តំណាងរាស្ត្រ បក្សប្រឆាំង នឹងដាក់ពាក្យប្ដឹង ឲ្យបញ្ឈប់វិនាសកម្ម ព្រៃឈើ
 |
| សកម្មភាពកាប់បំផ្លាញព្រៃឈើរបស់ក្រុមហ៊ុនវៀតណាម ឈ្មោះ ហ័ង អាញ យ៉ាឡាយ (Hoang Anh Gia Lai) នៅកម្ពុជា ក្នុងអំឡុងឆ្នាំ២០១៣។ |
លោក សុន ឆ័យ មានប្រសាសន៍ថា, លោក បានប្រមូល ភស្តុតាង ជាច្រើន អំពី ការកាប់ព្រៃឈើ និងការរំលោភដី ប្រជាពលរដ្ឋ ជនជាតិដើមភាគតិ ចចារាយ និងទំពួន ដែលបង្កឡើង ដោយក្រុមហ៊ុនវៀតណាម ឈ្មោះ ហួង អាញ់ យ៉ាឡាយ (Hoang Anh Gia Lai = HAGL) និងក្រុមហ៊ុន វៀតណាម រ៉ាប់ប៊ឺ គ្រូប (Vietnam Rubber Group = VRG)។ លោក សុន ឆ័យ បញ្ជាក់ថា របាយការណ៍នោះ មានទាំងរូបថត, វីដេអូឃ្លីប, និងខ្សែអាត់សំឡេង, និងសាក្សីពលរដ្ឋ រងគ្រោះផ្ទាល់ ដែលត្រូវ ក្រុមហ៊ុនវៀតណាម រំលោភយកដី និងប្រើអំពើហិង្សា រឿងទំនាស់ដីធ្លី និងកាប់បំផ្លាញព្រៃឈើ ក្រោមរូបភាព វិនិយោគ ដីសម្បទាន សេដ្ឋកិច្ច។
ការគ្រោងដាក់របាយការណ៍ និងពាក្យបណ្ដឹងនេះ ធ្វើឡើង នៅបន្ទាប់ ពីលោក សុន ឆ័យ បានដឹកនាំ មន្ត្រីបក្សមួយក្រុម ទៅខេត្តរតនគិរី រយៈពេល ៤ថ្ងៃ ចាប់ពីថ្ងៃទី១៩ ដល់ថ្ងៃទី២២ ខែឧសភា ដើម្បី ធ្វើការស្រាវជ្រាវ អំពី ករណីកាប់ឈើនេះ។
អង្គការឃ្លាំមើលពិភពលោក (Global Witness) បានចេញរបាយការណ៍ នៅក្នុងខែឧសភា បានរកឃើញថា, មកដល់ចុង ឆ្នាំ២០១២ រដ្ឋាភិបាល បានជួលដី ជាលក្ខណៈ សម្បទានសេដ្ឋកិច្ច ចំនួន ២លាន ៦សែន ហិកតារ ទៅឲ្យក្រុមហ៊ុន ជាច្រើន។ ក្នុងនោះ ក្រុមហ៊ុនវៀតណាម ធំ២, គឺ ក្រុមហ៊ុន ហួង អាញ់ យ៉ាឡាយ ដែលមាន ទំនាក់ទំនង ជិតស្និទ្ធ ជាមួយ ឧកញ៉ា ទ្រី ភាព ទទួលបានជិត ៥ម៉ឺនហិកតារ (៤៧.៣៧០ហិកតារ)។ រីឯ ក្រុមហ៊ុន វៀតណាម រ៉ាប់ប៊ឺ គ្រូប ដែលអង្គការឃ្លាំមើលពិភពលោក សង្ស័យកំពុងរកស៊ី ជាដៃគូ ជាមួយអ្នកស្រី សេង គាង អតីតភរិយារបស់លោក ឌី ចូច ជាបងប្អូនជីដូនមួយរបស់លោកនាយករដ្ឋមន្ត្រី ហ៊ុន សែន ទទួលបានជាង ១សែន ៦ម៉ឺនហិកតារ (១៦១.៣៤៤ហិកតារ)។ ក្រុមហ៊ុនទាំងពីរនេះ កំពុងតែ មមាញឹក របរកាប់រានព្រៃ និងដឹកជញ្ជូនឈើ ចេញពីតំបន់សម្បទាន។
ប្រធានកម្មវិធីដីធ្លី នៃមជ្ឈមណ្ឌលអប់រំច្បាប់ សម្រាប់ សហគមន៍, លោក ជុំ ណារិន, មានប្រសាសន៍ នៅក្នុងនាទី វេទិកាអ្នកស្ដាប់វិទ្យុ អាស៊ីសេរី កាលពីរាត្រី ថ្ងៃទី២ មិថុនា ថា, ការផ្ដល់ដីសម្បទានសេដ្ឋកិច្ច ដែលធ្វើ ឲ្យប៉ះពាល់ ដល់ប្រជាពលរដ្ឋនោះ ជាការទទួលខុសត្រូវ របស់ រដ្ឋាភិបាល។
លោក សុន ឆ័យ អះអាងថា, លោក បានដាក់លិខិត អញ្ជើញរដ្ឋមន្ត្រី ក្រសួងកសិកម្ម និងតំណាង ក្រសួងមហាផ្ទៃ និងស្ថាប័នពាក់ព័ន្ធទៀត ឲ្យមកឆ្លើយបំភ្លឺ នៅរដ្ឋសភា នៅក្នុងកិច្ចប្រជុំ នៅថ្ងៃសុក្រ ទី៧ មិថុនា ចំពោះ ការផ្ដល់ ដីសម្បទានសេដ្ឋកិច្ចនេះ។
