ខ្មែរក្រោមពីររូបត្រូវចោទពីបទផ្ដួលរំលំរដ្ឋាភិបាលខ្មែរ

(ពីឆ្វេង) លោក យ័ញ យ៉ាវ (ទីមួយ) និង លោក ថាច់ តឺ (ទីបួន) នៅភ្នំពេញ ព្រឹកថ្ងៃទី ១៣ ខែមីនា ឆ្នាំ ២០១៣ ។

លោក យ័ញ យ៉ាវ (រូបទី ១ ខាងឆ្វេង) ថតរូបជាមួយក្រុមរណសិរ្ស រំដោះជាតិខ្មែរ កាលពីថ្ងៃទី ១២ ខែធ្នូ ឆ្នាំ ២០១២ នៅបាងកក ប្រទេសថៃ ។ រូបថត៖ KI-Media

Wednesday, March 13, 2013
ដោយ សារព័ត៌មាន ព្រៃនគរ

ភ្នំពេញ៖ នៅព្រឹកថ្ងៃ ១៣ ខែមីនា នេះ តុលាការទីក្រុងភ្នំពេញ បានសម្រេចកាត់ទោស ជាបន្ទាន់ លើករណីខ្មែរក្រោម ពីររូប ពីបទ ផ្ដួលរំលំ រដ្ឋាភិបាល ខ្មែរ ក្រោយពីជនជាប់ចោទទាំងពីររូបនេះ ត្រូវបានចាប់ខ្លួននៅប្រទេសថៃ កាលពីថ្ងៃទី ០៨ ខែមីនា សប្ដាហ៍ កន្លងទៅនេះ ។

ប្រភពព័ត៌មានច្បាស់ការបានប្រាប់ សារព័ត៌មាន ព្រៃនគរ ថ្ងៃនេះ ថា ខ្មែរក្រោមពីររូប គឺ លោក យ័ញ យ៉ាវ (Danh Dao) និង លោក ថាច់ តឺ (Thach Tu) ត្រូវបានតុលាការខ្មែរកាត់ទោសជាបន្ទាន់ពី បទផ្ដួលរំលំរដ្ឋាភិបាល និងបានបញ្ជូនទៅគុកព្រៃស នៅរសៀល ថ្ងៃទី ១៣ ខែមីនា នេះ ។

លោក ថាច់ តឺ មានដើមកំណើតនៅខេត្តឃ្លាំង ។ មុនពេលចាប់ខ្លួន លោក និងគ្រូសារជាអ្នកលក់បន្លែនៅផ្សារស៊ីមុមមំឿង ខេត្តបទុម ធានី ជាយទីក្រុងបាងកក ប្រទេសថៃ និងជាអនុប្រធានសហគមន៍ ខ្មែរកម្ពុជាក្រោម នៅថៃ ដែលទើបបានបង្កើតឡើងកាល ពីឆ្នាំទៅ មិញ ។


ចំណែក លោក យ័ញ យ៉ាវ មានដើមកំណើតនៅខេត្តក្រមូនស ជាសមាជិកនៃចលនាយួនសេរីមួយនៅក្រៅប្រទេសឈ្មោះ ត្រា ដាមយ៉ឹងចូវ (Tra Dam Dan Chu) ដែលមានមូលដ្ឋាននៅអាមេរិក ។ លោក យ័ញ យ៉ាវ ធ្លាប់បានរដ្ឋាភិបាលវៀតណាមចាប់ដាក់គុក ជាប់ទាក់ទិននឹងយួនសេរីនៅក្រៅប្រទេសកាលនៅកម្ពុជាក្រោម ហើយបានភៀសខ្លួនទៅសុំសិទ្ធិជ្រកកោននៅក្នុងការិយាល័យ ឧត្ដមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) ប្រចាំទីក្រុងបាងកក ប្រទេសថៃ ហើយត្រូវបានអង្គការ មួយបដិសេធឋានៈជាជនភៀសខ្លួន ។

សូមបញ្ជាក់ថា កាលពីថ្ងៃទី ០៨ ខែមីនា ឆ្នាំ ២០១៣ ពលរដ្ឋខ្មែរ ក្រោម ចំនួន ៥ នាក់ ត្រូវបានប៉ូសីលថៃចាប់ខ្លួន នៅម្ដុំផ្សារស៊ីមុម មឿង ស្ថិតនៅតំបន់រាំងស៊ីត ក្នុងប្រទេសថៃ ជិតផ្ទះដែលពួកគាត់ បានជួលស្នាក់នៅ ហើយបញ្ជូនមកស្រុកខ្មែរជាបន្ទាន់ ។ ក្រោយ មកជនភៀសខ្លួន ៣ នាក់ផ្សេងទៀតត្រូវបានដោះលែងឲ្យវិលទៅ ថៃ នៅសល់តែលោក ថាច់ តឺ និង លោក យ័ញ យ៉ាវ ៕