Ruling Party Does Poorly in Evaluation of Campaign Promises

បក្សកាន់អំណាចមិនធ្វើតាមការសន្យាកាលពីឃោសនាបោះឆ្នោតលើកមុន

25.06.2013

ខុមហ្វែ្រល៖ ​គណបក្ស​កាន់​អំណាច​មិន​ធ្វើ​តាម​ការសន្យា​កាលពី​ឃោសនា​បោះឆ្នោត​លើក​មុន

ដោយ ស៊ុយ ហ៊ាមខេមរា VOA Khmer

អ្នកបោះឆ្នោត​ទាំងនេះ​ដែលភាគច្រើន​ជាយុវវ័យ​កំពុងតម្រង់​ជួរ​បោះឆ្នោត​ឃុំសង្គាត់​កន្លងទៅនេះ។​

 

គណបក្ស ​ប្រជាជន​កម្ពុជា​ដែល​កំពុង​កាន់អំណាច​មិនបាន​ធ្វើតាម​ការសន្យារ​បស់​ខ្លួន​ ទាល់តែសោះ​ឬ​បាន​បំពេញ​តាម​ការសន្យា​បាន​តិចតួច​បំផុត។ នេះ​បើតាម​លទ្ធផល​នៃ​ការស្ទង់មតិ​របស់​អង្គការ​ឃ្លាំមើល​ការបោះឆ្នោត ខុមហ្វ្រែល ​នៅ​ថ្ងៃ​ច័ន្ទ​នេះ។

មាន ​សិស្ស​និស្សិត ​មន្ត្រី​តំណាង​អង្គការ ​និង​មន្ត្រី​តំណាង​គណបក្ស​ប្រមាណ​ ៨០ ​នាក់​ត្រូវ​បាន​សាកសួរ​ក្នុង​ការស្ទង់មតិ​នេះ​ក្នុង​ទីក្រុង​ភ្នំពេញ​ ដើម្បី​ឲ្យ​ពួកគេ​វាយតម្លៃ​លើ​ការសន្យា​នានា​របស់​គណបក្ស​ប្រជាជន​កម្ពុជា​ ក្នុង​អំឡុងពេល​ឃោសនា​បោះឆ្នោត​កាលពី​ខែ កក្កដា ប្រាំ​ឆ្នាំ​មុននេះ។

ការសន្យា​ទាំង​នោះ​សរុប​ចំនួន​៤៨​ចំណុច​ រួម​មាន​ការសន្យា​លើ​ការពង្រឹង​សន្តិសុខ​និង​ស្ថិរភាព​នយោបាយ  ​លើកស្ទួយ​វិស័យ​សារព័ត៌មាន ​ការពង្រឹង​វិស័យ​យុត្តិធម៌​និង​ច្បាប់  ​អភិបាលកិច្ច​ល្អ​និង​ការការពារ​បូរណភាព​ទឹកដី ​ការអភិវឌ្ឍ​វិស័យ​កសិកម្ម ​គោរព​សិទ្ធិ​មនុស្ស ​ការថែរក្សា​ព្រៃឈើ ​និង​ធនធាន​ជលផល  ​ ការអភិវឌ្ឍ​ធនធាន​ទឹក ​ការជំរុញ​ការវិនិយោគ​ លើ​រ៉ែ​ប្រេងកាត​និង​រ៉ែផ្សេងៗ​ ការកសាង​ហេ​ដ្ឋា​រចនា​សម្ធ័ន្ធ ​ការសន្យា​លើ​ការបង្កើន​ថាមពល​អគ្គិសនី ​វិស័យ​សុខាភិបាល ​និង​ការអប់រំ​ដល់​ក្រុមយុវជន។

ចំនួន​៦៥% ​នៃ​អ្នកចូលរួម​និយាយ​ថា​គណបក្ស​កាន់អំណាច ​មិនបាន​បំពេញ​តាម​ទាល់​តែសោះ ​ឬ​បាន​បំពេញ​តិចតួច។

ស្រប​ពេលដែល ២៦%នៃ​អ្នកចូលរួម​បោះឆ្នោត​និយាយ​ថា​​គណបក្ស​កាន់អំណាច​ដ៏​រឹងមាំ​នេះ​បានធ្វើ​តាម​ការ​សន្យា​របស់​ខ្លួន​ខ្លះ​ដែរ។
 

ដោយ​ឡែក​៦% ​ក្នុង​ចំណោម​ប្រជាពលរដ្ឋ​ដែល​ត្រូវបាន​ស្ទង់​មតិ​និយាយ​ថា​គណបក្ស​ប្រជាជន​បាន​គោរព​ការសន្យា​របស់ខ្លួន​ជា​មធ្យម។

