 |
| លោក សម រង្ស៊ី ថ្លែងនៅក្នុងសន្និសីទកាសែតបដិសេធលទ្ធផលបោះឆ្នោត កាលពីថ្ងៃអាទិត្យម្សិលមិញ។ រូបថត ម៉ៃ វីរៈ |
មាស សុខជា និង ABBY SEIFF 09 SEPTEMBER 2013 ភ្នំពេញប៉ុស្តិ៍
ភ្នំពេញៈ គណបក្សប្រឆាំងបានសន្យាធ្វើមហាបាតុកម្ម និងធ្វើពហិការក្នុងអង្គប្រជុំបើករដ្ឋសភា កាលពីម្សិលមិញ គឺក្នុងរយៈពេលប៉ុន្មានម៉ោងបន្ទាប់ពីគណៈកម្មាធិការជាតិរៀបចំ ការបោះឆ្នោត បានចេញផ្សាយពីលទ្ធផលបោះឆ្នោតចុងក្រោយ ដែលបញ្ជាក់ថា គណបក្សប្រជាជនកម្ពុជាគឺជាគណបក្សឈ្នះឆ្នោត។
លទ្ធផលបាន ឲ្យដឹងថា គណបក្សប្រជាជនកម្ពុជាបាន ៦៨ អាសនៈ ចំណែកឯគណបក្សសង្គ្រោះជាតិបាន ៥៥ អាសនៈ ជាលទ្ធផលដូចគ្នានឹងលទ្ធផលដែលបានចេញផ្សាយបន្ទាប់ពីការបោះឆ្នោតបានបិទកាលពីថ្ងៃទី២៨ ខែ កក្កដា។
នៅថ្ងៃម្សិលមិញ ដូចនៅយប់ថ្ងៃបោះឆ្នោត គណបក្សប្រឆាំងបានសន្យាថា ខ្លួននឹងមិនទទួលយកលទ្ធផលនេះទេ។
លោក សម រង្ស៊ី បានព្រមានថា៖ «ខ្ញុំគិតថា ពួកគេកំពុងឆ្ពោះទៅរកបញ្ហា និងអស្ថិរភាព លើកលែងតែរកឃើញការពិត»។
ថ្លែងក្នុងសន្និសីទសារព័ត៌មានដែលបានធ្វើឡើងនៅទីស្នាក់ការ គណបក្ស នៅខណ្ឌ មានជ័យ លោក សម រង្ស៊ី និងលោក កឹម សុខា អនុប្រធានបានប្រកាសថា មហាបាតុកម្មទូទាំងប្រទេសនឹងរៀបចំឡើងនៅថ្ងៃទី១៥ ១៦ និង ១៧ ខែ កញ្ញា។ បើទោះបីជាគណបក្សមិនបានផ្តល់សេចក្តីលម្អិតអំពីទម្រង់នៃ មហាបាតុកម្មនោះក៏ដោយ លោក សម រង្ស៊ី បានទទូចថា បាតុកម្មនៅតែជាបាតុកម្មអហិង្សា។
លោក សុខា បានព្រមានថា បាតុកម្មក៏នឹងបន្តធ្វើរហូតទាល់តែឈានដល់ដំណោះស្រាយ។
លោកបានបញ្ជាក់ថា៖ «ប្រសិនបើគ្មានដំណោះស្រាយទេនោះ យើងនឹងបន្តធ្វើបាតុកម្មនេះជារៀងរហូត»។
លទ្ធផលបោះឆ្នោតបានប្រកាស ក្នុងរយៈពេលតិចជាង ២៤ ម៉ោង បន្ទាប់ពីគណបក្សប្រឆាំងបានរៀបចំមហាបាតុកម្មនៅ រាជធានីភ្នំពេញ ដែលស្នើឲ្យធ្វើការស៊ើបអង្កេតហ្មត់ចត់លើភាពមិនប្រក្រតីនៃការបោះឆ្នោត។ គណបក្សបានអះអាងថា ខ្លួនបានឈ្នះ ៦៣ អាសនៈ ផ្អែកលើតួលេខដែលបានបូកសរុបនៅមណ្ឌលបោះឆ្នោត។
