កម្មកររោងចក្រ​ ថបភ្លីត ហ្វូតវែវអ៊ិន ដាសស្ទៀល បន្ដបិទផ្លូវ ជាតិលេខ៣

Tuesday, 12 March 2013
ដោយ៖ ដើមអម្ពិល : (DAP)

កំពង់ស្ពឺ ៖ ដោយសារមិនទាន់ទទួលបាន ដំណោះស្រាយ ពីភាគីរោងចក្រនោះ កម្មករ កម្មការិនី ដែលបម្រើការងារ នៅរោងចក្រ ថបភ្លីត ហ្វូតវែវអ៊ិនដាសស្ទៀល បានបន្ដបិទ ផ្លូវជាតិលេខ៣ ក្នុងឃុំជង្រុក ស្រុកគងពិសី ខេត្ដកំពង់ស្ពឺ នាព្រឹកថ្ងៃទី១២ ខែមីនា ឆ្នាំ ២០១៣នេះ បណ្ដាលឱ្យកកស្ទះចរាចរពីសំ ណាក់អ្នកធ្វើដំណើរឆ្លងកាត់តំបន់នោះ ។

យោងតាមប្រភពព័ត៌មានពីកន្លែងកើត ហេតុបានឱ្យដឹងថា ក្រុមកម្មករកម្មការិនីជា ច្រើននាក់ របស់រោងចក្រថបភ្លីត ហ្វូតវែវអ៊ិនដាសស្ទៀល បានបន្ដបិទកំណាត់ ផ្លូវជាតិលេខ៣ ព្រោះតែការចរចារវាងតំណាងកម្មករនិងរោងចក្រ មិនទាន់ទទួលបានលទ្ធផល ។

កាលពីថ្ងៃទី១១ ខែមីនា ក្រុមកម្មករទាំងនេះ បាននាំគ្នាធ្វើកូដកម្មបិទ កំណាត់ផ្លូវជាតិលេខ៣ ដោយសារតែពួកគេ ចង់ទាមទារលក្ខខណ្ឌការងារពីថៅកែរោង ចក្រ ចំនួន២៣ចំណុច ។

លក្ខខណ្ឌការងារទាំងនោះ មានចំណុច សំខាន់ៗដូចជា

-សុំឱ្យក្រុមហ៊ុនចាត់វិធានការ ដកអគ្គនាយករងក្រុមហ៊ុនជាបន្ទាន់

-សុំឱ្យ ក្រុមហ៊ុនរៀបចំឱ្យមានពេទ្យប្រចាំការ រៀងរាល់ថ្ងៃ ម៉ោងកម្មករនិយោជិកធ្វើការ                                                                                                                                                -សុំឱ្យក្រុមហ៊ុនរៀបចំការថែមម៉ោងស្ម្រ័គចិត្ដ របស់កម្មករនិយោជិក ដោយគ្មានការបង្ខិតបង្ខំ ។

នៅកន្លែងធ្វើកូដកម្មបិទកំណាត់ផ្លូវជាតិ លេខ៣ខាងលើនេះ កម្លាំងសមត្ថកិច្ចជាច្រើននាក់ ត្រូវបានដាក់ពង្រាយការពារ ដើម្បីរក្សាសន្ដិសុខ និងសណ្ដាប់ធ្នាប់ ។