បុណ្យអុំទូក អកអំបុក ឬ កីឡាប្រណាំងទូកង (ដោយ អ៊ុម​ ហាក់ )

បុណ្យអុំទូក អកអំបុក

ឬ

កីឡាប្រណាំងទូកង

ដោយ អ៊ុម​ ហាក់  ថ្ងៃទី២០ កុម្ភៈ ២០១៣

   បុណ្យអុំទូក លយប្រទីប អកអំបុក សំពះព្រះខែ ជាពិធីបុណ្យប្រពៃណីរបស់ជាតិខ្មែរ ដែលខ្មែរ

តែងតែប្រារព្វធ្វើតាំងពីបុរាណកាលយូរលង់មកហើយ។

   តាមទំលាប់គេប្រារព្វធ្វើនៅទន្លេសាប ពេលដែលទឹកទន្លេនេះហូរចុះទៅសមុទ្រវិញក្នុងអំឡុង

ចុងខែតុលា នៅត្រង់កំណាត់ទន្លេចន្លោះក្រុង ភ្នំពេញនឹងជ្រោយចង្វា។ ពិធីនេះចំណាយពេលបី

ថ្ងៃនឹងបីយប់គឺថ្ងៃ ១៤កើត ១៥កើត នឹងថ្ងៃ ១រោជខែកត្តឹក ជារៀងរាល់ឆ្នាំ។

   ពេលរសៀលមានពិធីប្រណាំងទូកងលុះព្រលប់ ចាប់ផ្តើមពីម្តុំគីឡូម៉ែត្រលេខ៦មកផ្តាច់ព្រ័ត្រនៅ  ​     មុខវាំងហ្លួង។ បន្ទាប់មកមានពិធីបាញ់កាំជ្រួច រួចមានពិធីលយប្រទីបជ្វាលាលុះអាធ្រាត្រ។ ពលរដ្ឋ

ក្រុងភ្នំពេញនឹងមកពីខេត្តនាៗច្រើនកុះករ ឈរអង្គុយត្រៀបត្រាហូរហែរតាមមាត់ទន្លេ សប្បាយ

រីករាយនឹងទស្សនីយភាពដ៏ត្រកាលដែលមួយឆ្នាំមានតែម្តងនេះ។ ចំណែកឯស្តេចឬប្រមុខរដ្ធខ្មែរក៏

ចាំបាច់ត្រូវចុះផែប្រារព្វពិធីខាងលើនេះទាំងបីថ្ងៃបីយប់ ហែរហមដោយអង្គទូតនាៗ នាម៉ឺនសព្វមុខ

មន្រ្តីផងដែរ។  នៅច្រាំងទន្លេមុខព្រះបរមរាជវាំង មានវិមានបណ្តែតទឹកពីរដែលភាសាសាមញ្ញហៅ      ​     ថាផែ។ ស្តេចឬប្រមុខរដ្ធខ្មែរព្រមដោយអង្គទូតនាៗ រដ្ធមន្រ្តី អ្នកឧកញ៉ាចុះផែមួយខាងឆ្វេង ឯមន្រ្តី

ថ្នាក់វរ:នឹងអនុមន្រ្តីចុះផែមួយខាងស្តាំ។ គួរកត់សំគាល់ថា ដំណាក់ផែទាំងពីរព្រមទាំងទីនាំងទូក

នឹងកប៉ាល់ បាត់អស់មិនដឹងទៅណា ហើយបាត់ពីអង្កាលនោះទេ។ ជំនាន់សាធារណរដ្ធវត្ថុទាំងនេះ

គង់វង់នៅឡើយ។ ជំនាន់រាជាណាចក្រទីពីរ មិនមានផែចុះទៀតទេ គេសង់ពន្លានៅលើមាត់ច្រាំង

 ជំនួសវិញ ( ដល់អីចឹងទៅចម្រៀងសកវាទ៍ចុះផែលែងមានន័យអ្វីទាំងអស់ ) យ៉ាងណាក៏ដោយ

 គេនៅតែប្រារព្វប្រពៃណីនេះជាបន្តបន្ទាប់រហូតមកដល់ឆ្នាំ២០១០ ( ឆ្នាំដែលកើតសោកនាដកម្ម

ផ្អើលរត់ជាន់គ្នានៅលើស្ពានកោះពេជ្រ )។

   ឆ្នាំ២០១១ លោកហ៊ុន សែន នាយករដ្ធមន្រ្តីខ្មែរដ៏មហិមាបានសំរេចមិនប្រារព្វពិធីបុណ្យអុំទូក
      លយប្រទីប អកអំបុក សំពះព្រះខែទេ ព្រោះក្នុងឧិកាសនោះទឹកទន្លេហូរខ្លាំងពេកដោយសាទឹក

ជំនន់ ជាហេតុនាំឲ្យមានគ្រោះថ្នាក់ដល់អ្នកអុំទូកជាយថាហេតុ។ លេសនេះសមហេតុសមផលឬ

ទេ? គ្រោះថ្នាក់អាចមានគ្រប់សកម្មភាព គ្រប់ទីកន្លែង គ្រប់ពេលវេលា។ សួរថាបើមានគេហែកឋិន

ទៅវត្ត ជួនកាលមានគ្រោះថ្នាក់ក្រឡាប់ឡាន ឬលិចទូក លិចកាណូតស្លាប់មនុស្ស តើត្រូវឈប់

ធ្វើបុណ្យកឋិន ត្រូវតែលប់បុណ្យនេះចោលអ៊ីចឹងឬ?។ តើគេអាចកែលំអកងឯកភាពសង្រ្គោះបន្ទាន់

ឲ្យមានប្រសិទ្ធិភាពជាងសព្វថ្ងៃបានឬទេ?

