើនលើកច្រើនសារហើយដែរថា ‹‹ពពួកមនុស្ស ក្បត់ជាតិ ពពួកចោរ និងពពួកមេដឹកនាំ ជាអាយ៉ងរបស់បរទេសនេះ មិនដែល មាននណាគេហៅថា លោកជនក្បត់ជាតិ លោកចោរ ឬលោកអាយ៉ងយួន នោះទេ គឺមានតែគេហៅថា អាក្បត់ជាតិ អាចោរ និង អាយ៉ងយួន នេះឯង›› ។ ទាក់ទងទៅនឹងការលើកឡើងរបស់លោក ហ៊ុន សែន ដែលចង់អោយមាន ច្បាប់ក្រមសីលធម៌ សម្រាប់មេដឹកនាំ និងអ្នកនយោបាយ និយាយកុំ អោយជេរគ្នា និងដែលថាខ្លួន (ហ៊ុន សែន) គាំទ្រអោយមានច្បាប់នេះ ហើយត្រូវ ដាក់ទោសចំពោះអ្នកនយោបា ឬអ្នកដឹកនាំណា ដែលប្រើពាក្យជេរ នោះម្រមាថនោះ ត្រូវបានលោក សួន សេរីរដ្ឋា ប្រធាន ចលនា អំណាច ពលរដ្ឋខ្មែរ ប្រតិកម្មថា ៖ ទី ១ លោក ហ៊ុន សែន ត្រូវបែងចែកអោយដាច់ រវាងពាក្យថា ‹‹ជេរ›› ដែលភាសាអង់គ្លេសហៅថា "Insult" និងពាក្យថា ‹‹រិះគន់›› ដែលភាសាអង់គ្លេសហៅថា "Critical Thinking" ។ លោក សួន សេរីរដ្ឋា បន្ថែមថា ‹‹លោក ហ៊ុន សែន ដែលប្រើទីប្រឹក្សា រាប់រយនាក់នៅ ជុំវិញខ្លួន មាន ទាំងទីប្រឹក្សាយួន និងទីប្រឹក្សាខ្មែរដែលមានសញ្ញាប័ត្រ ខ្ពស់ៗនោះ ត្រូវចេះសួរទីប្រឹក្សា ទាំងអស់នោះអោយច្បាស់ លាស់សិនមុននឹង ឡើងមកនិយាយ កុំនិយាយរបៀបមិនដឹងខ្យល់យ៉ាងនេះ នៅចំពោះមុខនិស្សិត ដែលទើបនឹង បញ្ចប់កាសិក្សាដែលធ្វើអោយក្រុមនិស្សិតវិលវង្វេង ។ ព្រោះ បើលោក ហ៊ុន សែន មិនដែលស្កាល់ពាក្យថា ‹‹ជេរ›› ទេនោះអោយលោក ហ៊ុន សែន ស្តាប់សំដីរបស់ខ្លួនឯងដែលនិយាយកន្លងមក ដែលសំដៅទៅលើ បុគ្គល មិន មែនសំដៅទៅលើសកម្មភាពនយោបាយ និងការដឹកនាំទេ នោះ លោក ហ៊ុន សែន នឹងបានយល់ថា ខ្លួនគាត់ ហ៊ុន សែន ដែលកំពុងតែពុល ទឹកមាត់ និងពុលអំណាច ជេរអ្នកដែលប្រឆាំងខ្លួន ដែលសូម្បីតែពលរដ្ឋខ្មែរ ត្រូវបាន លោក ហ៊ុន សែន ប្រមាថអោយតំលៃស្មើរនឹងសត្វឆ្កែ ដូចជាពាក្យថា ប្រសិនបើពលរដ្ឋខ្មែរហ៊ានប្រមូលផ្តុំគ្នាធ្វើ ការប្រឆាំងនឹងការដឹកនាំរបស់ខ្លួន នោះខ្លួន (ហ៊ុន សែន) និងបិទទ្វាវ៉ៃឆ្កែជាដើម នោះគឺជាពាក្យជេរ ពាក្យប្រមាថ ដែលត្រូវតែពលរដ្ឋខ្មែរនាំគ្នាបណ្តេញអោយចុះចេញពីមុខដំណែងទើបបាន ។ តែចំពោះពាក្យរិះគន់នយោបាយ ដែល ពលរដ្ឋខ្មែរ និងអ្នកនយោបាយប្រឆាំង និយាយលើកឡើងពីទង្វើរជាក់ស្តែង នៃការដឹកនាំនយោបាយរបស់ ហ៊ុន សែន ដែលបម្រើយួន នោះពលរដ្ឋខ្មែរអាចហៅលោកនយោបាយរបស់លោក ហ៊ុន សែន