 |
| លោក William E. Todd ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា |
ថ្ងៃទី 25 សីហា 2013, ម៉ោង 07:06:AM) | ដោយ: លោក William E. Todd
ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា
ភ្នំពេញ: តាំងពីការបោះឆ្នោតមក សំណួរជាច្រើនដែលខ្ញុំបានទទួលបង្ហាញអោយឃើញការចាប់អារម្មណ៍ខ្លាំងក្នុងចំណោមមិត្តអ្នកអានលើការស្វែងយល់ថា តើកម្ពុជាអាចធ្វើដូចម្តេចបានក្នុងការដើរទៅមុខជាមួយនឹងកំណែទំរង់សំខាន់ៗ មិនមែនត្រឹមតែទៅលើប្រព័ន្ធបោះឆ្នោតតែប៉ុណ្ណោះទេ តែថែមទាំងក្នុងវិស័យជាគន្លឹះដទៃទៀតផងដែរ។ តាមមតិរបស់ខ្ញុំ ការមានរដ្ឋាភិបាលថ្មីមួយគឺជាឱកាសល្អសំរាប់ដាក់ចេញនូវកំណែទំរង់ដែលនាំមកនូវការចូលរួម និងឱកាសផ្នែកសេដ្ឋកិច្ចកាន់តែច្រើនឡើង សំរាប់ប្រជាជនកម្ពុជាទាំងអស់។
បន្ថែមលើការកែទំរង់ប្រជាធិបតេយ្យដ៏មានន័យ វាមានការចាំបាច់ក្នុងការកែទំរង់ដែលផ្តោតទៅលើការឆ្លើយតបចំពោះតំរូវការផ្នែកសេដ្ឋកិច្ចសំរាប់ប្រជាពលរដ្ឋកម្ពុជាទាំងអស់ ជាពិសេសយុវជន ស្ត្រីនិង ពលរដ្ឋក្រីក្រដែលជាផ្នែកដ៏សំខាន់។ តាមការសិក្សាស្រាវជ្រាវជាច្រើនបានបង្ហាញអោយឃើញថា វាមានការទាក់ទងគ្នាទៅវិញទៅមករវាងអារម្មណ៍មិនសប្បាយចិត្តរបស់យុវជនដែលគេគិតថា គេមិនបានទទួល នូវចំណែកស្មើភាពនៃការរីកចំរើនផ្នែកសេដ្ឋកិច្ចរបស់ប្រទេស និងការជំរុញអោយមានការផ្លាស់ប្តូររបស់ ពួកគេ។ ខ្ញុំជឿជាក់ថា នេះជាឱកាសមួយសំរាប់គណបក្សដ៏សំខាន់ទាំងពីរនៅក្នុងប្រទេសកម្ពុជា ដើម្បី ធ្វើការរួមគ្នានិងយល់ព្រមលើកំណែទំរង់សេដ្ឋកិច្ចនិងប្រជាធិបតេយ្យ ដែលអាចនាំទៅដល់ការចូលរួមនិង ឱកាសសំរាប់ប្រជាពលរដ្ឋទាំងអស់ ដោយផ្តល់អោយក្រុមយុវជន អ្នកក្រីក្រ និងស្រី្តភេទនូវចំណែកនៃភាព ជោគជ័យផ្នែកសេដ្ឋកិច្ចដែលមានការរីកចំរើន។
ក្នុងពេលកន្លងមកក្នុងសបា្តហ៍នេះ ខ្ញុំមានការលើកទឹកចិត្តដោយដឹងថា តំណាងរបស់គណបក្សប្រជាជនកម្ពុជានិងគណបក្សសង្គ្រោះជាតិកម្ពុជា បានជួបគ្នាកាលពីថ្ងៃអង្គារកន្លងទៅនេះដើម្បីពិភាក្សាពីផ្លូវត្រូវដើរទៅមុខ ថ្វីបើភាគីទាំងពីរបានបាត់បង់ឱកាសដោយមិនអាចឈានដល់កិច្ចព្រមព្រៀងមួយក្តីស្តីពី