   ឆ្នាំ២០១២លោកនាយករដ្ធមន្រ្តីដ៏មហិមាដដែលសំរេចមិនឲ្យប្រារព្វពិធីបុណ្យដដែលនេះម្តង

ទៀត។ លេសម្តងនេះគឺពិធីនេះធ្លាក់ចំពេលកំពុងកាន់ទុក្ខសពសម្តេចឪ សម្តេចតា សម្តេចតាទួត

សម្តេចតាលួតតាលា។ ឆ្នាំក្រោយវាមុខជានឹងប៉ះលើបុណ្យខួបឆ្នាំសម្តេចទៀតហើយ ធ្វើម្តេចទៅ?

   ឆ្នាំ២០១៣ ខែមករា លោកថោង ខុន រដ្ធមន្រ្តីក្រសួងទេសចរណ៍បានស្នើររៀបចំបុណ្យអុំទូកនៅ                   

ខេត្តក្រចេះវិញដើមបីទាក់ទាញទេសចរ ព្រោះទីនោះមានផ្សោតទឹកសាបដែលជាសត្វកម្រ។ល។

លោកថោង ខុន និយាយមែន ឬកំប្លែងលេងទេ? រឿងកំប្លែងជានាទីរបស់លោកវរសេនីយ៍ កុយ

នឹងលោកវរសេនីយ៍ ​ក្រិម នឹងក្រុមរបស់គេឯណោះ មិនមែនជានាទីរបស់រដ្ធមន្រ្តីណាមួយឡើយ។

តែបើលោកថោង ខុន មិនកំប្លែងលេងទេ ហើយយល់ថាគួរតែលើកបុណ្យអុំទូក ទៅធ្វើនៅក្រចេះ

ដើមបីតែទាក់ទាញភ្ញៀវទេសចរវិញនោះ លោកថោង ខុនប្រហែលជាច្រឡំធ្ងន់ហើយ។ លោក

ថោង​ ខុន យល់ថាប្រពៃណីបុណ្យអុំទូក អកអំបុកនោះគ្រាន់តែជាកីឡាប្រណាំងទូក​ ង លេង

កម្សាន្តសប្បាយតែប៉ុននឹងទេឬ?។

        បើតាមការចចាំដ៏ស្តួចស្តើងរបស់ខ្ញុំ   បុណ្យអុំទូក អកអំបុក បណ្តែតប្រទីបជ្វាលានេះមាន

កាលបរិច្ឆេទ ទីកន្លែងនឹងកម្មវិធីច្បាស់លាស់ដូចបានរៀបរាប់ខាងដើម។ គឺជាពិធីបុណ្យរំលឹកគុណ

ព្រះគង្គា ( ទឹក ) ដែលបានដឹកនាំជីជាតិមកចាក់លើផ្ទៃស្រុកខ្មែរពេលជនលិច ជាហេតុនាំឲ្យផល

កសិកម្មមានស្រូវជាដើមបានផលល្អ នឹងរំលឹកគុណព្រះចង្កូមកែវដែលប្រតិស្ថាននៅឯស្ថានភូជង្គ

នាគឯណោះ។ ការលើកយកពិធីនេះទៅប្រារព្វនៅទីផ្សេង គឺជាអំពើកាឡៃប្រពៃណីបុណ្យពី អុំទូក

អកអំបុក លយប្រទីបជ្វាលា សំពះព្រះខែ ឲ្យក្លាយទៅជាកីឡាប្រណាំងទូកងទៅវិញ ដែលជាអំពើ

វាយប្រហារទៅលើ អារ្យធម៌ វប្បធម៌ ប្រពៃណី នឹងព្រលឹងខ្មែរ មិនអាចប្រកែកបានឡើយ។ កីឡា

ប្រណាំងទូក ង គេអាចរៀបចំធ្វើនៅទីណាក៏បាន ពេលណាក៏បានដែរ ខុសគ្នាពីបុណ្យប្រពៃណី។

   មកដល់ត្រិមនេះ ខ្ញុំនឹកឃើញដល់ខ្សែអាត់វីឌីអូមួយដែលមិត្តភ័ក្តិខ្ញុំម្នាក់ផ្ញើមកឲ្យខ្ញុំមើលហើយ

សុំខ្ញុំឲ្យយោបល់។ ខ្សែអាត់នោះមានចំណងជើងថា «​ ខ្មែរក្រោមរក្សាប្រពៃណី » នៅកម្ពុជាក្រោម។

