No more Hun Xen's cronies in Cambodia!

ចៅរបស់ ហ៊ុន សែន អាយុទើប ១៥ ឆ្នាំនៅរៀនឯ អូស្រ្តាលី មិនដែលចូលសមរភូមិតែពាក់សក្តិ ២! តើកងទ័ពជាតិនៅ សមរភូមិយកជីវិតទៅប្តូរបានអ្វីមកវិញ? 

Posted on August 22, 2013 by KPPM News

របបដឹកនាំដោយ ហ៊ុន សែន ដែលយកជីវិតកងទ័ពកងកម្លាំងប្រដាប់អាវុធ ធ្វើជាក្រុម ទាសករបម្រើគ្រួសារខ្លួនឯងនោះគឹបានបង្ហាញច្បាស់ តាមរយៈការ ដំឡើងបុណ្យសក្តិ អោយកូនចៅរបស់ខ្លួន មានឋានន្តរសក្តិ ក្នុងជួរកងទ័ពខ្ពស់ៗ ដោយមិនចាំបាច់ឆ្លងកាត់ សមរភូមិ យកជីវិតទៅប្តូររងគ្រាប់រំសេវ ។

ដោយមិនបាច់និយាយពី ហ៊ុន ម៉ាណែត កូនច្បងរបស់ ហ៊ុន សែន ដែលឡើងឋានៈជា ឧត្តមសេនីយ៍ផ្កាយ ៣ និងកូនប្រុសម្នាក់ ហ៊ុន ម៉ានី ដែលឡើងឋានៈជាឧត្តមសេនីយ៍ ផ្កាយ ២ នោះយើងនិយាយតែពីចៅជីដូនមួយម្នាក់របស់ ហ៊ុន សែន ដែលមិនទាន់ទាំង គ្រប់អាយុវផង ទើបតែអាយុ ១៥ ឆ្នាំ ជាកូនរបស់ ហ៊ុន ចន្ធូ (កូនស្រីរបស់ ហ៊ុន ណែង) និង ឌី វិជ្ជា (ជាកូនប្រសារបស់ ហ៊ុន សែន ប្តីរបស់ ហ៊ុន ម៉ាណា បច្ចុប្បន្ន) ឈ្នោះ ហ៊ុន បញ្ចបុត្រ (យកត្រកូល ហ៊ុន តាមខាងម្តាយ) ដែលបច្ចុប្បន្ននេះកំពុងរៀនបៅប្រទេស អូស្រ្តាលីនោះ ក៏ត្រូវបានបំពាក់សក្តិជា អនុសេនីយ៍ទោ (សក្តិ ២) ក្នុងកងទ័ពផងដែរ ។

ឋានៈរបស់ ហ៊ុន បញ្ចបុត្រ ចៅបង្កើតរបស់ ហ៊ុន ណែង និងជាចៅជីដូនមួយរបស់ ហ៊ុន សែន ដែលពាក់សក្តិ ២ នេះវាគឹជាមើលងាយនិងប្រមាថដល់ជីវិតកងទ័ពជាតិខ្មែរដែល ពួកគាត់បានកំពុងយកជីវិតទៅប្តូរនៅសមរភូមិ តើពួកគាត់បានអ្វី? គ្រប់ពេលប្រទេស ជាតិមានសង្គ្រាម ជីវិតរបស់យុទ្ធជនខ្មែររាប់ពាន់នាក់សុទ្ធតែបានពលីកម្មដើម្បីជាតិ តែ មិនដែលបានទទួលការតបស្នងពីសំណាក់ក្រុមអ្នកនយោបាយ ដែលជាអ្នកដឹកនាំ ប្រទេសជាតិនោះទេ។ ផ្ទុយទៅវិញ ពួកមេដឹកនាំដែលមិនដំកល់ជាតិនៅពីលើក្បល នោះបានយកកងទ័ពធ្វើជាទាសករទុកបម្រើ ការពារក្រុមគ្រួសារបស់ខ្លួន ហើយយក ធ្យូងលាបមុខកងទ័ពអោយយកកាំភ្លើងមកបាញ់សម្លាប់ពលរដ្ឋខ្មែរ ក្នុងករណីដែលមាន ការតវ៉ាអ្វីមួយពីសំណាក់ពលរដ្ឋខ្មែរ ។ នេះជានយោបាយដឹកនាំប្រទេសរបស់ពួកអ្នក ក្បត់ជាតិ ពួកចោរលួចជាតិ ដែលកំពុងតែដឹកនាំប្រទេសបម្រើយួន បច្ចុប្បន្ននេះ។

ដូច្នោះសូមកងទ័ពខ្មែរនៅទូទាំងប្រទេស គិតពិចារណាឡើងវិញថា តើយុទ្ធមិត្តរបស់ យើងដែលកំពុងស្ពាយកាំភ្លើងឈរជើងនៅសមរភូមិ នាពេលបច្ចុប្បន្ននេះ ពួកមេដឹកនាំ ក្បត់ជាតិបច្ចុប្បន្នមើលឃើញដែរឬទេ? កុំថាឡើយដល់ទៅបាយទឹកម្ហូបចំណី និងប្រាក់ ខែ ដែលមិនអាចចិញ្ចឹមគ្រួសារអោយបានរស់នៅសមជាមនុស្ស សូម្បីតែពេលប្តីឈឺ រហូតស្លាប់ក៏គ្មានប្រាក់ធ្វើបុណ្យអោយប្តី ដែលជាកងទ័ពនៅក្នុងមុខដំណែងផង។ នេះ ហើយជាសង្គមពុករលួយ បក្ខពួក គ្រួសារនិយម ដែលធ្វើនយោបាយនិងដឹកនាំបម្រើយួន មិនមែនបម្រើខ្មែរនោះ ។

កូនចៅរបស់ពួកគេឡើងបុណ្យសក្តិ តាមជើងខោរឪពុក កុំថាឡើយដល់ទៅជាកូន បង្កើត សូម្បីត្រឹមតែចៅជីដូនមួយ អោយតែមានត្រកូល ហ៊ុន ហើយមិនទាន់គ្រប់អាយុ ដូចជា ហ៊ុន បញ្ចបុត្រ នេះក៏ដោយ ក៏គេអាចដំឡើងបុណ្យសក្តិ ដើម្បីអោយកូនចៅពួក គេមានអំណាចប្រើប្រាស់កំភ្លើងយកសម្លុតគំរាមគេឯង ជាពលរដ្ឋតាមអំពើចិត្តទាំង មិនដែលស្គាល់ច្បាប់វិន័យកងទ័ពយ៉ាងដូចម្តេច?

ដូច្នោះកងទ័ពជាតិខ្មែរ សូមភ្ញាក់រលឹកឡើង យើងរួមគ្នាជាមួយពលរដ្ឋនិងយុវជនខ្មែរ ធ្វើការផ្លាស់ប្តូររបបដឹកនាំ និងមេដឹកនាំ បច្ចុប្បន្ននេះចេញ ដើម្បីរំដោះសេរីភាពពលរដ្ឋ ទាមទារការឯករាជ្យជាតិ និងរកយុត្តិធម៌ជូនពលរដ្ឋខ្មែររបស់យើង ៕

(រូបភាពកងទ័ពខ្មែរនៅសមរភូមិ)