ការស៊ើបអង្កេតភាពមិនប្រក្រតីក្នុងការបោះឆ្នោតដែលត្រូវបានរាយការណ៍។ វានៅតែជាការសំខាន់ចាំបាច់ ដែលភាគីទាំងពីរត្រូវត្រឡប់មកតុចរចា ហើយធ្វើការជាមួយគ្នាដើម្បីសំរេចបាននូវលទ្ធផលមួយ ដែលបំរើ ឧត្តមប្រយោជន៍របស់ប្រជាជនកម្ពុជា។ ថ្វីបើដំណើរទៅមុខអាចយឺតមែន តែខ្ញុំសង្ឃឹមថាភាគីទាំងពីរអាច ជំនះបានលើការខ្វែងគំនិតគ្នា អនុវត្តដំណើរការស៊ើបអង្កេតប្រកបដោយតំលាភាពនិងយុត្តិធម៌ ហើយដើរ ទៅមុខជាមួយនឹងរបៀបវារៈកែទំរង់ដែលផ្តល់ប្រយោជន៍ដល់ប្រទេសកម្ពុជា។ រហូតដល់ពេលនេះ ខ្ញុំតែង តែលើកទឹកចិត្តដល់គណបក្សទាំងពីរនិងអ្នកគាំទ្ររបស់គេ អោយរក្សាភាពស្ងប់ស្ងាត់និងសន្តិភាព ហើយ បន្តកិច្ចពិភាក្សាគ្នាតទៅទៀត។
ទាក់ទងនឹងរឿងមួយទៀត មិត្តអ្នកអានម្នាក់បានសួរថា “ខ្ញុំបានដឹងថា បុគ្គលិកជនជាតិខ្មែរនៅសាលាក្តីខ្មែរក្រហមមិនបានទទួលប្រាក់ខែ ហើយគេអាចនឹងត្រូវចាកចេញពីការងាររបស់គេ។ ខ្ញុំបានបាត់បង់សមាជិកគ្រួសារជាច្រើននៅសម័យខ្មែរក្រហម ហើយចង់ឃើញយុត្តិធម៌សំរាប់ពួកគេ។ តើសហរដ្ឋអាមេរិកអាចធ្វើដូចម្តេចបានដើម្បីដោះស្រាយបញ្ហានេះ?”។ នេះជាសំណួរសំខាន់មួយដោយយោលទៅលើការវិវត្តថ្មីៗជាមួយសាលាក្តីនេះ ហើយនិងការជិតមកដល់នៃការបញ្ចប់ដំណាក់កាលដំបូងក្នុងការកាត់ទោសមេដឹកនាំខ្មែរក្រហម ខៀវ សំផន និងនួន ជា។
រដ្ឋាភិបាលសហរដ្ឋអាមេរិកមានមោទនភាពដោយបានផ្តល់អំណោយដល់សាលាក្តីខ្មែរក្រហម ដែលគេស្គាល់ជាផ្លូវការថាជាអង្គជំនុំជំរះវិសាមញ្ញក្នុងតុលាការកម្ពុជា (ECCC) ។ នៅក្រោមកិច្ចព្រមព្រៀងជាមួយអង្គការសហប្រជាជាតិដែលបានបង្កើត ECCC នេះឡើង សហគមន៍អន្តរជាតិបានប្តេជ្ញាផ្តល់ជំនួយថវិកាសំរាប់ប្រតិបត្តិការរបស់តុលាការនេះខាងផ្នែកសហប្រជាជាតិ ចំណែកប្រទេសកម្ពុជាព្រមទទួលខុសត្រូវលើការចំណាយ និងប្រាក់ខែរបស់បុគ្គលិកផ្នែកខាងកម្ពុជានៃ ECCC ឬមួយតាមរយៈវិភាគទានបានពីថវិកាជាតិ ឬមួយតាមរយៈអំណោយពីអ្នកផ្តល់អំណោយដទៃទៀត។ ការធ្វើបែបនេះផ្តល់អោយទាំងរដ្ឋាភិបាលកម្ពុជា ទាំងសហគមន៍អន្តរជាតិនូវស្មារតីម្ចាស់ការយ៉ាងសកម្ម នៅក្នុងតុលាការនេះ។ ដូច្នេះ វាជាការសំខាន់ណាស់ដែលភាគីទាំងពីរត្រូវបំពេញតួនាទី និងការប្តេជ្ញារបស់ខ្លួនផ្នែកថវិកា។