ខ្សែអាត់នោះបង្ហាញជាបន្តបន្ទាប់នូវ របាំជូនពរ ឆាយ៉ាំ របាំប្រពៃណីមួយចំនួន នឹងប្រគេនទេយ្យ

ទានដល់ព្រះសង្ឃខ្មែរក្រោម។ អំពីរបាំជូនពរ នឹងរបាំប្រពៃណី ខ្ញុំហាក់ដូចជាឃើញនូវការឆ្គាំឆ្គង

បន្តិចបន្តួចរកថាមិនត្រូវ តែអាចទទួលយកបាន យោងទៅលើករណីថា​ ខ្មែរក្រោមបានត្រូវឃ្លាតពី

គ្រួសារថែមទាំងត្រូវយួនជិះជាន់សង្កត់សង្តិនយូរមកហើយ។ ទស្សនីយភាពឆាយ៉ាំហាក់ដូចជា

បាត់អ្វីៗជាខ្មែរស្ទើរតែទាំងអស់ទៅហើយ ដោយគេច្រើនបង្ហាញស្គរធំពីរពុំដែលឃើញនៅក្នុងវង់

ឆាយ៉ាំខ្មែរហើយដែលគេវាយកំប្លុកកំប្លែងតាមរបៀបផ្លែក។ អ្វីដែលខ្ញុំខកចិត្តជាទីបំផុតនោះគឺការ

« ប្រគេន » ទេយ្យទានដល់ព្រះសង្ឃ។ ដំបូងឡើយតំណាងព្រះសង្ឃ ( ខ្មែរក្រោម? ) ឡើងថ្លែង

សុន្ទរកថាជាភាសាយួន រួចហើយអាជ្ញាធរយួនទៅ « ប្រគេន » ទេយ្យទានចំពោះព្រះសង្ឃ។ វា

កាន់កញ្ចប់មួយៗហុចដៃមួយទៅព្រះសង្ឃដែលក្រោកឈរទទួលដៃពីរអបអរសាទរ ខុសពីទំនៀម

ទំលាប់ខ្មែរក្រោម។ ខ្ញុំបានឆ្លើយទៅមិត្តភ័ក្តិខ្ញុំវិញវិញថា ទិវានោះគឺយួនទេដែលបានរៀបចំ មិន

មែនខ្មែរក្រោមទេ គេធ្វើនេះគឺក្នុងគោលបំណងរំលាយ អារ្យធម៌ វប្បធម៌ ប្រពៃណីខ្មែរ សម្លាប់ព្រ

លឹងខ្មែរឥតប្រកែកបានឡើយ។

   ថាចក្រព័ត្រយួនទៅចុះ វាធ្វើអ្វីៗគ្រប់យ៉ាងដើមបីសម្លាប់ព្រលឹងខ្មែរ ព្រោះវាគុំតែផ្តាច់ពូជខ្មែរ

ប្លន់ទឹកដីខ្មែរតាំងពីច្រើនសតវត្សរ៍ណាស់មកហើយ ដើមបីយកដីឲ្យកូនចៅវានៅ ចុះលោកថោង

ខុនដែលជាខ្មែរ (​ ឬមិនមែនខ្មែរទេ?​ ) ម្តេចក៏ជួយវាយប្រហារ អារ្យធម៌ វប្បធម៌​ ទំនៀមទំលាប់ ប្រ

ពៃណីខ្មែរ សម្លាប់ព្រលឹងខ្មែរ ដូចយួនដែលជាសត្រូវសួពូជដែរ?។

   ពិធីបុណ្យអុំទូក អកអំបុក លយប្រទីប សំពះព្រះខែ ចាំបាច់ត្រូវតែប្រព្រឹត្តទៅនៅត្រង់ចតុមុខនៅ

ថ្ងៃទី១៤ ១៥កើត​នឹងថ្ងៃ១រោជខែកត្តិកជាដាច់ខាត ទោះមានឬអត់ស្តេចក៏ដោយ។ ការបញ្ឈប់ ការ

ផ្អាក ឬការកាឡៃពិធីនេះឲ្យក្លាយទៅជាកីឡាប្រណាំងទូកង ទាំងនេះជាអំពើហុចដងដាវឲ្យសត្រូវ

ជាអំពើអត្តឃាត។ ការបណ្តោយឲ្យគេបញ្ឈប់  ផ្អាក ឬកាឡៃពិធីនេះបាន នោះព្រលឹងខ្មែរនឹងកាន់

តែវង្វេងវង្វាន់ រសាត់អណ្តែតឆ្ងាយទៅៗ រហូតអ្នកឯកទេសខាងជញ្ជាត់ព្រលឹងមិនដឹងទៅ រក

ឈ្នាងធំឯណានឹងជញ្ជាត់ព្រលឹងនោះបានវិញ មុននឹងរូបរលាយជាធរណី។

នេះជាយោបល់ស្តួចស្តើងរបស់ខ្ញុំ សូមស្វាគមន៍យោបល់ផ្សេង៕