ទំនាស់ផ្ទៃក្នុងរបស់ CPP កំពុងរោលរាលការបែកបាក់ ព្រោះមន្ត្រីធំៗអស់ជំនឿលើ ហ៊ុន សែន

ដោយ៖ ដួង សុខា | ថ្ងៃអង្គារ ទី30 ខែកក្កដា ឆ្នាំ2013, ម៉ោង 10:13 AM VOD
លោកនាយករដ្ឋមន្ត្រី ហ៊ុន សែន នៅថ្ងៃឃោសនាបោះឆ្នោតដំបូង (រូបថត ពេជ្រ សុធារី)
គណបក្សប្រជាជនកម្ពុជា (CPP) កាលពីថ្ងៃចន្ទម្សិលមិញ បដិសេធពាក្យចចាមអារាមថា លោក ហ៊ុន សែន អនុប្រធានគណបក្ស និងជានាយករដ្ឋមន្ត្រី នីតិកាលទី៤ នៃរដ្ឋសភា បានចេញទៅបរទេស និងលាឈប់ពីមុខតំណែងនាយករដ្ឋមន្ត្រី។ សេចក្តីថ្លែងការណ៍ របស់គណៈកម្មាធិការកណ្តាលគណបក្សប្រជាជនកម្ពុជា ចុះថ្ងៃទី២៩ ខែកក្កដានេះ ចាត់ទុកថា ពាក្យចចាមអារ៉ាមនេះជាសង្គ្រាមចិត្តសាស្ត្រមួយ ដើម្បីបំពុលបរិយាកាសសង្គម។ សេចក្តីថ្លែងការណ៍ បញ្ជាក់ថា លោក ហ៊ុន សែន កំពុងស្ថិតនៅក្នុងប្រទេស និងបំពេញមុខតំណែងជានាយករដ្ឋមន្ត្រី ធម្មតា។

គណបក្សកាន់អំណាច ក៏បានប្រកាសជាថ្មីម្តងទៀត អរគុណដល់ប្រជាពលរដ្ឋ ដែលបានបោះឆ្នោតឲ្យគណបក្សឈ្នះឆ្នោត ទទួលបានអាសនៈលើសពីភាគច្រើនដាច់ខាត ដែលអាចឲ្យគណបក្សបង្កើតរាជរដ្ឋាភិបាលថ្មីបាន ស្របតាមរដ្ឋធម្មនុញ្ញ ហើយលោក ហ៊ុន សែន នឹងបន្តធ្វើជានាយករដ្ឋមន្ត្រី នៃរដ្ឋាភិបាលអាណត្តិទី៥ទៀត។

ប៉ុន្មានម៉ោងក្រោយការបោះឆ្នោត កាលពីថ្ងៃទី២៨ ខែកក្កដានេះ គណបក្សប្រជាជនកម្ពុជា បានប្រកាសលទ្ធផលបោះឆ្នោតបណ្តោះអាសន្ន ដែលខ្លួនបូកសរុប ថាទទួលបានអាសនៈរដ្ឋសភាចំនួន៦៨ ក្នុងចំណោមអាសនៈទាំង១២៣។ ចំណែក គណបក្សសង្គ្រោះជាតិទទួលបាន៥៥អាសនៈ៕

សូមសរសេរមកកាន់លោក ដួង សុខា តាមរយៈ duong_sokha@vodhotnews.com</div>

លោកនាយករដ្ឋមន្ត្រី CPP ច្រានចោលពាក្យចចាមអារ៉ាមថា លោក ហ៊ុន សែន លាឈប់ពីតំណែងនាយករដ្ឋមន្ត្រី ដោយ៖ ដួង សុខា | ថ្ងៃអង្គារ ទី30 ខែកក្កដា ឆ្នាំ2013, ម៉ោង 10:13 AM VOD លោកនាយករដ្ឋមន្ត្រី ហ៊ុន សែន នៅថ្ងៃឃោសនាបោះឆ្នោតដំបូង (រូបថត ពេជ្រ សុធារី) គណបក្សប្រជាជនកម្ពុជា (CPP) កាលពីថ្ងៃចន្ទម្សិលមិញ បដិសេធពាក្យចចាមអារាមថា លោក ហ៊ុន សែន អនុប្រធានគណបក្ស និងជានាយករដ្ឋមន្ត្រី នីតិកាលទី៤ នៃរដ្ឋសភា បានចេញទៅបរទេស និងលាឈប់ពីមុខតំណែងនាយករដ្ឋមន្ត្រី។ សេចក្តីថ្លែងការណ៍ របស់គណៈកម្មាធិការកណ្តាលគណបក្សប្រជាជនកម្ពុជា ចុះថ្ងៃទី២៩ ខែកក្កដានេះ ចាត់ទុកថា ពាក្យចចាមអារ៉ាមនេះជាសង្គ្រាមចិត្តសាស្ត្រមួយ ដើម្បីបំពុលបរិយាកាសសង្គម។ សេចក្តីថ្លែងការណ៍ បញ្ជាក់ថា លោក ហ៊ុន សែន កំពុងស្ថិតនៅក្នុងប្រទេស និងបំពេញមុខតំណែងជានាយករដ្ឋមន្ត្រី ធម្មតា។ គណបក្សកាន់អំណាច ក៏បានប្រកាសជាថ្មីម្តងទៀត អរគុណដល់ប្រជាពលរដ្ឋ ដែលបានបោះឆ្នោតឲ្យគណបក្សឈ្នះឆ្នោត ទទួលបានអាសនៈលើសពីភាគច្រើនដាច់ខាត ដែលអាចឲ្យគណបក្សបង្កើតរាជរដ្ឋាភិបាលថ្មីបាន ស្របតាមរដ្ឋធម្មនុញ្ញ ហើយលោក ហ៊ុន សែន នឹងបន្តធ្វើជានាយករដ្ឋមន្ត្រី នៃរដ្ឋាភិបាលអាណត្តិទី៥ទៀត។ ប៉ុន្មានម៉ោងក្រោយការបោះឆ្នោត កាលពីថ្ងៃទី២៨ ខែកក្កដានេះ គណបក្សប្រជាជនកម្ពុជា បានប្រកាសលទ្ធផលបោះឆ្នោតបណ្តោះអាសន្ន ដែលខ្លួនបូកសរុប ថាទទួលបានអាសនៈរដ្ឋសភាចំនួន៦៨ ក្នុងចំណោមអាសនៈទាំង១២៣។ ចំណែក គណបក្សសង្គ្រោះជាតិទទួលបាន៥៥អាសនៈ៕ សូមសរសេរមកកាន់លោក ដួង សុខា តាមរយៈ duong_sokha@vodhotnews.com