កាលពីម្សិលមិញ លោក សម រង្ស៊ី បានហៅលទ្ធផលនេះថាមិនមែនជារឿងភ្ញាក់ផ្អើលទេ ដោយលោកបានចោទប្រកាន់គណបក្សប្រជាជនថា បានកំណត់លទ្ធផលនេះជាយូរមកហើយ។
លោក សម រង្ស៊ី បានឲ្យដឹងទៀតថា៖ «គណបក្សសង្គ្រោះជាតិបដិសេធលទ្ធផលបោះឆ្នោត។ តាមពិត គណបក្សប្រជាជនបានរៀបចំលទ្ធផល ហើយគណៈកម្មាធិការជាតិរៀបចំការបោះឆ្នោតបានប្រថាប់ត្រា ហើយក្រុមប្រឹក្សាធម្មនុញ្ញបានប្រថាប់ត្រារួចហើយ នោះជាមូលហេតុដែលគណបក្សសង្គ្រោះជាតិបដិសេធ»។
គណបក្សសង្គ្រោះជាតិ បានអំពាវនាវម្តងហើយម្តងទៀតឲ្យធ្វើការស៊ើបអង្កេតឯករាជ្យ លើភាពមិនប្រក្រតីនៃការបោះឆ្នោត។ បើទោះបីជាគណបក្សប្រជាជនហាក់ដូចជាចង់ចូលរួមបង្កើតគណៈកម្មាធិការនោះក៏ដោយ (ដោយលោកនាយករដ្ឋមន្រ្តី ហ៊ុន សែន ថែមទាំងជំរុញជាសាធារណៈឲ្យជួបប្រជុំ) ប៉ុន្តែការចរចាបានជាប់គាំង។
ទោះជាយ៉ាងណាទន្ទឹមនឹងនេះ គ.ជ.ប និងក្រុមប្រឹក្សាធម្មនុញ្ញបានបន្តទៅមុខ ដោយពិនិត្យលើពាក្យបណ្តឹងដែលបានដាក់ដោយគណបក្សសង្គ្រោះជាតិ ដោយផ្ទៀងផ្ទាត់សន្លឹកឆ្នោត និងបើកសវនាការ។ ទោះជាយ៉ាងណា ផ្លូវទាំងអស់រត់ទៅរកលទ្ធផលតែមួយ ដោយស្ថាប័នទាំងនេះបានកំណត់ម្តងហើយម្តងទៀតថា ភាពមិនប្រក្រតីដែលកើតមានជាទូទៅតាមការលើកឡើងដោយអង្គការឃ្លាំមើលសិទិ្ធមនុស្ស និងអង្គការឃ្លាំមើលការបោះឆ្នោតនោះពុំមានលក្ខណៈធ្ងន់ធ្ងរដែលអាចប៉ះពាល់ដល់លទ្ធផលនៃការបោះឆ្នោតទេ។
ចំពោះខាងគណបក្សប្រជាជនកម្ពុជា បានព្រមានម្តងហើយម្តងទៀតថា ប្រសិនបើគណបក្សសង្គ្រោះជាតិធ្វើពហិការ គណបក្សប្រជាជននឹងយកអាសនៈទាំងអស់របស់គណបក្សសង្គ្រោះជាតិ។ បើទោះបីជាលោក ហ៊ុន សែន និងមេដឹកនាំជាន់ខ្ពស់ដទៃទៀតបានទទូចថា ពួកគេអាចយកបានដោយស្របច្បាប់ក៏ដោយ ក៏ប៉ុន្តែអ្នកវិភាគបានហៅការអះអាងនេះជាការបកស្រាយច្បាប់ខុស ហើយបានព្រមានថា ទង្វើនេះអាចធ្វើឲ្យមានកំហឹងថែមទៀតពីប្រជាជន។
នៅសន្និសីទកាសែត លោក សម រង្ស៊ី បានចំអកលើការគំរាមនោះ ដោយថ្លែងថា ចំពោះគណបក្សដែលធ្វើបែបនេះ វានឹងវិលត្រឡប់ទៅរកសម័យកុម្មុយនីស្ត។