ក្នុងពេលប៉ុន្មានខែកន្លងមកនេះ ខ្ញុំមានកង្វល់ចំពោះសេចក្តីរាយការណ៍មកថាមាន “វិបត្តិថវិកា” នៅខាងភាគីកម្ពុជា។ កង្វះថវិកាបានធ្វើអោយបុគ្គលិកជនជាតិខ្មែរមិនអាចទទួលប្រាក់ខែរបស់គេបាន ដោយពេលខ្លះ ការមិនបានទទួលម្តងៗមានរាប់ខែ ដែលជាការធ្វើអោយគេមានការពិបាកក្នុងការចិញ្ចឹមគ្រួសាររបស់គេ។ ភាពមិនប្រាកដប្រជាចំពោះមុខពួកគេ ដែលកំពុងខិតខំធ្វើការដើម្បីស្វែងរកយុត្តិធម៌សំរាប់ជនរងគ្រោះដោយអំពើព្រៃផ្សៃរបស់ពួកខ្មែរក្រហម គំរាមកំហែងបំផ្លាញដំណើរការរបស់តុលាការ ។ តែការវិវត្តវិជ្ជមានមួយក្នុងពេលថ្មីៗនេះគឺថា តំណាងជាន់ខ្ពស់របស់ក្រុមប្រឹក្សារដ្ឋមន្ត្រីកំពុងអមដំណើរអ្នកជំនាញពិសេសរបស់អង្គការសហប្រជាជាតិ ក្នុងដំណើររៃអង្គាសប្រាក់ទៅកាន់ប្រទេសចំនួន ៥ ក្នុងសមាគមអាស៊ាន។
ខ្ញុំសូមសរសើររាជរដ្ឋាភិបាលចំពោះចំណាត់ការនេះដើម្បីស្វែងរកជំនួយពីប្រទេសដទៃសំរាប់ភាគីកម្ពុជានៃតុលាការនេះ។ ការខិតខំដំបូងៗគឺជាការចាប់ផ្តើមល្អក្នុងការធ្វើការដើម្បីធានាអោយមានស្ថេរភាពថវិកាដែលចាំបាច់សំរាប់ជោគជ័យរបស់តុលាការ។ បន្ទាប់មក រដ្ឋាភិបាលកម្ពុជាត្រូវមានការប្តេជ្ញាចិត្តជាប់លាប់មួយក្នុងការរកប្រាក់ជាបន្ត ដែលទំនងជាតំរូវអោយមានការរៃអង្គាសពីម្ចាស់អំណោយថ្មីៗផង ការរួមចំណែកថវិកាពីខ្ទង់ថវិកាជាតិរបស់រដ្ឋាភិបាលផង។ ថ្វីបើការខិតខំបែបនេះគឺជាការពិបាកក្តី តែវាជាឱកាសល្អប្រសើរមួយសំរាប់អោយរាជរដ្ឋាភិបាលកម្ពុជាស្តែងចេញនូវការប្តេជ្ញាចិត្តរបស់ខ្លួនចំពោះយុត្តិធម៌ និតិរដ្ឋ និងការបំពេញកាតព្វកិច្ចជាអន្តរជាតិរបស់ខ្លួន។
ស្ថានទូតសហរដ្ឋអាមេរិកនៅតែជាអ្នកគាំទ្រយ៉ាងរឹងមាំចំពោះការខិតខំរបស់រាជរដ្ឋាភិបាលកម្ពុជា ព្រមទាំងការខិតខំរបស់អង្គការសហប្រជាជាតិ និងអ្នកពាក់ព័ន្ធដទៃទៀត ដើម្បីធានាអោយ ECCC ដំណើរការបានត្រឹមត្រូវ។ យើងជឿថា ការដែល ECCC អាចបំពេញបានតាមការសន្យារបស់ខ្លួនជាយានសំរាប់ជំរុញយុត្តិធម៌ និតិរដ្ឋ និងការផ្សះផ្សាជាតិ គឺមានសារៈសំខាន់ណាស់សំរាប់ប្រទេសកម្ពុជា។
