CNRP in Svay Rieng this Saturday, June 22

 

គង់ គាំ៖  «នយោបាយ ត្រជាក់ ស៊ីជ្រៅ របស់ វៀតណាម បង្កគ្រោះកម្ម ធ្ងន់ធ្ងរ ដល់កម្ពុជា។»
 

នៅថ្ងៃទី២២ ខែមិថុនានេះ គណបក្សសង្រ្គោះជាតិ បានរៀបចំ វេទិកាសា ធារណៈ ពេលព្រឹក នៅភូមិទួលស្តី ឃុំទួលស្តី ស្រុកចន្រ្ទា, និងពេលរសៀល នៅភូមិព្រៃតាអី ឃុំព្រៃតាអី ស្រុកស្វាយទាប ខេត្តស្វាយរៀង, ដែលពិធីនេះ ត្រូវ បានអញ្ជើញ ចូលរួម ដោយលោក គង់ គាំ ឧត្តមទីប្រឹក្សា គណបក្សសង្រ្គោះជាតិ, លោក រៀល ខេមរិន្រ្ទ ប្រធាន ក្រុមការងារខេត្ត, លោក គង់ សុភា អនុប្រធាន, លោក ញ៉យ ចម្រើន, រួមជាមួយ ថ្នាក់ដឹកនាំ មួយចំនួន ផ្សេងទៀត។ 

 

បន្ទាប់ពីពន្យល់ នូវគោលនយោបាយ ទាំង៧ចំណុច របស់ គណបក្សសង្រ្គោះជាតិ, លោក គង់ គាំ បានថ្លែងថា, នយោបាយ ការបរទេស របស់ រៀតណាម មកលើប្រទេសកម្ពុជា បច្ចុប្បន្ន, គឺ ជានយោបាយត្រជាក់ ស៊ីជ្រៅ ដោយលោកសំដៅ ដល់ការបើក សមាគមវៀតណាម នៅកម្ពុជា ការបណ្តាក់ទុន តាមរូបភាព សម្បទានដី ដាំដើមកៅស៊ូ ៩៩ឆ្នាំ ដែលនយោបាយនេះ បង្កគ្រោះកម្ម ធ្ងន់ធ្ងរ ដល់ប្រទេសកម្ពុជា។  ដូច្នេះ ដើម្បី សង្រ្គោះប្រទេសជាត ិយើងបាន មានតែ ប្រជាពលរដ្ឋខ្មែរ ទាំងអស់ រួមគ្នា ជាសម្លេង តែមួយ, បោះឆ្នោត ឲ្យគណបក្សសង្រ្គោះជាតិនៅ ថ្ងៃទី២៨ ខែកក្កដា ខាងមុខនេះ។