លោកស្រី មូរ សុខហួរ បានថ្លែងនៅអមនឹងកិច្ចប្រជុំថា៖ «វាស្រ័យលើពួកគេ ប៉ុន្តែវានឹងខុសរដ្ឋធម្មនុញ្ញ»។
លោក សម រង្ស៊ី ក៏បានជំរុញឲ្យរដ្ឋាភិបាលបរទេសកុំទទួលស្គាល់លទ្ធផលនៃការបោះឆ្នោត។ ខណៈដែលស្ថានទូតជាច្រើនជំរុញឲ្យបើកការស៊ើបអង្កេតឯករាជ្យ ស្ថានទូតទាំងនោះបានផ្តល់ជាសញ្ញាដ៏តិចតួចថា ពួកគេនឹងមិនគាំទ្ររដ្ឋាភិបាលបង្កើតថ្មីនោះឡើយ។
ក្នុង អ៊ីមែល កាលពីម្សិលមិញ លោក Sean McIntosh អ្នកនាំពាក្យស្ថានទូត បានថ្លែងថា សហរដ្ឋអាមេរិកនឹងបន្តអំពាវនាវឲ្យមានការស៊ើបអង្កេតដោយមានតម្លាភាព។ «ទីបំផុត ប្រជាជនកម្ពុជាជាអ្នកវិនិច្ឆយលើដំណើរការបោះឆ្នោត និងលទ្ធផល»។
លោក ឈាង វុន អ្នកនាំពាក្យរដ្ឋសភា បានថ្លែងថា រដ្ឋាភិបាលគណបក្សកាន់អំណាចពុំព្រួយបារម្ភអំពីការគំរាមធ្វើពហិការ ឬបាតុកម្មទេ ហើយចង់បន្តធ្វើការងាររបស់ខ្លួន។
លោក ឈាង វុន បានបញ្ជាក់ថា៖ «អង្គុយនៅទីនោះទៅ [នៅកន្លែងធ្វើបាតុកម្ម] សម្រាប់រយៈពេលជាង ៥ ឆ្នាំ វានៅតែមិនអីទេ។ រដ្ឋាភិបាលនៅតែបន្តទៅមុខ។ រដ្ឋាភិបាលនៅតែបន្តដឹកនាំ ព្រោះគ្មានអ្វីជាប់គាំងទេ»។
លោកបានបន្តថា ដោយជំរុញឲ្យធ្វើបាតុកម្ម គណបក្សប្រឆាំងកំពុងតែបំពានលើព្រះរាជបំណងរបស់ព្រះមហាក្សត្រដែល កាលពីខែមុន ជំរុញឲ្យដោះស្រាយភាពជាប់គាំងតាមមធ្យោបាយច្បាប់។
គណបក្សសង្គ្រោះជាតិហាក់ដូចជាបកស្រាយព្រះរាជសាររបស់ព្រះមហាក្សត្រក្នុងអត្ថន័យផ្សេងទៅវិញ ដោយលោក កឹម សុខា បានថ្លែងនៅសន្និសីទថា៖ «យើងធ្វើតាមព្រះមហាក្សត្រ ក្នុងស្មារតីស្វែងរកយុតិ្តធម៌ដល់ប្រជាជនដែលជាម្ចាស់ឆ្នោត»។
មនុស្សរាប់សិបនាក់ដែលប្រមូលផ្តុំគ្នានៅក្រៅទីស្នាក់ការ គណបក្ស ដោយឈរមើលសន្និសីទសារព័ត៌មានតាមវីដេអូ និងសម្តែងការមិនពេញចិត្តរបស់ខ្លួន។
លោកស្រី វាន់ ណេ អាជីវករផ្សារ ស្ទឹងមានជ័យ បានស្រែកថា៖ «ទ្រព្យទាំងអស់បានលក់អស់ហើយ នៅតែព្រះបរមរាជវាំង និងវត្តភ្នំទេដែលមិនទាន់បានលក់ [ដោយគណបក្សប្រជាជន]»។ «ខ្ញុំគាំទ្រគណបក្សសង្គ្រោះជាតិ ខ្ញុំចង់ឲ្យមានការផ្លាស់ប្តូរ ព្រោះគេដឹកនាំមិនជឿនលឿនទៅមុខទេ»។