ទោះជាយ៉ាងនេះក្ដី រដ្ឋាភិបាល នៅតែ បន្តផ្ដល់ដីសម្បទានសេដ្ឋកិច្ច ឲ្យទៅក្រុមហ៊ុន ឯកជន ដដែល នៅក្នុងរយៈពេលថ្មីៗនេះ, ទោះបី ជារដ្ឋាភិបាល ធ្លាប់ប្រកាសថា, គោលនយោបាយ របស់ រដ្ឋាភិបាល ផ្ដល់ដីសម្បទានសេដ្ឋកិច្ចនេះ រដ្ឋាភិបាល បានផ្អាកហើយ ក៏ដោយ។
ឯកសារ ដែលវិទ្យុអាស៊ីសេរី ទទួលបាន, គឺ លោក ឡោ រស្មី, ជាអគ្គលេខាធិការ ក្រសួងកសិកម្ម រុក្ខាប្រមាញ់ និងនេសាទ យោងតាមចំណារ របស់ រដ្ឋមន្ត្រី ក្រសួងកសិកម្ម បានសម្រេច ឲ្យក្រុមហ៊ុន អឹម.ឌី.អេស (MDS) របស់ លោកឧកញ៉ា ទ្រី ភាព ទីប្រឹក្សា លោកនាយករដ្ឋមន្ត្រី ហ៊ុន សែន ប្រមូល និងកែច្នៃវល្លិរមៀត នៅក្នុងអាងស្តុកទឹក វារីអគ្គិសនីស្ទឹងអាតៃ ស្ថិតក្នុងជួរភ្នំ ក្រវាញ ភាគកណ្ដាល ស្រុកវាលវែង ខេត្តពោធិ៍សាត់ និងអនុញ្ញាត ឲ្យបង្កើត រោងចក្រ កែច្នៃរមៀត ដែលមិនធ្វើ ឲ្យប៉ះពាល់ ព្រៃឈើ និងបរិស្ថាន។
ទោះបីជាយ៉ាងនេះក្ដី អង្គការសង្គមស៊ីវិល មួយចំនួន មានបណ្ដាញយុវជនកម្ពុជា សម្ព័ន្ធសហគមន៍កសិករកម្ពុជា និងអង្គការមួយចំនួនទៀត បានចេញសេចក្ដីប្រកាសព័ត៌មានរួមគ្នា ស្ដីពីការព្រួយបារម្ភរបស់យុវជន ចំពោះវិនាសកម្មព្រៃឈើ។ អង្គការទាំងនេះនឹងប្រារព្ធទិវាបរិស្ថានពិភពលោកលើកទី៤១ នៅថ្ងៃទី៥ មិថុនា ក្រោមប្រធានបទស្ដីពីព្រៃឈើយើង បរិស្ថានយើង ដើម្បីបង្ហាញពីការព្រួយបារម្ភចំពោះវិនាសកម្មព្រៃឈើកំពុងកើតឡើង នៅកម្ពុជា ក្នុងរយៈពេលប៉ុន្មានចុងក្រោយនេះ ដែលកំពុងប៉ះពាល់បរិស្ថានយ៉ាងធ្ងន់ធ្ងរ។
ក្រុមអង្គការសង្គមស៊ីវិលទាំងនេះ ក៏គ្រោងដាក់ញត្តិទៅរដ្ឋសភា ដើម្បីទាមទារឲ្យរដ្ឋាភិបាលចាត់វិធានការចំពោះការការពារបរិស្ថាន និងត្រួតពិនិត្យទៅលើក្រុមហ៊ុនបានទទួលដីសម្បទានសេដ្ឋកិច្ច ដែលកំពុងប្រតិបត្តិការនៅកម្ពុជា កំពុងកាប់បំផ្លាញព្រៃឈើ ក្រោមរូបភាពដីសម្បទានសេដ្ឋកិច្ច សម្បទានរ៉ែ និងទាមទារឲ្យរដ្ឋាភិបាលបញ្ឈប់ផ្ដល់ដីសម្បទានសេដ្ឋកិច្ច សម្បទានរ៉ែ ចំពោះក្រុមហ៊ុនណាដែលមិនគោរពច្បាប់កម្ពុជា នោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
3 comments:
Ah Yuon doesn't cares about Cambodia that they destroyed,they come to get rich destroyed whatever in its path and get out wipe their hands clean and says Screw Cambodia and her citizens.
ចុះហេតុអ្វី អន្តរជាតិ នៅតែមើលមិនឃើញពីការ
បន្តកាប់សម្លាប់របស់យួន មកលើជនជាតិខ្មែរ
ដ៏ស្លូតត្រង់?
ឈប់ប្រើពាក្យពុត (ខ្មែរស្លូតត្រង់) ទៅ
ព្រោះខ្មែរសព្វថ្ងៃ
មានអាខ្មែរកាចហាវ ក្បាលយួនច្រើនណាស់!
អាខ្មែររន្ទះបាញ់ហ៊ុន សែន ក៏វាថាខ្លួនវាត្រង់ដែរ!
Post a Comment