នៅទីបញ្ចប់ ខ្ញុំមានសេចក្តីរីករាយសូមប្រកាសថា ទំព័រ Facebook របស់ស្ថានទូត (www.facebook.com/us.embassy.phnom.penh) នៅពេលនេះមានអ្នកចូលចិត្ត “Like” ចំនួន ជាង ១០០ ០០០ (មួយសែន)នាក់ ហើយខ្ញុំសូមអរគុណចំពោះអ្នកអានខ្ទង់សារព័ត៌មាននេះ ដែលបាន ផ្តល់មតិនិងចំលើយតបសំរាប់យើងប្រើប្រាស់ មិនត្រឹមតែក្នុង Facebook ប៉ុណ្ណោះទេ តែក៏នៅក្នុងគេទំព័រ Twitter និង Blog របស់ខ្ញុំផងដែរ។ ខ្ញុំសង្ឃឹមថា យើងនឹងទទួលបានអ្នកចូលចិត្ត “Like” ចំនួន ២០០ ០០០ (ពីរសែន)នាក់ នៅឆ្នាំក្រោយក្នុងពេលនេះ ដូច្នេះសូមបន្តផ្ញើសំណួរនិងមតិយោបល់។ ដូចធម្មតា លោកអ្នកអាចទាក់ទងខ្ញុំតាម អ៊ីម៉េល AskAMBToddPP@state.gov៕
5 comments:
Jendhamuni, English version too please.
ចិន ជាមេខ្លោងនិងចៅហ្វាយធំនៃរបបចោរហារយ ម៉្លោះហើយរឿងអ្វីៗ បើគ្មានបញ្ជាពីចិន ឬ យួន
ទេ របបខ្មែរក្រហមទី២ភ្នំពេញ គឺពិតអសម្ថភាព
ទាំងស្រុង។សូមគាំទ្រនូវមតិរបស់លោក William
E. Todd ឯកអគ្គរដ្ឋទូតសហរដ្ឋអាមេរិកប្រចាំ
ព្រះរាជាណាចក្រកម្ពុជា!។
Please request that China withdraw its statement. The statement that they said they would side with the ruling cpp and help this party with any outside involvement is in itself an act of interference.
They should support for a fair and neutral approach to resolve these complaints of vote irregularities.
សូមអរគុណចំពោះមតិរបស់លោក William
Todd ឯកអគ្គរដ្ឋទូតសហរដ្ឋប្រចាំប្រទេសកម្ពុជា។
យើងខ្ញុំត្រេកអរណាស់ដែលសហរដ្ឋ និង ប្រទេស
ខាងលិចមួយចំនួនមានសុភវិនិច្ឆ័យដ៍ត្រឹមត្រូវមកលើបញ្ហារបស់កម្ពុជាបច្ចុប្បន្ននេះ ហើយ នៅតែ
គាំទ្រ និង នៅពីក្រោយពួកយើងជានិច្ច ។
យើងខ្ញុំយល់ឃើញថា លោកឯកអគ្គរដ្ឋទូត ដែល
នៅប្រចាំក្នុងប្រទេសកម្ពុជា លោកបានឃើញ និង ដឹងច្បាស់ អំពីការដឹកនាំរបស់ពួគគណៈបក្សកាន់អំ
ណាចគន្លងមក ។ តើវាត្រូវនឹងរបបលទ្ធិប្រជាធិប
តិយ្យដែលសហគមអន្តរជាតិចង់បានឬទេ ? តើវា
ត្រូវនឹងអ្វីដែលបានចែងនៅក្នុងកិច្ចព្រមព្រៀងទី
ក្រុងប៉ារិសដែរឬទេ ? ។
