លោក សម រង្ស៊ី អំពាវ​នាវ​ឲ្យ​​យុវជន​​ស្ម័គ្រ​ជួយ​ការពារ​កុំឲ្យ​មាន​ការ​លួច​សន្លឹកឆ្នោត

ដោយ ញ៉ែត ស្រី​ពៅ ថ្ងៃព្រហស្បតិ៍ ទី11 កក្កដា ឆ្នាំ2013 ម៉ោង18:02VOD

ប្រធាន​​គណបក្ស​សង្គ្រោះ​ជាតិ ​អំពាវ​នាវ​​ឲ្យ​​យុវជន​ដែល​ជា​អ្នកស្ម័ក្រចិត្ត​ក្នុង​ការ ជួយ​​ពង្រឹង​លិទ្ធិប្រជាធិបតេ​យ្យ​តាមរយៈ​ការបោះឆ្នោត​នៅ​ថ្ងៃ​ទី​២៨​​ខែ​​ កក្កដា​​​ខាង​មុខ​​នេះ​​ ឲ្យចូល​រួម​ធ្វើ​​ជា​អ្នកសង្កេតការណ៏ ​ដើម្បី​ការ​ពារ​​សន្លឹក​ឆ្នោតរ​បស់​បក្ស​នេះ​។​

​សេចក្តីអំពាវនាវ​របស់​​ លោក ​សម រង្ស៊ី​ ប្រធាន​​គណបក្ស​សង្គ្រោះ​ជាតិ ​ដែល​សំឡេង​​ប្រជាធិបតេយ្យ​ទទួល​បាន​នៅ​រសៀល​ថ្ងៃ​ព្រហស្បតិ៍​​​នេះ ​បាន​លើកឡើង​ថា ​ក្នុង​រយៈពេល​នៃ​យុទ្ធនាការ​ឃោសនា​បោះឆ្នោត​កន្លង​មកនេះ​ លោក​សង្កេត​ឃើញ​​ថា ​យុវជន​ជន​ជាតិ​​ខ្មែរ​នៅ​ទ​ទូទាំង​ប្រទេស​​ចូលរួម​យ៉ាង​សកម្ម​ នៅក្នុង​ក្បួន​យុទ្ធនាការ​ឃោសនា​បោះឆ្នោត​របស់​គណបក្ស​សង្គ្រោះ​ជាតិ​។

លោក​បន្ត​ថា​ ម្នាក់ៗ​បាន​សម្តែង​ទឹកចិត្ត​ជួយ​គាំទ្រ​បង្ហាញ​ពី​ស្មារតី​ស្រលាញ់​ជាតិ​ មាតុភូមិ ​និង​ប្រជាធិបតេយ្យ​នៃ​ប្រទេស​កម្ពុជា​។ ​ក្នុង​ន័យ​នេះ ​ប្រធាន​គណបក្សប្រឆាំង​ដែល​បាន​និរទេស​ខ្លួន​នោះ​ ទទូច​ឲ្យ​យុវជន​ពលរដ្ឋ​ខ្មែរ​ទាំងអស់​ដែល​គួរតែ​ចូលរួមចំណែក​ធ្វើ​ជា​អ្នក​ សង្កេតការណ៏​នៅ​ថ្ងៃ​បោះឆ្នោត​ដើម្បី​ការពារ​សន្លឹកឆ្នោត​ពី​ការប៉ុនប៉ង​លួ​ យ​បន្លំ​សន្លឹកឆ្នោត​។​

សូមជម្រាប​​ថា​ ចំពោះ​អ្នកចូលរួម​សង្កេត​ការណ៏​បោះឆ្នោត​ ​នៅ​ថ្ងៃ​ទី​២៨​ ខែកក្កដា​នេះ​ ​អង្គ​ការ​ឃ្លាំមើល​ការបោះឆ្នោត ខុម​ហ្វ្រែល គ្រោង​​ដាក់​អ្នកសង្កេតការណ៏​ប្រមា​ណ​១​ម៉ី​ន​នាក់​។ ​ចំណែក​អ្នកសង្កេតការណ៏ អន្តរជាតិ​មាន​តែ​៤០​នាក់​​ប៉ុណ្ណោះ​ ​មកទល់ពេលនេះ​៕