Thursday, October 24, 2013

ស្ត្រី​វ័យ​ចំណាស់​ក្រីក្រ​ម្នាក់​លះ​បង់​ការ​លក់​ដូរ​តាម​ចិញ្ចើម​ផ្លូវ​ចូល​រួម​បាតុកម្ម


ស្ត្រី​ចំណាស់​ជា​អ្នក​លក់​ដូរ​តាម​ចិញ្ចើម​ផ្លូវ​ម្នាក់ ដែល​អាច​រក​ប្រាក់​ចំណូល​បាន​មួយ​ថ្ងៃ​ដើម្បី​ទ្រទ្រង់​ជីវភាព​ត្រឹម​មួយ​ថ្ងៃ បែរ​ជា​សម្រេច​ចិត្ត​ចូល​រួម​បាតុកម្ម​របស់​គណបក្ស​សង្គ្រោះ​ជាតិ។

លោកស្រី ណុប សូវី (កណ្ដាល) ជា​អ្នក​លក់​ដូរ​តាម​ចិញ្ចើម​ផ្លូវ
​មុខ​រោងចក្រ​កាត់ដេរ ចូល​រួម​មហា​បាតុកម្ម​អហិង្សា កាល​
ពី​ថ្ងៃ​ទី​២៣ ខែ​តុលា ឆ្នាំ​២០១៣។ RFA/So Chivy
ដោយ សុ ជីវី 2013-10-24

ជា​ស្ត្រី​មេម៉ាយ ដែល​មាន​កូន​ពិការ និង​ចៅ​កំព្រា​ក្នុង​បន្ទុក ស្ត្រី​ចំណាស់​រូប​នោះ​សុខ​ចិត្ត​បោះ​បង់​ការ​លក់​ដូរ​ប្រចាំ​ថ្ងៃ​របស់​ខ្លួន​មួយ​ថ្ងៃ និង​ស៊ូទ្រាំ​ការ​លំបាក​មួយ​ចំនួន នៅ​ពេល​ទៅ​ចូល​រួម​ក្នុង​មហា​បាតុកម្ម​របស់​គណបក្ស​សង្គ្រោះ​ជាតិ ដែល​គាត់​ផ្ញើ​ក្ដី​សង្ឃឹម​ថា អាច​ជួយ​អោយ​គាត់​បាន​រួច​ផុត​ពី​ទុក្ខ​លំបាក​ដូច​សព្វថ្ងៃ។

នៅ​ព្រឹក​ព្រលឹម​ថ្ងៃ​ទី​២៣ ខែ​តុលា ដែល​ជា​ថ្ងៃ​ដំបូង​នៃ​មហា​បាតុកម្ម​ជា​លើក​ទី​៣ របស់​គណបក្ស​សង្គ្រោះ​ជាតិ លោកស្រី ណុប សូវី បាន​ពិភាក្សា​ជាមួយ​អ្នក​ជិត​ខាង​ពី​បំណង​ដែល​គាត់​ចង់​ចូល​រួម​គាំទ្រ​សកម្មភាព​នេះ។

«សំឡេង»

ក្នុង​វ័យ​ជាង ៦០​ឆ្នាំ ណុប សូវី ជា​អ្នក​លក់​ផ្លែ​ឈើ និង​នំ​ចំណី​នៅ​ខាង​មុខ​រោងចក្រ​មួយ ក្នុង​ខណ្ឌ​សែនសុខ រាជធានី​ភ្នំពេញ។ គាត់​ជា​អ្នក​រ៉ាប់រង​ចិញ្ចឹម​គ្រួសារ​ដែល​មាន​សមាជិក ៥​នាក់ ក្នុង​នោះ​មាន​រូប​គាត់ កូន ២​នាក់ និង​ចៅ​ពីរ​នាក់។ កូន​ប្រុស​របស់ លោកស្រី សូវី ដែល​បច្ចុប្បន្ន​មាន​វ័យ ៣០​ឆ្នាំ កំពុង​មាន​ជំងឺ​ឈាម​កក​ក្នុង​ខួរ​ក្បាល គឺ​ស្ថិត​ក្នុង​ពិការភាព ដែល​ពុំ​អាច​បំពេញ​ការងារ​បាន និង​ទាមទារ​ការ​ថែ​ទាំ​ការ​ព្យាបាល​ជា​ប្រចាំ។

«សំឡេង»

