ដកឆ្កែអង្គែស៊ី ដាក់ឆ្កែកាច ទុកបន្លាចម្ចាស់ឆ្នោតពេលប្រកាស​សន្លឹក​ឆ្នោត?

ដក​តំណែង​មេ​បញ្ជារ​ការ​អាវុធ​ហត្ថ​ក្នុង​រឿង​កូដកម្ម​ហឹង្សា​នៅ​ស្ទឹង​មាន​ជ័យ

Tuesday, 30 July 2013

ប៊ុត រស្មីគង្គា

ភ្នំពេញប៉ុស្តិ៍

ពលរដ្ឋនៅស្ទឹងមានជ័យប៉ះទង្គិចជាមួយកងអាវុធហត្ថ ដុត​កម្ទេច​រថយន្ត​អស់​ពីរ​គ្រឿង​កាល​ពី​ថ្ងៃ​អាទិត្យ។ រូបថត ស្រេង ម៉េងស្រ៊ុន

ភ្នំពេញៈ ប្រភព ​ព័ត៌មាន​ពី​មន្ត្រី​អាវុធ​ហត្ថ​រាជធានី​ភ្នំពេញ បាន​ឲ្យ​ដឹង​ថា នៅ​ព្រឹក​ថ្ងៃ​អង្គារ៍ ទី ៣០ ​កក្កដា​នេះ ថា លោក​ឧត្តម​សេនីយ៍​ឯក យ៉ា គឹមអ៊ី មេ​បញ្ជា​ការ អាវុធហត្ថ​រាជធានី​ភ្នំពេញ និង ជា​មេបញ្ជាការ​រង នៃ កង​រាជ​អាវុធ​ហត្ថ​លើ​ផ្ទៃ​ប្រទេស ត្រូវ​បាន​ដក​ហូត​ពី​តំណែង ជា​មេញ្ជាការ អាវុធ​ហត្ថ​រាជធានី​ភ្នំពេញ បណ្តោះ​អាសន្ត ដោយ​សារ​តែ មាន​ការ​ធ្វេស​ប្រហែស និង មាន​កំហុស​ឆ្គង​ក្នុង​ការ​ទប់​ស្កាត់​កូដកម្ម នៅ​ខាង​មុខ ការិយា​ល័យ​បោះ​ឆ្នោត​នៅ​ស្ទឹង​មាន​ជ័យ ដែល​បណ្តាល​ឲ្យ​មាន​ការ​វាយ​កម្ទេច និង ដុត រថយន្ត​អាវុធ​ហត្ថ​ចំនួន ២​គ្រឿង កាល​ពី​រសៀល​ថ្ងៃ​អាទិត្យ ទី២៨ ខែ​កក្កដា​ដែល​ជា​ថ្ងៃ​បោះ​ឆ្នោត​ជាតិ។

ប្រភព ​បាន​បន្ត​ថា ដើម្បី​ជំនួស​តំណែង​របស់​លោក​ឧត្តម​សេនីយ៍​ឯក យ៉ា គឹមអ៊ី ខាង​លើ​នេះ លោក​ឧត្តម​សេនីយ៍​ឯក វង្ស ពិសេន ​ដែល​បច្ចុប្បន្ន​មាន​តួនាទី ជា​នាយ​សេនាធិ​ការ និង ជា​មេ​បញ្ជាការ​រង នៃ កង​រាជ​អាវុធ​ហត្ថ​លើ​ផ្ទៃ​ប្រទេស ត្រូវ​បាន​​តែង​តាំង​ឲ្យ​ទៅ​កាន់​តួនាទី​ជា​មេញ្ជាការ នៃ​កង​អាវុធហត្ថ​រាជធានី​ភ្នំពេញ ជា​បណ្តោះ​អាសន្ត។

ទោះ ​ជា​យ៉ាង​ណា​ក្តី លោក​ឧត្តម​សេនីយ៍​ត្រី ខេង ទីតូ អ្នក​នាំ​ពាក្យ នៃ​កង​រាជ​អាវុធហត្ថ​លើ​ផ្ទៃ​ប្រទេស បាន​ថ្លែង​ប្រាប់​ភ្នំពេញ ប៉ុស្តិ៍​ថា រហូត​មក​ទល់​ពេល​នេះ លោក​ពុំ​ទាន់​បាន​ឃើញ​លិខិត​ស្នាម​ នៃ ការ​ដក​តួនាទី​របស់​លោក​ឧត្តម​សេនីយ៍​ឯក យ៉ា គឹមអ៊ី នៅ​ឡើយ​ទេ។ ​តែ លោក​បាន​បញ្ជាក់​ថា ការ​ដែល លោក​ឧត្តម​សេនីយ៍​ឯក វង្ស ពិសេន ត្រូវ​បាន​តែង​តាំង​ឲ្យ​មក​កាន់ កង​អាវុធ​ហត្ថ​រាជធានី​ភ្នំពេញ​នេះ គឺ​គ្រាន់​តែ ដើម្បី​មក​ជួយ​លោក យ៉ា គឹមអ៊ី ជា​បណ្តោះ​អាសន្ន

ក្នុង​ការ​ងារ​រក្សា​សន្តិ​សុខ និង ស្ថេរ​ភាព ក្នុង​អំឡុង​ពេល​បោះ​ឆ្នោត​រាប់ និង​ប្រកាស​សន្លឹក​ឆ្នោត​តែ​ប៉ុណ្ណោះ។