លោក មឿន តុលា
ប្រធានកម្មវិធីសិទ្ធិការងារនៃមជ្ឈមណ្ឌលអប់រំច្បាប់សម្រាប់សហគមន៍
ក្នុងវេទិកាអ្នកស្ដាប់វិទ្យុអាស៊ីសេរី នារាត្រីថ្ងៃព្រហស្បតិ៍
ទី២០ ខែធ្នូ ឆ្នាំ២០១២។
ដោយ យន់ សាមៀន 2013-02-08 RFA
មជ្ឈមណ្ឌលអប់រំច្បាប់សម្រាប់សហគមន៍
ថ្កោលទោសសមត្ថកិច្ចរាជធានីភ្នំពេញ
ដែលបានប្រើហិង្សាបង្ក្រាបកូដកម្មកម្មកររោងចក្រកាត់ដេរ
សម្លៀកបំពាក់អ៊ីហ្គាមិន (E Garment)។
សេចក្តីប្រកាសព័ត៌មានផ្សាយកាលពីថ្ងៃទី៧ ឲ្យដឹងថា
កងរាជអាវុធហត្ថប្រមាណ ៣០នាក់ បានប្រើហិង្សាវាយកម្មការិនី ៧នាក់ឲ្យរងរបួសក្នុងស្ត្រីម្នាក់មានផ្ទៃពោះ
ត្រូវបានបញ្ជូនទៅមន្ទីរពេទ្យសង្គ្រោះបន្ទាន់។
មន្ត្រីការងារនៃមជ្ឈមណ្ឌលអប់រំច្បាប់សម្រាប់សហគមន៍ លោក មឿន តុលា
មានប្រសាសន៍ថា
នេះជាករណីបង្ក្រាបហិង្សារបស់សមត្ថកិច្ចទៅលើក្រុមកម្មករដំបូង
បង្អស់នៅដើមឆ្នាំ២០១៣ នេះ។
លោកបន្តថា រោងចក្រត្រូវដឹងថា ច្បាប់ការងារកម្ពុជា
ធានាការធ្វើកូដកម្មរបស់កម្មករជាសិទ្ធិស្របច្បាប់។
សហជីពកម្មករបាននាំគ្នាធ្វើកូដកម្មក្រោយពេលដែលរោងចក្របានបញ្ឈប់
តំណាងសហជីពចំនួន ៣៣នាក់។
ក្រុមកម្មករបានទាមទារឲ្យរោងចក្រទទួលយកមន្ត្រីសហជីពចូលធ្វើ
ការងារវិញ៕
No comments:
Post a Comment