ជីវភាព​តោកយ៉ាក​ដែល​ពិបាក​អោយ​ស្ត្រី​ចំណាស់​រូប​នេះ​មាន​សង្ឃឹម​ថា​មាន​អនាគត​ល្អ រួម​នឹង​ការ​លំបាក​ក្នុង​ការ​ប្រកប​របរ​ប្រចាំ​ថ្ងៃ បាន​ជំរុញ​អោយ​គាត់​ចូល​រួម​ការ​តវ៉ា ដើម្បី​អោយ​មាន​ការ​ផ្លាស់​ប្ដូរ។

«សំឡេង»

លោកស្រី ណុប សូវី បាន​រៀប​រាប់​ថា ជា​រៀង​រាល់​ថ្ងៃ​គាត់​អាច​រក​ចំណូល​បាន​ពី ៥ ទៅ ៨​ម៉ឺន​រៀល ប៉ុន្តែ​ក៏​ត្រូវ​សង​ទៅ​អ្នក​ចង​ការ​ប្រាក់ ៣​ម៉ឺន​រៀល​ដែរ។ ប្រាក់​ដែល​លោកស្រី​បាន​ខ្ចី​ពី​អ្នក​ចង​ការ​ប្រាក់ គឺ​ដើម្បី​ដោះ​ទាល់​នៅ​ពេល​កូន​ចៅ​មាន​ជំងឺ ឬ​នៅ​ពេល​មាន​បញ្ហា​លក់​មិន​ដាច់។

«សំឡេង»

នៅ​ក្នុង​ផ្ទះ​ជួល​តូច​មួយ កូន​ប្រុស និង​ចៅ​ស្រី​របស់ លោកស្រី សូវី កំពុង​ហូប​បាយ​ពេល​ព្រឹក​នៅ​មុន​ពេល​ដែល​គាត់​ចាក​ចេញ​ទៅ​ចូល​រួម​បាតុកម្ម​របស់​គណបក្ស​សង្គ្រោះ​ជាតិ។

ម៉ោង​ជាង ៨ លោកស្រី សូវី និង​អ្នក​ជិត​ខាង បាន​ទៅ​ដល់​ទីលាន​ប្រជាធិបតេយ្យ។ លោកស្រី​ចូល​ទៅ​អង្គុយ​ជួរ​មុខ ដែល​អាច​មើល​ឃើញ​វេទិកា​របស់​គណបក្ស​សង្គ្រោះ​ជាតិ យ៉ាង​ច្បាស់។ ដោយ​មិន​សូវ​មាន​កម្លាំង គាត់​បាន​ត្រឹម​គ្រវី​ដៃ​យូរៗ​ម្ដង នៅ​ពេល​ក្រុម​បាតុករ​ស្រែក​ហ៊ោ​កញ្ជ្រៀវ។

«សំឡេង​ហ៊ោ​កញ្ជ្រៀវ»

ពិត​មែន​ថា​បាន​ស្ថិត​ក្នុង​ចំណោម​បាតុករ លោកស្រី សូវី មិន​ភ្លេច​ទេ​ថា គាត់​មាន​បន្ទុក​កូន​ចៅ​នៅ​ផ្ទះ។ លោកស្រី​នៅ​តែ​ទន្ទេញ​ជាប់​មាត់​ថា មិន​បាន​ទៅ​លក់​ដូរ គឺ​ពុំ​មាន​ប្រាក់​ដើម្បី​ទិញ​ម្ហូប​អាហារ​ឡើយ៖ «រាល់​ថ្ងៃ​ហ្នឹង​នៅ​លើ​យើង​ជា​អ្នក​ចាត់​ចែង​ម្ហូប កាល​ណា​យើង​មក​អ៊ីចឹង យើង​អត់​ចាត់​ចែង​គ្នា​បាន​អី​ហូប មាន​តែ​អង្ករ​ហ្នឹង។ អ៊ីចឹង​បាន​តេ (ទូរស័ព្ទ) ទៅ​ប្រាប់​អោយ​ទៅ​ជឿ​ម្ហូប​គេ​សិន។ ម្ហូប​ស្រាប់ សម្ល​ស្រាប់ នៅ​ខាង​មុខ​រោងចក្រ»។

បើ​ទោះ​ជា​បាន​ចូល​រួម​គាំទ្រ​គណបក្ស​សង្គ្រោះ​ជាតិ លោកស្រី ណុប សូវី បញ្ជាក់​ថា ពុំ​ចង់​បាន​អ្វី​ក្រៅ​តែ​ពី​ការ​គិតគូរ​ដល់​ពួក​គាត់​ជា​អ្នក​ក្រីក្រ។

«សំឡេង»

