អាស៊ុកជ្រៀតជ្រែកទៀតហើយ (ដោយ អ៊ុម ហាក់)

អាស៊ុកជ្រៀតជ្រែកទៀតហើយ

ដោយ អ៊ុម ហាក់ ថ្ងៃទី២៣​សីហា​២០១៣

   ម្តងទៀតហើយ មហាអំណាចចិនបានលូកដៃដែលដិតដាមដោយឈាមខ្មែរស្លូតត្រង់​​

វាល់លាននាក់ ជ្រៅចូលបញ្ហាផ្ទៃក្នុងរបស់ខ្មែរ។ ​មុននេះបន្តិចរដ្ធាភិបាលចិនបានថ្លែង

សរសើរដល់ជ័យជំនះរបស់គណបក្សប្រជាជនកុម្មុយនិស្តក្នុងការបោះឆ្នោតសកលក្នុង​​

ស្រុកខ្មែរដែលទើបបានប្រព្រឹត្តកាលពីថ្ងៃ២៨ ខែកក្កដា ឆ្នាំ២០១៣ថ្មីៗនេះ។

   គេឆ្ងល់ថាម្តេចក៏ចិនដឹងថាបក្សប្រជាជនឈ្នះឆ្នោត កាលបើគណកម្មាធិការជាតិរៀបចំ

ការបោះឆ្នោតមិនទាន់ទាំងបានប្រកាសលទ្ធផលជាផ្លូវការផងនោះ? ថ្មីៗនេះលោក វ៉ាង-យី

រដ្ធមន្រ្តីការបរទេសចិនបានត្រូវរដ្ធាភិបាលខ្លួនបញ្ជូនមកធ្វើទស្សនកិច្ចស្រុកខ្មែរទាំងតក់ក្រ

ហល់ ជួបនឹងរដ្ធមន្រ្តីការបរទេសខ្មែរលោក ហោ-ណាំហុង ព្រមទាំងនាយករដ្ធមន្រ្តីចាំផ្ទះ

លោក ហ៊ុន-សែនផងដែរ នាពេលដែលលទ្ធផលនៃការបោះឆ្នោតប្រទាញប្រទង់គ្នានៅ

ឡើយ។ រដ្ធមន្រ្តីការបរទេសចិនថែមទាំងបានព្រមានមិនឲ្យប្រទេសណាជ្រៀតជ្រែកបញ្ហា

ផ្ទៃក្នុងរបស់ខ្មែរថែមទៅទៀត។ ចុះការដែលចិនទទួលស្គាល់ជ័យជំនះរបស់បក្សប្រជាជន

មុនពេលប្រកាសលទ្ធផលផ្លួវការនោះ តើចិនកំពុងធ្ចើអ្វីដែរបើមិនមែនជាការជ្រៀតជ្រែក

ផ្ទៃក្នុងរឿងខ្មែរទេនោះ? លោកវ៉ាង-យី បានអះអាងដូចនេះទៀតថា ចិននៅពីក្រោយកម្ពុជា

ជួយការពារកម្ពុជាទុបស្កាត់នូវអំពើជ្រៀតជ្រែកពីខាងក្រៅ។

   សំដីអាស៊ុក ( អុ្នកនិពន្ធជំនាន់ដើមធ្លាប់ហៅចិនថាអាស៊ុកអីចឹង ) បែបនេះធ្វើឲ្យខ្ញុំនឹក

ឃើញរឿងដើមរាប់ត្រឹមពីជំនាន់ ម៉ៅ-សេទុង ជូ-អេនឡាយ។ លើកនេះក៏មិនខុសពីលើក

មុនៗដែរ។ តាំងតែពីចិនមានគ្នា៧០០លាន រហូតដល់ឥឡូវមានគ្នាជាង១៣០០លានទៅ

ហើយ អាស៊ុកនៅតែសន្យាដដែលៗថានៅពីក្រោយខ្មែរជាដរាប ប្រហែលក្នុងន័យថាបើ

ត្រូវស្លាប់ឲ្យខ្មែរស្លាប់មុនទៅចុះ។

   ពេលនេះជាពេលដែលពលរដ្ធខ្មែរសុំរកតែយុត្តិធម៌ប៉ុននោះ ចង់ឃើញការពិតថាតើគណ

បក្សណាដែលឈ្នះឆ្នោតពិតប្រាកដ។ អាស៊ុកមិនគួរប្រញាប់ប្រញាល់ការពារកូនចៅខ្លួន

លឿនពេកទេ។ ជាការពិតណាស់ដែលមិនមានការបោះឆ្នោតទេនៅស្រុកអាស៊ុក តែខ្ញុំក៏

មិនជឿថាអាស៊ុកមិនដឹងថានៅពិភពលោកសេរីគេរៀបចំការបោះឆ្នោតយ៉ាងណានោះក៏

ទេដែរ។ អាស៊ុកពិតជាដឹងហើយថានៅប្រទេសសេរី កាលណាបើមានលទ្ធផលប្រកៀក

ប្រកិតគ្នា គេតែងតែស្វែងរកអ្នកឈ្នះរៀងខ្លួនជួនកាលបង្ខំឲ្យមានការរាប់សន្លិកឆ្នោតឡើង

វិញឬក៏បោះឆ្នោតជាថ្មីនៅណ្ឌលខ្លះដែលគេរកឃើញថាមិនប្រក្រតី។

   ពេលនេះជាពេលដែលពលរដ្ធខ្មែរដ៏កំសត់កំពុងប្រឹងប្រែងស្វែងរកថាតើគណបក្សណា

ឈ្នះឆ្នោតពិតប្រាកដ សូមអាស៊ុកនៅស្ងៀមមួយសន្ទុះសិនបានឬទេ?។ មួយវិញទៀតអា

ស៊ុកមិនគួរហាមគេហាមឯងកុំឲ្យលូកពាងស្ករខ្មែរ ក្នុងខណ:ដែលដៃប្រឡាក់ឈាមរបស់

អាស៊ុកជាប់ក្នុងពាងស្ករខ្មែរបែបនេះ។ នៅទីបញ្ចប់អាស៊ុកក៏ល្មមជឿជាក់ហើយថា​ នៅ

ស្រុកខ្មែរ ទោះជារដ្ធាភិបាលចេញមកពីបក្សណាក៏ដោយក៏មិនអាចយកចិនជាសត្រូវបាន​ឡើយ។ អាស៊ុកអាចគោរពឆន្ទ:របស់រាស្រ្តខ្មែរផងបានទេ?។ សុំប៉ុននេះអាស៊ុកទទួលបានឬ

ទេ?។ រីឯបញ្ហាចិននឹងយួននោះ វាមិនមែនជាតួនាទីរបស់យើងនៅពេលនេះទេ។

   ស្វាគមន៍មតិផ្សេង!!!