មានតែ​អ្នកចូលរួម​ប្រហែល​ ៣%​តែ​ប៉ុណ្ណោះ​អះអាង​ថា​គណបក្ស​ប្រជាជន​កម្ពុជា​បំពេញ​តាម​ការសន្យា​បាន​ច្រើន។
លោក គុល បញ្ញា ​នាយក​ប្រតិបត្តិ​គណៈកម្មាធិការ​ដើម្បី​ការបោះឆ្នោត​ដោយ​សេរី ​និង​យុត្តិធម៌ ​នៅ​កម្ពុជា ​ហៅថា ​ខុមហ្វ្រែល​លើកឡើង​ថា​ការស្ទង់មតិ​នេះ​ដើម្បី​ជាការ​ក្រើន​រំលឹក​មួយ​ដល់​ គណបក្ស​ដែល​កាន់អំណាច ​អំពី​ការសន្យា​របស់​ខ្លួន។
លោក​និយាយថា៖ «នេះ​ជា​របៀប​នៃ​ការពង្រឹង​នៃ​ការ​អនុវត្ត ​និង​ទំនួល​ខុសត្រូវ​របស់​រដ្ឋាភិបាល​ជាប់ឆ្នោត​នឹង​មន្ត្រី​ដែល​ជាប់ឆ្នោត»។
ទោះជា ​យ៉ាងណា​លោក​ផៃ ស៊ីផាន​ រដ្ឋលេខាធិការ​និង​ជា​អ្នកនាំពាក្យ​ទីស្តីការ​គណៈ​រដ្ឋមន្ត្រី​​របស់​គណបក្ស ​ប្រជាជន​កម្ពុជា​បាន​ហៅ​លទ្ធផល​ស្ទង់​មតិ​របស់​អង្គការ​ខុមហ្វ្រែល​នេះ​ថា​ មិនអាច​ទទួលយក​បានទេ។

«អ្វីដែល ​រដ្ឋាភិបាល​មាន​តួរ​លេខ​ច្បាស់​លាស់​ទាំង​វិស័យ​សេដ្ឋកិច្ច ​វិស័យ​សង្គមកិច្ច។ ហើយ​ក្នុង​លក្ខណៈ​នៃ​វិទ្យាសាស្ត្រ ​មិនមែន​ធ្វើឡើង​ដើម្បី​តែ​បំប៉ោង​សំឡេង​ប៉ុណ្ណោះ​ទេ»។
ទោះជា​យ៉ាងនេះ​ក្តី​លទ្ធផល​នៃ​ការស្ទង់​មតិ​ខាងលើ​ធ្វើឡើង​តែ​លើ​៣៤​ចំណុច​តែ​ប៉ុណ្ណោះ។​
លោក ​គល់ បញ្ញា ​បញ្ជាក់​ថា​១៤​ចំណុច​ផ្សេង​ទៀត​មាន​សូចនាករ​ច្បាស់លាស់ ​ហើយ​ខុមហ្វ្រែល​បាន​រកឃើញ​ថា​មានតែ​ ៥០%​នៃ​ចំណុច​ទាំងនោះ​ដែល​គណបក្ស​កាន់អំណាច​បាន​ជោគជ័យ​ច្រើន​ក្នុង​នោះ​មាន ​ការអភិវឌ្ឍ​សេដ្ឋកិច្ច ​ការលើកស្ទួយ​យេនឌ័រ ​កសាង​ហេដ្ឋា​រចនា​សម្ព័ន្ធ ​ការដំឡើង​ប្រាក់ខែ​ដល់​កម្មករ​និង​ការជំរុញ​ការវិនិយោគ​ទុន​ជាដើម។
ការស្ទង់ ​មតិ​នេះ​ធ្វើឡើង​បី​ថ្ងៃ​ប៉ុណ្ណោះ​មុននឹង​ការឃោសនា​បោះឆ្នោត​សម្រាប់​ អណត្តិ​ទី៥​ចាប់ផ្តើម។ លទ្ធផល​នៃ​ការស្ទង់​មតិ​នេះ​នឹងត្រូវ​ដាក់ជូន​ដល់​អង្គការ​នានា ​គណបក្ស​នយោបាយ ​ជាពិសេស​គណបក្ស​ប្រជាជន​កម្ពុជា​ហើយក៏​នឹងត្រូវ​ដាក់​បញ្ចូល​ក្នុង​ ប្រព័ន្ធ​ផ្សព្វផ្សាយ​សង្គម​ផងដែរ៕

25.06.2013

Ruling Party Does Poorly in Evaluation of Campaign Promises

 

by Suy Heimkhemra VOA Khmer

 

PHNOM PENH - University students and NGO representatives met on Monday to evaluate how well the ruling Cambodian People’s Party has kept its campaign promises from 2008, with a great majority saying they thought the CPP had done very little.

Two out of three participants said the ruling party had not done a good job keeping its promises from the 2008 campaign, after which the ruling party swept up 90 of 123 National Assembly seats. A handful of participants said the CPP had accomplished an “average” amount. No participants thought the CPP had done nearly all it had promised before that election.

The conference, which was organized by the Committee for Free and Fair Elections and included about 80 participants, comes ahead of the July 28 national elections, which will be preceded by a monthlong campaign period. Participants discussed 34 of 48 specific promises made by the ruling party in the run-up to the 2008 polls.

Koul Panha, executive director of Comfrel, said the evaluation should act as a reminder to politicians, especially those of the CPP, to be mindful of their promises. Results of the evaluation will be sent to other NGOs and ruling party officials and will be disseminated for further discussion on social media, he said.

Government spokesman Phay Siphan dismissed the evaluation, saying the selection sample was not a valid representation of the electorate.