ហ៊ុន សែន និង ប៊ុន រ៉ានី លួចរត់ទៅប្រទេសថៃផ្ញើទ្រព្យ ចុងក្រោយ

ប៉ុន្មានថ្ងៃនេះប្រជាជនខ្មែរបានដាក់ចំងល់ពីអវត្តមាន ហ៊ុន សែន នៅក្នុងប្រទេស ហើយក៏មានលេចព័ត៌មានចរចាមអារាមជាច្រើនថា ហ៊ុន សែន និងប្រពន្ធបានរត់ទៅប្រទេសយួន។ តែតាមពិត ហ៊ុន សែន និងប្រពន្ធមិនបានទៅយួនទេ ហើយគេជឿថាព័ត៌មាននេះគឺបង្កើតឡើងដើម្បីបង្វែងដានអំពីដំណើរបស់លោក ហ៊ុន សែន តែប៉ុណ្ណោះ ដែលខ្មែរយើងនិយាយថា ញាក់ខាងកើត វាយខាងលិច ដែលល្បិចបែបនេះជាជំនាញរបស់ ហ៊ុន សែនមួយជីវិតហើយ។ ទាក់ទងរឿងនេះ ព័ត៌មានច្បាស់ការណ៍ពីមន្រ្តីជាន់ខ្ពស់បក្សប្រជាជនម្នាក់ ដែលបាន ផ្តល់មកថា លោក ហ៊ុន សែន និង ភរិយារបស់លោកបានធ្វើដំណើរមកប្រទេសថៃកាលពីថ្ងៃថ្ងៃ២៣ ខែកក្កដា កន្លងទៅនេះ គឺទៅផ្ទះលោក ថាក់ស៊ីន ស៊ីណាវ៉ាត្រា និងអ្នកស្រី យីង ឡាក់ស៊ីណាវ៉ាត្រា។ លោកហ៊ុន សែន បានប្រាប់ថ្នាក់ដឹកនាំបក្សប្រជាជនទាំងអស់ថាមក លំហែរកាយមួយរយៈមុនពេលបោះឆ្នោត។ តើយើងជឿថាលោក ហ៊ុន សែន នឹងទៅលំហែរកាយដូចលោកមន្រ្តីនោះបានផ្តល់ព័ត៌មានមកទេ? ។

ហើយហេតុអ្វីបានជាទៅប្រទេសថៃ? តាមយោបល់ពីអ្នកវិភាគនយោបាយឯករាជ្យម្នាក់សុំមិនបញ្ចេញឈ្មោះ បានថ្លែងថា ច្រករបស់លោក ហ៊ុន សែន នាពេលនេះមានតែប្រទេសបីទេ ដែលលោកត្រូវធ្វើដំណើរទៅកាន់។ ប្រទេសទាំងនោះគឺ៖ ១) ប្រទេសវៀតណាម៖ លោក ហ៊ុន សែន នឹងមកប្រទេសវៀតណាម បើសិនជាគាត់ត្រូវការពឹងពាក់អន្តរាគមន៍រឿងយុទ្ធសាស្រ្ត កំទេចដៃគូរប្រឆាំងឬសុំជំនួយកំលាំងណាមួយដើម្បីរក្សាអំនាចទប់ទល់និងប្រជាជនខ្មែរ ជាពិសេសបក្សប្រឆាំង។ តែពេលនេះវាហាក់បីដូចជាយឺតពេលហើយ ព្រោះមិនអាចទប់ចរន្តប្រជាជនខ្មែរបាន និងម្យ៉ាងទៀតវៀតណាមបានឃើញថា លោក ហ៊ុន សែនកំពុងតែបាត់បង់ការគាំទ្រយ៉ាងគំហុក និងថែមទាំងមានទំនាស់ជាមួយថ្នាក់ដឹកនាំផ្សេងៗក្នុងបក្សថែមទៀត។ ២) ប្រទេសចិន៖ លោក ហ៊ុន សែន អាចនឹងទៅប្រទេចិនមានតែរឿងមួយទេ គឺទៅសុំចិនឲ្យជួយសម្រួលជាមួយប្រទេសមហាអំណាចខាងសេរី កុំឲ្យដាក់ សម្ពាធន៍បន្ថែមទៀតមកលើខ្លួន។ ពោលមានតែចិនទេដែលអាចជួយលោក ហ៊ុន សែន បានចំពោះរឿងនេះ។ ៣) ប្រទេសថៃ៖ លោក ហ៊ុន សែន ទៅថៃមានតែរឿងម្យ៉ាងទេ គឺរឿងទ្រព្យសម្បត្តិ។ លោក ហ៊ុន សែន ប្រហែលជាបានប្រមូលព្រទ្យសម្បត្តិចុងក្រោយនេះទៅឲ្យលោក ថាក់ ស៊ីន ជួយដាក់នៅធនាគារ និងលាងលុយទាំងនោះសម្រាប់អនាគតរបស់លោក និងគ្រួសារ។ សូមបញ្ជាក់ថាពេលវេលាបែបនេះគ្មានប្រទេសណា ហ៊ានទទួលទ្រព្យសម្បត្តិលោក ហ៊ុន សែន ទេ គឺមានតែ លោក ថាក់ស៊ីន តែប៉ុណ្ណោះ ដែលអាចជួយលោក ហ៊ុន សែនបាន ព្រោះលោកថាក់ ស៊ីន មានបទពិសោធន៍ក្នុងរឿងនេះ និងក៏ជាមិត្តរបស់លោក ហ៊ុន សែន តែមួយគត់ដែលអាចពឹងពាក់បាននាពេលនេះដែរ។ លោក ហ៊ុន សែន ពេលនេះក៏មិនទុកចិត្តយួនដែរ ហើយតាមមើលគាត់ក៏មានអារម្មណ៍ឆ្អែតឆ្អល់នឹងការប្រមាថរបស់វៀតណាមនមកលើរូបគាត់ដែរក្នុងរយៈពេលជាង៣០ឆ្នាំមកនេះ ហើយគាត់ក៏ដឹងខ្លួនដែរថាបើគាត់អស់អំណាចគាត់មិនអាចទៅរស់នៅ ប្រទេសវៀតណាមបានទេគឺ ពោលមានតែលេងក្បួនដូចលោក ថាក់ស៊ីនទេ ទើបអាចរស់បាន។ តាមការវិភាគខាងលើ យើងគិតថាមានហេតុផលសមរម្យ ហើយយើងមិនដឹង ថាលោក ហ៊ុន សែន នឹងវិលត្រលប់មកបោះឆ្នោតវិញ ឬក៏អត់នោះទេ។ អត្ថបទដោយ៖ ភ្នាក់ងារ