.jpg) |
ក្នុងថ្ងៃចូលឆ្នាំចិន កូនសិស្ស និងនិស្សិតខ្លួនឯងផ្ទាល់ដែលមិនទៅសាលាតែម្តង
REUTERS/Samrang Pring
|
ថ្ងៃ អាទិត្យ 10 កុម្ភៈ 2013
Radio France Internationale
ចិនយួនសែន ខ្មែរស្រវឹងធ្វើការមិនកើត
មន្រ្តីរាជការមួយចំនួននៅក្នុងប្រទេសកម្ពុជា ធ្វើពហិការមិនទៅធ្វើការដោយខ្លួនឯង នៅពេលបុណ្យចូលឆ្នាំចិន។ មន្ត្រីរាជការមួយចំនួនដែលបានផ្តល់បទសម្ភាសនៅថ្ងៃអាទិត្យនេះ បាននិយាយថា
មន្រ្តីរាជការប្រមាណជា៨០% មិនទៅធ្វើការទេ នៅពេលបុណ្យចូលឆ្នាំចិន។
មានគ្រូតែគ្មានសិស្ស ការិយាល័យបើកទ្វារ តែគ្មានមន្ត្រីរាជការ។ នេះគឺជាស្ថានភាពស្ងាត់ជ្រងំនៅតាមសាលារៀន និងនៅតាមក្រសួងមន្ទីរមួយចំនួនរបស់រដ្ឋ នៅពេលបុណ្យចូលឆ្នាំចិនម្តងៗ។ បុណ្យចូលឆ្នាំចិនមានរយៈពេលបីថ្ងៃ ដែលចាប់ផ្តើមថ្ងៃទីមួយនៅថ្ងៃអាទិត្យនេះ និងបញ្ចប់ទៅវិញនៅថ្ងៃអង្គារសប្តាហ៍ក្រោយ។
ជារៀងរាល់ឆ្នាំ បើទោះបីជាបុណ្យចូលឆ្នាំចិនប្រារព្ធធ្វើឡើងចំថ្ងៃធ្វើការរបស់រដ្ឋក៏ដោយ ក៏មន្រ្តីរាជការមួយចំនួន មិនទៅធ្វើការដែរ។ សម្រាប់ឆ្នាំនេះ មន្រ្តីរាជការមួយចំនួននៅក្នុងក្រសួងអប់រំដែលបានផ្តល់បទសម្ភាសនៅថ្ងៃអាទិត្យនេះ ហើយសុំមិនអោយបញ្ចេញឈ្មោះ បាននិយាយថា ពួកគេនឹងមិនទៅធ្វើការនៅថ្ងៃចន្ទស្អែក និងថ្ងៃអង្គារខានស្អែកទេ ពីព្រោះការងារក៏មិនសូវសំខាន់ប៉ុន្មានដែរ។ ម៉្យាងទៀត អ្នកទៅធ្វើការក៏មិនមានចំនួនច្រើនដែរ។
មន្ត្រីនៅក្នុងក្រសួងអប់រំខាងលើបាននិយាយបន្តទៀតថា បើមន្ត្រីដែលមានកិច្ចការចាំបាច់ ពួកគេប្រហែលជាត្រូវទៅធ្វើការជារៀងរាល់ថ្ងៃ នៅក្នុងអំឡុងបុណ្យចូលឆ្នាំចិននេះ។ តែចំពោះមន្រ្តីដែលគ្មានកិច្ចការបន្ទាន់ ពួកគេសម្រេចចិត្តឈប់ដោយខ្លួនឯង បើទោះបីជាច្បាប់របស់រដ្ឋមិនអនុញ្ញាតអោយឈប់ក៏ដោយក្តី។ងាកមកនិយាយពីមន្រ្តីនៅក្នុងស្ថាប័នរដ្ឋសភាវិញ ពួកគេមួយចំនួនបាននិយាយប្រាប់ថា ពួកគេអាចទៅធ្វើការមួយព្រឹក