អតីតមេប៉ុស្តិ៍បរថ្មី ច្រកអូរអែម សង្កាត់បរយ៉ាខា ត្រូវបាន ស្នងការខេត្តប៉ៃលិនឃុំខ្លួន

.............................
By. Chham Chhany 07/4/2013

លោក មួន ទឹម ហៅ ញ៉ន អតីតមេប៉ុស្តិ៍បរថ្មី ដែលបានជូនដំណើរបុគ្គលិក វិទ្យុអាស៊ីសេរីពីរនាក់ គឺលោក ម៉ម មុនីរត្ន័ និងលោក ដែនអយុទ្យា ទៅមើល បង្គោលព្រំដែនកម្ពុជា ថៃ ត្រង់បង្គោលឡាក់ លេខ៦៤ កាលពីថ្ងៃ១៧ ខែមីនា ឆ្នាំ២០១៣ កន្លងទៅ ត្រូវបានស្នងការនគរបាលខេត្តប៉ៃលិន បញ្ជាឲ្យ មន្ត្រីនរគបាលនាំខ្លួនមកឃុំ នៅការិយាល័យស្នងការនគរបាលខេត្តប៉ៃលិន បន្ទាប់ដក​ហូតទួនាទី​តែពីថ្ងៃប៉ុណ្ណោះ។

តាមព៌មានដែលគួរឲ្យទុក្ខចិត្តបានប្រាប់ឲ្យដឹងថាលោក មួន ទឹម ហៅ ញ៉ន មិនត្រឹម តែដកតួនាទីពី មេប៉ុស្តិ៍ប៉ុណ្ណោះទេ តែអាចត្រូវបានរដ្ឋាភិបាលចោទប្រកាន់ពីបទ បង្ករឲ្យ មានអសន្តិសុខសង្គម ដែលអាចឲ្យលោកជាប់ពន្ធនាគារជាច្រើនឆ្នាំ ។

ថ្មីៗនេះមន្ត្រី រដ្ឋាភិបាលក្រុងភ្នំពេញក៏ធ្លាប់បានធ្វើសន្និសិទ្ធសារព៌តមានច្រានចោល  នូវពត៌ មាន​ដែលផ្សាយដោយវិទ្យុអាស៊ីសេរី ថាព្រំដែនកម្ពុជាត្រូវបានប្រទេសថៃរំលោភថាមិន មែនជាការ​ពិត  ហើយបាននិងកំពុងរៀបចំឯកសារប្តឹងវិទ្យុអាស៊ីសេរីផងដែរ  តែវិទ្យុអាស៊ី សេរីក៏បានប្រកាស​ពីជំហរ​របស់ខ្លួនហើយថា មិនចុះញ៉មនិងបណ្តឹងរបស់រដ្ឋាភិបាលឡើយ ។​ 

ការអះអាងរបស់រដ្ឋាភិបាល​ដែល​ថា គ្មាន​ការ​រំកិលព្រំដែនពីប្រទេសថៃមកលើកម្ពុជា  គឺ មានភាព​ផ្ទុយ​គ្នា​ពីភាពជាក់ស្តែង  ព្រោះប្រជាពលរដ្ឋដែលរស់នៅតាមព្រំដែន​បានអះអាង ថា​ ព្រំដែន​ត្រូវបាន​ថៃរំលោភយកពិតប្រាកដមែន ។

ករណីព្រំដែនខាងលិចនេះ បើយើងពិនិត្យទៅក៏មិនខុសពីរឿងព្រំដែនខាងកើតដែរ កន្លង មក លោក សម រង្ស៊ី បច្ចុប្បន្នប្រធានគណបក្ស សង្គ្រោះជាតិ រស់នៅនិរទេសខ្លួន ត្រូវបានរដ្ឋាភិបាលនិង​តុលាការក្រុងភ្នំពេញ​កាត់ទោសឲ្យជាប់ពន្ធនាគាររាប់សិបឆ្នាំ ដោយ សារតែលោកបានដកបង្គោល ឈ្លានពានរបស់យួនមកលើ កម្ពុជា ។ ក្នុងនោះកសិករ ម្ចាស់ដីស្រែពីរនាក់គឺលោក ព្រំ ជា និង​អ្នកស្រី មាស ស្រី ដែលជាអ្នកបាត់បង់ដីស្រែ ក៏ត្រូវបានតុលាការកាត់​ទោសឲ្យជាប់​ពន្ធនាគារ​យ៉ាងអយុត្តិ​ធម៌ផងដែរ ។

រដ្ឋាភិបាលបានចេញបញ្ជាយ៉ាងតឹងរឹង មិនអនុញ្ញាតិឲ្យបណ្តាញសារព៌ត​មាន​ណាមួយ ផ្សព្វផ្សាយ​ពីបញ្ហាព្រំដែនឡើយ ដែលបំរាមនេះត្រូវបាន​អ្នកតាម​ដាន​ស្ថាន​ការណ៍​នយោ បាយហៅថា ​ជាការ រំលោភទៅលើសេរីភាពរបស់ប្រជាពលរដ្ឋយ៉ាងធ្ងន់ធ្ងរ ចំពោះការ​ការពារទឹកដី ដែលជាការតព្វកិច្ច​របស់ពលរដ្ឋគ្រប់រួប ដែលមានចែងក្នុងរដ្ឋធម្មនុញ្ញ៕