បានថា ជារបប នយោបាយ អាយ៉ងយួន ។ ចំណែកការដឹកនាំ នយោបាយរបស់លោក ហ៊ុន សែន ដែលលក់ទ្រព្យសម្បត្តិជាតិ អោយទៅជន បរទេស ការពារផលប្រយោជន៍ជនបរទេស មានជនជាតិយួន ជាដើម អោយធ្វើអ្វីស្រេចតែក្បាល ចិត្តនៅក្នុងប្រទេសខ្មែរ ហើយមិនព្រមការពារផល ប្រយោជន៍ពលរដ្ឋខ្មែរ នៅលើដីខ្មែរ នោះ ពលរដ្ឋខ្មែរ និងអ្នក ប្រឆាំង គឹអាចហៅលោក ហ៊ុន សែន និងការដឹកនាំនយោបាយរបស់លោក ហ៊ុន សែន ថាជារបបក្បត់ជាតិ និង ជាអាចោរលួចជាតិបានផងដែរ ។ លោក សួន សេរីរដ្ឋា បានសរុបថា ៖ មេដឹកនាំដែលស្តាប់តែបរទេស ដឹងគុណ បរទេស អោយប្រយោជន៍បរទេស ខ្លាចបរទេស តែមិនស្តាប់មតោពលរដ្ឋខ្មែរ មិនបម្រើពលរដ្ឋខ្មែរ និងដឹកនាំប្រទេសសម្លាប់ពលរដ្ឋខ្មែរ ដើម្បីបំពេញ ចិត្តចៅហ្វាយបរទេសនោះ ដូចលោក ហ៊ុន សែន និង គណបក្សប្រជាជនកម្ពុជា នាពេលបច្ចុប្បន្ននេះ ពលរដ្ឋខ្មែរ ហៅថា ‹‹អាក្បត់ជាតិ អាចោរលួចជាតិ និងជាអាយ៉ងកញ្ជះបរទេស›› នោះគឹមិនខុសទេ ។ បើខ្លួនមិនចង់អោយ គេហៅ ថា ‹‹អាក្បត់ជាតិ›› ត្រូវកុំប្រព្រឹត្តិអំពើក្បត់ជាតិ ។ បើខ្លួនមិនចង់អោយគេហៅ ថា ‹‹អាចោរលួចជាតិ›› ត្រូវ ឈប់លួចជាតិ ដូចជាលួចលុយជាតិទៅចិញ្ចឹម ក្រុមគ្រួសារ និងក្រុមបក្សរបស់ខ្លួន និងឈប់លួចទ្រព្យសម្បត្តិជាតិ យកទៅ ជូនផ្គាប់ចិត្តពួកយួន ក្រុងហាណូយ ។ ហើយបើមិនចង់អោយគេហៅថា ‹‹អាយ៉ង កញ្ជះយួន›› ត្រូវឈប់ ធ្វើនយោបាយរណបយួន ឈប់សម្លាប់គំរាម ចាប់ដាក់គុក នូវសកម្មជន ឬអ្នកនយោបាយណា ដែលនិយាយរិះ គន់បញ្ហា ទឹកដី អធិបតេយ្យភាព បិងបូរណៈភាព ទឹកដី ដែលកំពុងឈ្លានពានដោយ ប្រទេសយួន ។ ដោយបន្ថែមទៅលើបញ្ហា ពាក្យថា ‹‹ជេរ›› និង ‹‹ការរិះគន់›› ដែលមាន រូបភាព និងអត្ថន័យខុសគ្នា និងដែលឆ្លើយ តបទៅនឹងការចង់បានរបស់លោក ហ៊ុន សែន ដែលចង់អោយមានកំណត់ដោយច្បាប់មួយ ហៅថាច្បាប់ក្រម សីលធម៌របស់អ្នកនយោបាយនោះ លោក សួន សេរីរដ្ឋា ប្រធាន ចលនា អំណាចពលរដ្ឋខ្មែរ បានប្រតិកម្មថា ‹‹អ្នក នយោបាយ គឺដូចជា កីឡា ប្រដាល់អញ្ចឹង បើឡើងដាល់កុំខ្លាចឈឹ ហើយបើគេដាល់ឈឹ កុំចងគំនុំ ។ ព្រោះ បើកម្លាំងដៃរបស់ខ្លួនចាញ់កម្លាំងដៃ របស់គូប្រយុទ្ធ ត្រូវទទួស្គាល់ថាខ្លួនមាន ការហ្វឹកហាត់មិនទាន់គ្រប់គ្រាន់ មិន ត្រូវចងគំនុំ ចងអាឃាត អោយ ប្រើល្បិចថោកទាប គំរាមកំហែង សម្លុត សម្លាប់ ដោយអាងថាខ្លួនកំពុងកាន់ អំណាច មានកងទ័ព មានកាំភ្លើង មានអង្គរ័ក្ស និងមានតុលាការ ជាសេនា ស្អេកស្កះអាចប្រើប្រាស់ពេលណាក៏ បាន ចង់សម្លុត ចង់បញ្ជាអោយចាប់ ឬក៏បញ្ជាអោយសម្លាប់ ពេលណាក៏បាននោះ វាមិនមែនជាអ្នកនយោបាយ ទេ តែវាជាជើងកាងនយោបាយ ។ ដូចជារយៈកាលកន្លងមក លោក ហ៊ុន សែន មិនដែលបានធ្វើខ្លួន ជាអ្នក នយោបាយ នោះទេ តែផ្ទុយទៅវិញបាន ត្រឹមតែធ្វើជាជើងកាងនយោបាយ ដែលបោះមេដឹកនាំនយោបាយ នៅក្នុងប្រទេសខ្មែរតាមរបៀបពួកម៉ាហ្វៀរ ក្នុង សង្គមងងឹតតែប៉ុណ្ណោះ ។ លោក ហ៊ុន សែន បញ្ជាចាប់ បញ្ជាសម្លាប់ និង គំរាមសម្លុត អ្នកនយោបាយ អ្នកយក ព័ត៌មាន និងសកម្មជនសិទ្ធិមនុស្ស តាមតែអំពើចិត្ត ។ មិនមែនតែជនជាតិខ្មែរទេ សូម្បីជនបរទេស ដែលជាអ្នក តំណាងអគ្គលេខាធិការ អង្គការសហប្រជាជាតិ ក៏លោក ហ៊ុន សែន ជេរប្រមាថ តាមអំពើរចិត្ត និងប្រើប្រាស់សំដី ថោកទាបបាតផ្សា មកនិយាយក្នុងវេទិកា សាធារណៈ ដែលប្រើប្រព័ន្ធវិទ្យុ និងទូរទស្សរបស់ជាតិ ចាក់ផ្សាយអួត ក្អេងក្អាង មិនខុសពីជនស្រវ៉ឹងទេ ។ ក្នុងករណីនេះ លោក សួន សេរីរដ្ឋា ប្រធាន ចលនា អំណាចពលរដ្ឋខ្មែរ បានពន្យល់ថា មានច្បាប់កំណត់នូវក្រម សីលធម៌ ឬអត់ គឺអត់សំខាន់ទេ តែសំខាន់គឺ អ្នកនយោបាយ និងអ្នកដឹកនាំនោះ មានសីលធម៌នៅក្នុងខ្លួនដែរឬ អត់? បើបុគ្គអ្នកនយោបាយ ឬអ្នកដឹកនាំនោះ គ្មានសីលធម៌ គ្មានការអប់រំ និងមិនស្គាល់ច្បាប់ និងសិទ្ធិមនុស្ស យ៉ាងដូចម្តេចផងនោះ ទោះបីជាបង្កើត ច្បាប់ក្រមសីលធម៌នោះ មកប៉ុន្មានថែមទៀតក៏ គ្មានបានការអ្វីដែរ ។ នៅ ពេលបច្ចុប្បន្ននេះ លោក ហ៊ុន សែន អត់ស្គាល់ខ្លួនឯងច្បាស់លាស់ផង មិនដឹងថាពេលណាត្រូវដើរតួរនាទីជា នាយករដ្ឋមន្រ្តី ដែលតំណាងអោយ ពលរដ្ឋខ្មែរ និងតំណាងអោយគ្រប់ក្រុមបក្សនយោបាយ និងមិនដឹងថា តើ ពេលណាត្រូវដើរតួរនាទី ជាអនុប្រធាន គណបក្សប្រជាជនកម្ពុជា ដែលតំណាង អោយបក្សនយោបាយរបស់ខ្លួន នោះផង ។ ពោលគឺលោក ហ៊ុន សែន ប្រើតួរនាទីគ្មានដឹងខ្យល់អ្វីទាំងអស់ វង្វេងតួរនាទី ឡប់អាចម៍ខ្សៀ មិនដឹង អីផង តើបង្កើតច្បាប់ក្រមសីលធម៌ សម្រាប់អ្នកនយោបាយ និងអ្នកដឹកនាំនោះមក បានការអ្វី? ចំណែកឯពួកមន្រ្តី ជើង ៤ ដែលចាំតែអង្គុយទះដៃ ហែអើរៗ បន្ទរតាមសំដីពុលទឹកមាត់របស់លោក ហ៊ុន សែន ក៏ចេះតែត្រឹមតែមក អង្គុយ និងឈរអោបពង