រដូវភ្លៀងមុនពេលបោះឆ្នោតជិតមកដល់ហើយ ពពួកហ៊ីង ក្អាត់ខំក្រតបំប៉ោងពោះ

ផ្កាយប្រាំកន្ទុយលេខ និងផ្កាយប្រាំផុតលេខអីក៏ដូចគ្នាម៉្លេះអានាង

ហ៊ីង ប៊ុន(មួយ ចំ)ហៀង៖ រាជរដ្ឋាភិបាល ប្រឹងប្រែង អភិវឌ្ឍជាតិ ឲ្យរីកចំរើន នៅតែមិនពេញបំណង របស់បក្សប្រឆាំងទៀត

Friday, 18 January 2013 11:22
ដោយ ៖ ដើមអម្ពិល(DAP)

ភ្នំពេញ៖ នាយឧត្តមសេនីយ៍ ហ៊ីង ប៊ុនហៀង បានថ្លែងនៅថ្ងៃទី១៨ ខែមករា ឆ្នាំ២០១៣ថា បើទោះបីរាជរដ្ឋាភិបាលកម្ពុជា បានខិតខំប្រឹងប្រែង ពុះពារ ការលំបាកនានា ដើម្បីអភិវឌ្ឍប្រទេសឲ្យមានការរីកចំរើន រហូតមកដល់បច្ចុប្បន្ននេះយ៉ាងណាកក៏ដោយ នៅតែមិនដែលពេញចិត្ត គណបក្សប្រឆាំងទៀតមិន ដឹងពួកគេចង់បានអ្វីទៀតទេ។

នាយឧត្តមសេនីយ៍ ហ៊ីង ប៊ុន ហៀង អគ្គមេបញ្ជាការរង នៃកងយោធពលខេមរភូមិន្ទ នាយរងខុទ្ធកាល័យនិងជាទីប្រឹក្សា សម្តេចតេជោ ហ៊ុន សែន នាយករដ្ឋមន្រ្តីនៃប្រទេសកម្ពុជា បានមានប្រសាសន៍ នៅក្នុងសិក្ខាសាលាបូកសរុបលទ្ធផល ការងារឆ្នាំ២០១២ និងលើកទិសដៅការងារឆ្នាំ២០១៣ នៅព្រឹកថ្ងៃទី១៨ ខែមករា ឆ្នាំ២០១២៣នេះថា បញ្ហាអសកម្មនានាដែលបានកើតមានឡើង នៅក្នុងសង្គមកម្ពុជា ហើយបានបង្រ្កាបបទល្មើសនេសាទ គ្រឿងញៀន អំពើលួច ប្លន់ ចោរកម្ម និងបញ្ហាមួយចំនួនទៀត បានយ៉ាងជោគជ័យនោះ នៅតែមិនទាន់បំពេញចិត្តរបស់ គណបក្សប្រឆាំងទៀត ដែលពួកគេចាំតែសម្លឹងមើល និងចាប់កំហុសមកលើរាជរដ្ឋាភិបាលទៀត មិនដឹងថាពួកគេត្រូវអ្វីទៀតនោះទេ។

លោកថា រាជរដ្ឋាភិបាលបានអភិវឌ្ឍប្រទេសជាតិ ពីបាតដៃទទេរហូតដល់មានអ្វីៗទាំងអស់ រហូតមកដល់ពេលនេះ នៅតែពួកប្រឆាំងមើលមិន ឃើញទៀត “អីចឹងទេ ការងារដែលយើងធ្វើបានល្អ ពួកប្រឆាំងមិន ដែលឃើញសរសើរទេ វាចាំតែរិះគន់អ្វីដែលយើងធ្វើអត់ បាន… សម្តេចធ្វើប៉ុណ្ណឹង ហើយនៅតែថាមិនទាន់ធ្វើទៀត ហើយចុះទម្រាំយើងអត់ធ្វើទៀត មិនដឹងទៅជាយ៉ាងណា ត្រង់កន្លែងនេះពួកគេអត់បានមើលឃើញទេ”។

តំណាងរាស្ត្រគណបក្ស សម រង្ស៊ី លោក ជា ប៉ូច បានប្រាប់មជ្ឈមណ្ឌលព័ត៌មានដើមអម្ពិលថា ចំពោះករណីនេះ លោកមិនទាន់ធ្វើការ អធិប្បាយយ៉ាងណានោះទេ ព្រោះមិនទាន់បានដឹងព័ត៌មានច្បាស់ ហើយទុកឲ្យប្រជាពលរដ្ឋជាអ្នកវាយតម្លៃវិញ។

នាយឧត្តមសេនីយ៍ ហ៊ីង ប៊ុន ហៀង បានបន្ថែមទៀត នៅទីកន្លែងណា ដែលប្រជាពលរដ្ឋជួបទុក្ខលំបាក នៅទីនោះតែងតែមានវត្តមាន របស់មន្រ្តី រាជរដ្ឋាភិបាល ក៏ដូចជាកងទ័ពជើងទឹក ជើងគោក ដើម្បីជួយដោះស្រាយ បញ្ហាលំបាករបស់ពួកគេ ក្នុងនាមប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន៕