និយាយឲចំទៅ របបភ្នំពេញសព្វថ្ងៃគឺរបបផ្តាច់
ការមួយជ្រកក្រោមផ្លាកយីហោ ប្រជាធិបតិយ្យ ហើយ ដែលមានលំនាំ ដូចកាលពីដើមទសវត្សត៍
ទី ៦០ ដល់ចុងទសវត្សត៍ទី៦០ អញ្ចឹង ។ គឺអ្វី ៗ
សុទ្ធតែក្រោមរណបរបស់យួនខាងជើង និង ចិន
កុម្មុយនិស្តទាំងអស់ ។
កាលណោះ គ្មានទេអ្នកវិនិយោគ ពាណិជ្ជកម្ម និង ជំនួយរបស់សហរដ្ឋអាមេរិក និង ប្រទេស
សេរីមួយចំនួនផ្សេងទៀត ។ ការទំនាក់ទំនង
អ្វី ៗ សុទ្ធតែបានត្រូវផ្តាច់អស់ នៅមានតែជាមួយ
ចិន និង យួន តែប៉ុណ្ណោះ ។
ពេលនេះចិន និ យួនក៍ចង់ធ្វើដូចកាលណោះទៀត
ដើម្បីដណ្តើមយកប្រទេសកម្ពុជាដូចកាលពីឆ្នាំ ១៩៧៥ ដល់ ១៩៨៩ ។ មើលចុះ តើមានអ្នកវិនិ
យោគធំ ៗ មកពិប្រទេសខាងលិចបានប៉ុន្មានអ្នក
ដែរ នៅក្នុងប្រទេសកម្ពុជាសព្វថ្ងៃ ? ។ មានតែ
ចិន និង យួនទេដែលអាចធ្វើកើត តើហេតុអ្វី
ដែរ ? សូមជួយពិចារណាផង ។
ដូច្នេះ យើងខ្ញុំជាកូនខ្មែរ និង ជាម្ចាស់ស្រុក យល់
ឃើញថា បើចង់ឲលទ្ធិប្រជាធិបតិយ្យពិតប្រាកដ
មាននៅក្នុងប្រទេសកម្ពុជា និង បានគង់វង់ តាម
ការចង់បានរបស់សហគមអន្តរៈជាតិ ដែលបានចំ
ណាយប្រាក់ជាច្រើន ដើម្បីផ្លាស់ប្តូររបបនៅកម្ពុជា
កាលណោះនោះ គឺត្រូវតែមានរដ្ឋាភិបាលមួយ
ដែលមានសមាជិកសុទ្ធតែស្រឡាញ់ និង ប្រកាន់
លទ្ធិប្រជាធិបតិយ្យពិតប្រាកដ ។ មានទំនាក់
ទំនងជិតស្និទជាមួយប្រទេសកាន់លទ្ធិប្រជាធិប
តិយ្យ និង គោរពគោលការណ៍ និង ច្បាប់លទ្ធិប្រ
ជាធិបតិ្យយឲបានខ្ជាប់ខ្ជួន ទើបបាន ។ បើពុំនោះ
ទេ ប្រទេសកម្ពុជានឹងធ្លាក់ចូលទៅក្នុងកណ្តាប់ដៃ
បាតដៃប្រឡាក់ឈាមកុម្មុយនិស្តទៀត ដល់ពេល
នោះ មានតែរស្រ្គខ្មែរទេដែលទទួលរងគ្រោះ ។
ដូច្នេះ សូមលោកដែលជាតំណាងសហរដ្ឋ ជួយ
អញ្ចើញ សហគមអន្តរៈជាតិទាំងអស់ និង អង្គការ
សហប្រជាជាតិ ជួយរកយុត្តិធម៌ក្នុងការដោះស្រាយ
បញ្ហាមិនប្រក្រតីនៃការបោះឆ្នោតនេះផង ទើបកម្ពុ
ជាអាចរកលទ្ថីប្រជាធិបតិយ្យពិតប្រាកដឃើញ។ ។
Mr. William E. Todd
You have done a great job in order to bring democracy to our Khmer people.
You're absolutely our Khmer hero.
We really appreciate for your time and concern.
Khmer USA
Post a Comment