ប្រតិកម្ម​ចំពោះ​គម្រោង​ប្រកាស​លទ្ធផល​ឆ្នោត​បណ្តោះអាសន្ន​របស់​គ.ជ.ប

........................................
ក្រុម​អង្គការ​សង្គមស៊ីវិល​នៃ​បន្ទប់ស្ថានការណ៍​ ថ្ងៃ​បោះឆ្នោត​ ឆ្នាំ​២០១៣​ បាន​សម្តែង​ការខកចិត្ត​ជាខ្លាំង​ ចំពោះ​ការសំរេច​របស់​គណៈកម្មាធិការជាតិ​រៀបចំការបោះឆ្នោត​ (គ.ជ.ប)​ ក្នុងការប្រកាស​លទ្ធផល​បោះឆ្នោតបណ្តោះអាសន្ន​ មុន​មាន​ការស៊ើបអង្កេត​ប្រកប​ដោយតម្លាភាព​ និង​ឯករាជ​ អំពី​ភាពមិនប្រក្រតី​យ៉ាងច្រើន​ នៃ​ដំណើរការ​បោះឆ្នោត​ និង​ដោយ​ពុំមាន​ការផ្ទៀងផ្ទាត់​អំពី​តួលេខ​ខុសគ្នា​នៃ​លទ្ធផលឆ្នោត​ ដែល​ផ្តល់​ដោយ​ គណបក្ស​សង្គ្រោះជាតិ​ និង​គណបក្សប្រជាជនកម្ពុជា។

ដោយ តាំង សារ៉ាដា 2013-08-11 RFA
សេចក្តីថ្លែងការណ៍​របស់​ក្រុមសង្គមស៊ីវិល​ទាំង​៤០ស្ថាប័ន​ នៃ​បន្ទប់ស្ថានការណ៍​ថ្ងៃបោះឆ្នោត​ ឆ្នាំ២០១៣​ ចេញផ្សាយ​នៅថ្ងៃទី​ ១២ ​ខែសីហា​ គូសបញ្ជាក់ថា​ សេចក្តីសំរេចនេះ​ ដែល​ធ្វើឡើង​ក្នុងតំណាក់កាល​ចរចារគ្នា​រវាង​គណបក្ស​ទាំងពីរនេះ​ មិនត្រឹមតែ​មិនបាន​ដោះស្រាយ​អ្វីទេ​ ផ្ទុយទៅវិញ​ វាកាន់តែ​បង្កើន​នូវ​ភាពតានតឹង​ក្នុងចំណោម​ម្ចាស់ឆ្នោត​។ ការប្រកាស​លទ្ធផល​បោះឆ្នោត​បណ្តោះអាសន្ន​ របស់​គ.ជ.ប​ ក្នុងកាលៈទេសៈ​តានតឹង​ដូច្នេះ​ អាចនាំ​ឲ្យ​ប្រទេសជាតិ​ឈាន​ទៅរក​អស្ថិរភាព។
សេចក្តីថ្លែងការណ៍បានរំលឹកដល់គ.ជ.ប អំពីសេចក្តីថ្លែងរបស់អ្នករាយការណ៍របស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា​ ដែលបានទទួលស្គាល់ថា៖ «ប្រសិនបើ ដំណើរការបោះឆ្នោតធ្វើឡើងមិនផ្អែកលើការពិត និងការជឿទុកចិត្ត​ពីម្ចាស់ឆ្នោត​ទេនោះ​ មូលដ្ឋានគ្រឹះ​នៃស្ថាប័ន​នយោបាយ​ និង​រដ្ឋធម្មនុញ្ញ​ នៃ​ប្រទេស​កម្ពុជា​ ដែល​បង្កើតឡើង​ដោយ​កិច្ចព្រមព្រៀង​សន្តិភាព​ទីក្រុងប៉ារីស​ នឹងត្រូវ​រង្គោះរង្គើ​ ហើយ​ប្រទេសកម្ពុជា​អាចនឹង​ជួប​វិបត្តិ​នយោបាយ​ និង​ធ្លាក់​ទៅក្នុង​ស្ថានភាព​នៃការប្រើ​អំពើហិង្សា​៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។