ទោះជាយ៉ាងណា បន្ទាប់ពីជាប់គាំងរយៈពេល ៦ សប្តាហ៍ អ្នកខ្លះងឿងឆ្ងល់ថា តើគណបក្សនេះអាចរក្សាប្រភេទនៃការគាំទ្រជាទូទៅចាំបាច់ដើម្បី បន្តធ្វើបាតុកម្មឬយ៉ាងណាទេ។ មហាបាតុកម្មកាលពីថ្ងៃសៅរ៍ ដែលបានរៀបចំអស់រយៈពេលជាច្រើនសប្តាហ៍នោះ បានប្រមូលអ្នកគាំទ្រក្នុងចំនួនដូចសុន្ទរកថាដែលបានប្រកាស ប៉ុន្មានថ្ងៃ ឬម៉ោងមុន។
ទោះជាយ៉ាងណា លោក សម រង្ស៊ី បានច្រានចោលការលើកឡើងអំពីប្រជាជនភ័យព្រួយ ដោយលោកទទូចថា ការគាំទ្រពុំបានធ្លាក់ចុះទេ។ លោកបានបន្តថា៖ «ប្រជាជនខកចិត្តណាស់។ គេចង់បានការពិតគេមិនចង់ឲ្យមានការលួចសន្លឹកឆ្នោតរបស់ខ្លួនទេ»៕ TK
5 comments:
you should protest since the day one then keep going 7/24 for 365 days until Ah Kwack gives up.
Don't listen to the dumbest King.
Just do it!
ចំពោះ នាងចិន្ដា នឹង អាបុរស សាកល,
ប្រាប់ទៅមេពួកអាអ្ហែង សម រង្ស៊ី ជាមេដឹកនាំមហាបាតុកម្មបង្គ្រប់កិច្ច....
ការសង្ឃឹមអំពីជ័យជម្នៈរបស់គណបក្សសង្គ្រោះជាតិ
គឺជាការសង្ឃឹមខ្យល់លើមេឃតែប៉ុណ្ណោះ!
ពួកនេះសុទ្ធតែជាពួកកាន់មាត់បាវអោយចោរ
និងជាអ្នកជួយទប់ជើងគ្រែអោយអា ហ៊ុន សែន!
ហើយពួកប្រឆាំងផ្កាប់មុខទាំងនេះគឺគ្មានបំណងធ្វើការ
ផ្លាស់ប្តូរពិតប្រាកដទេ ក្រៅពីបង្គ្រប់កៅអី និងបង្គ្រប់ងារជាឯកឧត្ដមតែប៉ុណ្ណោះ។
To all CNRP members,
Please look around you and see that those who support your party demand changes for their future. They are willing to die for their freedom, so please listen to their voices and help bring the changes.They are ready to bring down Hun Sen and his party.
May the youth of Cambodia lead the way and the rest will follow to fight for our own freedom. We will do this by ourselves.
Don't give up Cambodian people!!
អាក្បាលផតទទេ(និយាយមិនបាន)
ចង់ហាមខ្មែរកុំឲ្យជេរ
បក្សពួក CNRP អាក្បាលយួនខ្លួនខ្មែរ?
Post a Comment