ចាំស្តាប់លោក ហ៊ុន សែន បង្គាប់បញ្ជាតែប៉ុណ្ណោះ ។ ក្រមសីលធម៌របសៈមនុស្ស គឺផ្តើមចេញពីចរឹក សារជាតិ និងធម្មជាតិកំណើត របស់ មនុស្សផង និងគួបផ្សំជាមួយ នឹងកំរិតសិក្សាអប់រំផង ។ ចុះបើលោក ហ៊ុន សែន មកកាន់អំណាចដោយសារចុងកំភ្លើង ដោយសារយួននាំយក មកបន្តុប អោយកាន់អំណាច ហើយបានយួន ក្រុងហាណូយទុកចិត្ត ចាត់អោយឡើងធ្វើ ជា នាយករដ្ឋមន្រ្តី ដោយ សារតែហ៊ាន អនុវត្តផែនការ ក-៥ សម្លាប់ខ្មែរ បន្តពីរបបខ្មែរក្រហម ប៉ុល ពត អស់ជិតកន្លះលាន នាក់ថែមទៀត នោះ តើនាំគ្នានិយាយពី សីលធម៌ ជាមួយនឹងលោក ហ៊ុន សែន អោយលោក ហ៊ុន សែន ស្តាប់ចូលត្រចៀកដែរ ឬទេ? នៅចុងក្រោយលោក សួន សេរីរដ្ឋា ប្រធាន ចលនា អំណាចពលរដ្ឋខ្មែរ បានបញ្ជាក់ថា ច្បាប់ក្រមសីលធម៌ ដែល លោក ហ៊ុន សែន ចង់បាននោះ គឺដំបូងបំផុតត្រូវរៀនកែរខ្លួនឯង ហើយត្រូវក្លាហានហ៊ានទទួលកំហុសរបស់ខ្លួន ឯងអោយមានសីលធម៌ និងចេះគោរពចំពោះពលរដ្ឋខ្មែរ ជាម្ចាស់អំណាច ។ លោក សួន សេរីរដ្ឋា បន្តថា ខ្ញុំមិន ទាន់អោយលោក ហ៊ុន សែន មកគោរព អ្នកនយោបាយដូចគ្នានោះទេ តែចង់អោយលោក ហ៊ុន សែន ត្រូវតែមាន ការគោរពចំពោះពលរដ្ឋខ្មែរ ជាការចាំបាច់បំផុត ។ បើពលរដ្ឋខ្មែរ ត្រូវបក្ខពួក មន្រ្តីរបស់ខ្លួនរឹបអូសយកដី សម្លុត បំភ័យ ចាប់ដាក់គុកច្រវ៉ាក់ នោះលោក ហ៊ុន សែន ត្រូវសំដែងការគោរពចំពោះពលរដ្ឋទាំងអស់នោះ រកយុត្តិធម៌ ជូនពួកគាត់ ចាប់មន្រ្តីនិងអ្នករកស៊ីដែលប្រើអំណាច រំលោភសិទ្ធិពលរដ្ឋខ្មែរ ទាំងអស់នោះ យក ទៅ ផ្តន្ទាទោសទៅ នោះជាសីលធម៌របស់អ្នកដឹកនាំហើយ ។ មួយវិញទៀតលោក ហ៊ុន សែន ត្រូវដោះលែងលោក ម៉ម សូណង់ដូ និងដោះលែងសកម្មជននយោបាយ ក៏ដូចជាសកម្មជនដីធ្លីទាំងអស់ អោយ មានសេរីភាព ហើយព្រមទទួលយក នូវគំនិតរិះគន់របស់ពលរដ្ឋខ្មែរអ្នករិគន់ ដែលគេគេស្រលាញ់ជាតិ មាតុភូមិនិងទឹកដី កេរដំណែលដូនតា របស់ខ្មែរ ដែរ ព្រោះប្រទេសខ្មែរនេះ មិនមែនជាកម្មសិទ្ធិផ្តាច់មុខរបស់ក្រុមគ្រួសាររបស់លោក ហ៊ុន សែន និងបនគណបក្ស ប្រជាជនកម្ពុជា ដែលយួននាំយកមកលើកបន្តុប នៅក្រោយថ្ងៃ ០៧ មករា ១៩៧៩ នោះទេ ។ ដូច្នោះ សីលធម៌របស់អ្នកនយោបាយ និងអ្នកដឹកនាំ មិនអាស្រ័យដោយច្បាប់ កំណត់ពីក្រមសីលធម៌ទេ តែគឺ អាស្រ័យដោយ កំរិតសិក្សាអប់រំ និងចរឹក ធម្មជាតិ របស់អ្នកនយោបាយ និងអ្នកដឹកនាំនោះ ៕