ឬមួយភ្លែតតែប៉ុណ្ណោះ បន្ទាប់មកពួកគេត្រឡប់មកគេហដ្ឋានវិញ។ នៅតាមបណ្តាសាលារៀនរដ្ឋ និងឯកជន គ្រូបង្រៀនមិនហ៊ានឈប់ទេ ដោយខ្លាចការស្តីបន្ទោសពីថ្នាក់ដឹកនាំ ប៉ុន្តែកូនសិស្ស និងនិស្សិតខ្លួនឯងទេដែលមិនទៅសាលាតែម្តង។ បើកូនសិស្សមិនទៅសាលា សាស្រ្តាចារ្យមិនអាចបង្រៀនបានឡើយ។នៅតាមសាលាមួយចំនួន ដើម្បីទប់ស្កាត់ការឈប់របស់កូនសិស្សនៅពេលបុណ្យចូលឆ្នាំចិន ថ្នាក់ដឹកនាំសាលាបានសម្រេចចិត្ត ដាក់ថ្ងៃប្រឡងចំពិធីបុណ្យចូលឆ្នាំចិនតែម្តង។ នេះគឺជាការបញ្ជាក់របស់លោកស្រី អ៊ុក ឆាយាវី អនុប្រធានសមាគមគ្រូបង្រៀនឯករាជ្យកម្ពុជា។លោកស្រី ឆាយាវី បានបន្តទៀតថា បើទោះបីជាមានវិធានការខ្លះក៏ដោយក្តី ក៏សាលាមួយចំនួនធំនៅទីក្រុងភ្នំពេញមានតែគ្រូ អត់កូនសិស្សមករៀនដដែល។ លោកស្រី ឆាយាវី អំពាវនាវសូមអោយលោកគ្រូអ្នកគ្រូត្រូវតែមកបង្រៀន រីឯសិស្សនិសិ្សតត្រូវតែមកសាលា ពីព្រោះចូលឆ្នាំចិន ជាពិធីបុណ្យរបស់ជនជាតិចិន និងជនជាតិវៀតណាមទេ ពោលគឺវាមិនមែនជារបស់ខ្មែរទេ។ជារៀងរាល់ឆ្នាំ គេសង្កេតឃើញសិស្ស និស្សិត មន្រី្តរាជការស្ទើរ៨០% នាំគ្នាធ្វើពហិការមិនទៅសាលារៀន មិនទៅកន្លែងធ្វើការដោយខ្លួនឯង។ ទង្វើអាក្រក់នេះអាចក្លាយទៅជាទម្លាប់ ហើយទម្លាប់នេះអាចក្លាយទៅជាប្រពៃណី។ នៅពេលដែលទម្លាប់ក្លាយទៅជាប្រពៃណី រដ្ឋាភិបាលនឹងពិបាកដោះស្រាយបញ្ហានេះ។ការប្រារព្ធពិធីបុណ្យចូលឆ្នាំចិនកាន់តែច្រើនឡើងៗពីមួយឆ្នាំទៅមួយឆ្នាំនេះ ត្រូវបានគេមើលឃើញថា គឺដោយសារកត្តាបីយ៉ាង។ ទីមួយ គឺដោយសារប្រទេសចិនដាក់ទុនវិនិយោគនៅក្នុងប្រទេសកម្ពុជាកាន់តែច្រើន។ ទីពីរ គឺដោយសារទំនាក់ទំនងការទូតរវាងប្រទេសកម្ពុជា និងប្រទេសចិនមានលក្ខណៈកាន់តែល្អប្រសើរឡើង និងទីបីគឺ ដោយសារប្រទេសចិនបានផ្តល់ជំនួយជាច្រើនពាន់លានដុល្លារ ដល់ប្រទេសក្រីក្រកម្ពុជា៕
1 comment:
Pun tae youn kor chrain dae.
Post a Comment