ភ្នំពេញៈ
ក្រសួងការបរទេសអាមេរិកកាលពីថ្ងៃចន្ទបានអំពាវនាវឲ្យអាជ្ញាធរ
កម្ពុជាធ្វើការស៊ើបអង្កេតពេញលេញទៅលើ
«រាល់របាយការណ៍ដែលអាចជឿជាក់បាន»
អំពីការក្លែងបន្លំនៅក្នុងការបោះឆ្នោតជាតិ។
ក្រសួងការបរទេសអាមេរិកបានសម្តែងក្តីបារម្ភដោយសារតែបញ្ហាកើតឡើង
ទាំងនៅថ្ងៃបោះឆ្នោត និងមុនការបោះឆ្នោត។
នៅក្នុងសន្និសីទកាសែតខ្លីមួយនៅទីក្រុង វ៉ាស៊ីនតោន
អ្នកនាំពាក្យក្រសួងការបរទេសអាមេរិក លោកស្រី Jen Psaki
បានសរសើរប្រជាជនកម្ពុជា«ចំពោះការចូលរួមយ៉ាងសកម្មនិងដោយសន្តិភាព
»នៅក្នុងការបោះឆ្នោតនេះ
មុនថ្លែងទៅដល់ការអំពាវនាវសុំឲ្យមានការពិនិត្យទៅលើបញ្ហាមួយ
ចំនួននៅក្នុងដំណើរការបោះឆ្នោតនិងអំពាវនាវឲ្យមានការស៊ើបអង្កេតទៅ
លើភាពមិនប្រក្រតី។
ការអំពាវនាវនេះបានកើតមានភ្លាមៗបន្ទាប់ពីគណបក្សប្រឆាំងនិង
សង្គមស៊ីវិលបានធ្វើការអំពាវនាវរបស់ខ្លួនសុំឲ្យមានការស៊ើប
អង្កេតដូចគ្នានោះដែរ។
លោកស្រី Jen Psaki បានថ្លែងបន្តថា៖
«យើងបានអំពាវនាវជាប់ជានិច្ចឲ្យរាជរដ្ឋាភិបាលកម្ពុជាដោះស្រាយ
គុណវិបត្តិជាប្រព័ន្ធគុណវិបត្តិជាប្រព័ន្ធមានដូចជា
បញ្ហាចុះឈ្មោះអ្នកបោះឆ្នោត
និងលទ្ធភាពមិនស្មើភាពគ្នាចំពោះប្រព័ន្ធផ្សព្វផ្សាយ»។
«យើងអំពាវនាវឲ្យមានការស៊ើបអង្កេតតម្លាភាពនិងពេញលេញទៅលើរាល់
របាយការណ៍ដែលអាចជឿជាក់បានចំពោះភាពមិនប្រក្រតីដែលកើតឡើងនៅ
ក្នុងដំណើរការបោះឆ្នោត»។
លោកស្រី Jen Psaki បានបន្តទៀតថា
ក្រសួងការបរទេសសហរដ្ឋអាមេរិកនឹង«តាមដានយ៉ាងដិតដល់»
ទៅលើព័ត៌មានដែលផ្សព្វផ្សាយដោយគណៈកម្មាធិការជាតិរៀបចំការ បោះឆ្នោត
និងបានសង្កត់ធ្ងន់ថា ការស៊ើបអង្កេតណាមួយក៏ដោយ
ត្រូវតែមានលក្ខណៈសមរម្យមួយដែលអាចជឿជាក់បានដោយប្រជាជនកម្ពុជា។
បើទោះជាគណបក្សសង្គ្រោះជាតិនិងអង្គការសង្គមស៊ីវិល
បានអំពាវនាវឲ្យមានការបង្កើតស្ថាប័នស៊ើបអង្កេតឯករាជ្យ
មានសមាសភាពចូលរួមពីភាគីពាក់ព័ន្ធទាំងអស់
អ្នកនាំពាក្យស្ថានទូតអាមេរិកប្រចាំនៅក្រុង ភ្នំពេញ លោក Sean
McIntosh បានថ្លែងថា ៖ «ជាគំនិតល្អ វាគួរតែជា គ.ជ.ប»
ដែលធ្វើការស៊ើបអង្កេតនេះ។ តែទោះយ៉ាងណាក្តី លោក Sean McIntosh
បានបន្ថែមថា
ស្ថានទូត«កំពុងប្រាប់ទៅកាន់សង្គមស៊ីវិលដើម្បីប្រមូលគំនិតរបស់ពួក
គេផងដែរហើយ...កំពុងទទួលបានព័ត៌មានច្រើនឡើង»។
លោកស្រី មូរ សុខហួរ អ្នកតំណាងរាស្រ្តគណបក្សសង្គ្រោះជាតិ
បានថ្លែងកាលពីម្សិលមិញថា
គណបក្សនឹងនៅស្នើសុំឲ្យមានគណៈកម្មការឯករាជ្យនៅក្នុងលិខិតមួយ
ផ្ញើទៅ គ.ជ.ប នៅថ្ងៃនេះប៉ុន្តែបានបន្ថែមថា
លោកស្រីមានសេចក្តីរីករាយជាមួយនឹងជំហររបស់អាមេរិក។ លោកស្រី
ថ្លែងថា៖
«សហរដ្ឋអាមេរិកឈរលើលទ្ធិប្រជាធិបតេយ្យក្នុងដំណើរការបោះឆ្នោតសេរី
និងយុត្តិធម៌ហើយអាមេរិកតែងតែប្រកាន់ជំហរបែបនេះ
យើងគាំទ្រជំហរនោះរបស់អាមេរិក»។
ការទូរស័ព្ទជាបន្តបន្ទាប់ទៅអ្នកនាំពាក្យនៃទីស្តីការគណៈរដ្ឋ
មន្ត្រី លោក ផៃ ស៊ីផាន និងលោក ឯក ថា មិនទទួលបានការឆ្លើយតបទេ