ស្ត្រី​ចំណាស់​រូប​នេះ​រំលឹក​ដែរ​ថា ទុក្ខ​លំបាក​របស់​គ្រួសារ​លោកស្រី ក៏​ធ្លាប់​មាន​អ្នក​ដឹង​ឮ​ដែរ ហើយ​ក៏​ធ្លាប់​មាន​អ្នក​ជួយ​យក​អាសា​ដោះស្រាយ​ការ​ទារ​ប្រាក់​នៅ​កន្លែង​លោកស្រី​លក់​ដូរ​ដែរ ប៉ុន្តែ​លោកស្រី​ចង់​អោយ​មាន​ជា​គោលការណ៍​គិតគូរ​ដល់​អ្នក​ក្រីក្រ​ដ៏​ពិត​ប្រាកដ​មួយ។

«សំឡេង»

លោកស្រី​សង្ឃឹម​ថា ថ្ងៃ​ណា​មួយ​នឹង​អាច​រក​ប្រាក់​ចំណូល​បាន​ច្រើន​ជាង​សព្វថ្ងៃ​នេះ​បន្តិច ដែល​ទំនង​ថា​អាច​អោយ​ជីវភាព​គ្រួសារ​បាន​គ្រាន់​បើ​ជាង​មុន។

«សំឡេង»

លោកស្រី ណុប សូវី បាន​ចាក​ចេញ​ពី​ទីលាន​ប្រជាធិបតេយ្យ​នៅ​ពេល​រសៀល ដើម្បី​ត្រឡប់​ទៅ​ទាន់​ពេល​កម្មករ​ចេញ​ពី​រោងចក្រ ដែល​អាច​អោយ​លោកស្រី​ឆ្លៀត​ឱកាស​បាន​បន្ត​ការ​លក់​ដូរ​មួយ​ពេល​ទៀត៕

2 comments:

Anonymous said...

កុំបានតែព្រុសនៅក្រៅប្រទេសតែប៉ុណ្ណោះ... ពួកអាចោលម្សៀត មីចោលម្សៀតអស់នេះវាគ្មាន
សេចក្ដីក្លាហាន និងនាំគ្នាធ្វើអំពើល្អណាមួយនៅ
ចំពោះមុខសមេ្តចគតិព្រឹទ្ធបណ្ឌិតប៊ុន រ៉ានី ហ៊ុន សែន វរ្ម័នទី១ ក្លាយជាទេវតាស្រីនៃកម្ពុជាហើយ ...
ពួកវាបានតែដើរជេរប្រមាថ បរិហាកេរ្កិ៍ ញុះញង់ ចោទប្រកាន់ ថ្នាក់ដឹកនាំកម្ពុជា និងរត់ចោលស្រុក តែប៉ុណ្ណោះ... !!!


ជយោ! សមេ្តចគតិព្រឹទ្ធបណ្ឌិតប៊ុន រ៉ានី ហ៊ុន សែន វរ្ម័នទី១! ជាទេវតាស្រីនៃកម្ពុជា!!!

បរាជ័យ! ពួកអាក្បត់ជាតិ មីក្បត់ជាតិ រត់ចោលស្រុក!

បរាជ័យ! ពួកអាក្បត់ជាតិ ចក្រពត្ដិ សក្ដិភូមិ នឹងបរិវារ!

បរាជ័យ! ពួកអាខ្មែរក្បត់ជាតិរត់ចោលស្រុក!

បរាជ័យ! ពួកអាខ្មែរឆ្កែបំរើចក្រពត្ដិអាមេរិក !

បរាជ័យ! ពួកអាខ្មែរខ្ញុំកញ្ជះ បារាំង!

បរាជ័យ! ពួកអាខ្មែរខ្ញុំកញ្ជះ សៀម!



ពីអាញ

ជា សារុន

ប្រធានសាខាបក្សប្រជាជនកុម្មុយនិស្តកម្ពុជា

ឡូវែល ម៉ាស្ស ស.រ.អ.

មើលទៅយល់ដឹងនិងស្គាល់ច្បាស់ពីអភ័យឯកសិទ្ធិរបស់ពួកអាញទាំងស្រុង
http://www.youtube.com/watch?v=3I3z2ld7Ujs

Anonymous said...

អាយួនសម រង្សី, អាយួនគឹម សុខា
កំពុងតែ ដាក់ទណ្ឌកម្មខ្មែរ អ្នកស្នេហាជាតិ
ឧ្យខាតបង់ពេល​វេលា លក់មាន់-លក់ទា
ទៅដេកហាលវាល-ហាលខ្យល់
ដើម្បី​ជួយខ្លួនវា ទៅរកអំ​ណាចផ្ទាល់ខ្លួន!!!