ឆ្កែប្រមាញ់ធាត់ជ្រុតរត់មិនរួចត្រូវម្ចាស់យកមកបង្អត់ទុកបង្ក្រាបបាតុករ

លោក រ័ត្ន ស៊្រាង ប្រមូលមន្ត្រី អ.ហ. ធាត់ៗ ដុះក្បាលពោះជាង ១១៤ នាក់ មកហាត់សម្រកទម្ងន់ ទប់ស្កាត់ ការកើតជំងឺផ្សេងៗ

Tuesday, 18 June 2013 16:13 ដោយ ៖ ដើមអម្ពិល 

ឆ្កែប្រមាញ់ធាត់ជ្រុតរត់មិនរួចត្រូវម្ចាស់យកមកបង្អត់ទុកបង្ក្រាបបាតុករ

បន្ទាយមានជ័យ ៖ លោកឧត្តមសេនីយ៍ទោ រ័ត្ន ស៊្រាង មេបញ្ជាលការរង អ ហ លើផ្ទៃប្រទេស និងជាមេបញ្ជាការ អ ហ ខេត្តបន្ទាយមានជ័យ បានប្រមូលមន្ត្រី អ ហ គ្រប់ស្រុក/ក្រុង ទូទាំងខេត្ត ដែលធាត់ដុះក្បាលពោះជ្រុលជាង ១១៤ នាក់ មកហាត់សម្រកទម្ងន់ ទប់ស្កាត់ការកើតជំងឺផ្សេងៗ នៅទីបញ្ជាការខេត្ត កាលពីថ្ងៃទី១៨ ខែមិថុនា ឆ្នាំ ២០១៣ ។

លោកឧត្តមសេនីយ៍ទោ រ័ត្ន ស៊្រាង បានថ្លែងថា នេះជាការចាប់ផ្តើម លោកអនុញ្ញាតិឲ្យនាយ នាយរងពល អ ហ ដែលធាត់ និងដុះក្បាលពោះ ទាំងអស់យកចិត្តទុកដាក់ ហាត់សម្រកដោយខ្លួនឯង រយៈពេល ៥ ខែសិន ពេល ត្រួតពិនិត្យម្តងទៀតឃើញថា មិនស្រក លោកនឹងមានវិធានការ ប្រមូលអ្នកដុះក្បាលពោះទាំងនោះ មកហ្វឹកហាត់ ដោយមានគ្រូវិញម្តង ព្រោះថា ភាពធាត់ និងដុះក្បាលពោះកំប៉េងកំប៉ោង គ្មានភាពរហ័សរហួន មិនស័ក្កិសមជាង កងកម្លាំងប្រដាប់អាវុធនោះទេ ។