កាលពីម្សិលមិញ
ខណៈអ្នកនាំពាក្យអង្គភាពព័ត៌មាននិងប្រតិកម្មរហ័សនៃទីស្តីការ
គណៈរដ្ឋមន្រ្តីលោក ទិត សុធា បានបដិសេធមិនធ្វើអត្ថាធិប្បាយ
ដោយថ្លែងថា «ជាប់រវល់»។
លោកស្រី Catherine Ashton
នៃការិយាល័យតំណាងជាន់ខ្ពស់របស់សហភាពអឺរ៉ុបសម្រាប់កិច្ចការបរទេស
បានចេញសេចក្តីថ្លែងការណ៍មួយកាលពីថ្ងៃចន្ទលើកឡើងថា
ការបោះឆ្នោតនេះរាងមានសភាពស្ងប់ស្ងាត់។
ប៉ុន្តែសេចក្តីថ្លែងការណ៍នេះបន្តថា៖ «ទោះជាយ៉ាងណាក្តី
តំណាងជាន់ខ្ពស់របស់សហភាពអឺរ៉ុបមានការសោកស្តាយដែលអាជ្ញាធរ
មិនបានចាត់វិធានការចាំបាច់ទាំងឡាយដើម្បីដោះស្រាយបញ្ហាមួយចំនួន
ដូចជាការធ្វើឲ្យប្រសើរឡើងនូវភាពជឿជាក់បាន
ចំពោះបញ្ជីឈ្មោះអ្នកបោះឆ្នោតការធានាឲ្យមានលទ្ធភាពស្មើភាពគ្នា
ចំពោះប្រព័ន្ធផ្សព្វផ្សាយ
និងការការពារមិនឲ្យមានការប្រើធនធានរដ្ឋរួមមានដូចជា
ការប្រើក្នុងសកម្មភាពឃោសនាការបោះឆ្នោតដោយមន្រ្តីរាជការ និងយោធា»។
ឯកអគ្គរដ្ឋទូតសហភាពអឺរ៉ុបប្រចាំកម្ពុជា លោក Jean-Francois Cautain
បានបដិសេធមិនធ្វើអត្ថាធិប្បាយអំពីថា
តើសហភាពអឺរ៉ុបនឹងគាំទ្រការស៊ើបអង្កេតប្រភេទនេះ ឬយ៉ាងណា
បន្ទាប់ពីមានការអំពាវនាវដោយសហរដ្ឋអាមេរិក។
ស្ថានទូតបារាំងក៏បានបដិសេធមិនផ្តល់អត្ថាធិប្បាយដូចគ្នាដែរ
អំពីការស៊ើបអង្កេតនេះ បើទោះបីជាអ្នកនាំពាក្យស្ថានទូតនេះ លោក
Nicolas Baudouin នៅក្នុងអ៊ីមែលកាលពីម្សិលមិញបានសម្តែងនូវ
«ការសោកស្តាយដែលមានឧប្បត្តិហេតុមួយចំនួនបានកើតឡើង»
ហើយបានអំពាវនាវឲ្យភាគីទាំងអស់ «ដោះស្រាយជម្លោះតាមផ្លូវច្បាប់
និងដោយសន្តិវិធី»៕ PS
រាយការណ៍បន្ថែមដោយៈ KEVIN PONNIAH
3 comments:
Hun Sen puts security guards to block the streets leading to his house in PP.
The truth is these pitiful guards are protecting the empty house without Hun Sen and his family in it. It is just a decoy.
His family and he are hiding in their many other houses in Cambodia or they may not be even in the country.
Guards if you see Hun Sen, turn your guns toward him instead of to the innocent people. You have let him using you long enough.
TO ALL REPORTERS,
FOR ANY ISSUES RELATED TO CAMBODIAN POLITICAL DOWNFALL, PLEASE DO NOT ASK MR. PHAY SIPHAN FOR COMMENTS BECAUSE HE MAY REVERSE YOUR QUESTIONS OR ALL HE HAS TO SAY IS "WAY PRAHA". THANK YOU.
ការសង្ឃឹមអំពីជ័យជម្នៈរបស់គណបក្សសង្គ្រោះជាតិ
គឺជាការសង្ឃឹមខ្យល់លើមេឃតែប៉ុណ្ណោះ!
ពួកនេះសុទ្ធតែជាពួកកាន់មាត់បាវអោយចោរ
និងជាអ្នកជួយទប់ជើងគ្រែអោយអា ហ៊ន សែន!
ហើយពួកប្រឆាំងផ្កាប់មុខទាំងនេះគឺគ្មានបំណងធ្វើការ
ផ្លាស់ប្តូរពិតប្រាកដទេ ក្រៅពីកៅអី និងងារជាឯកឧត្ដមតែប៉ុណ្ណោះ។
Post a Comment