កោះត្រល់កាត់ឲ្យយួនផ្លូវការឆ្នាំ២០០៥ ដោយ ហ៊ុន សែន មិនមែនបាត់ពីសម័យសម្តេចតាទេ!

ដោយ៖ ប៉ាង សុខឿន
ហ្វេសប៊ុក៖ ខ្មែរ សុវណ្ណភូមិ
.............................
នៅក្នុងសៀវភៅនេះមានដាក់ចំណងជើងថា «កម្ពុជាបច្ចុប្បន្ន» ដែលទំនងជាស្នា​ដៃរបស់សាស្រ្តាចារ្យមកពីដេប៉ាតឺម៉ង់ ទស្សនៈវិជ្ជា រួមមានទាំងលោកបណ្ឌិត ឆយ យីហ៊ាង ដែលជាអតីតប្រធាន ដេប៉ាតេម៉ង់ទស្សនៈវិជ្ជា ផងដែរ។ ក្នុងសៀវភៅនេះ មានរូបផែនទីកម្ពុជា ដោយរួមបញ្ចូលទាំង «កោះត្រល់» ស្ថិតនៅក្នុងដែនដី នៃប្រទេសកម្ពុជា យ៉ាងច្បាស់ និងមានកាលបរិច្ឆេទ គឺថ្ងៃទី២០ ខែមិនា ឆ្នាំ២០០០ ហើយទទួលស្គាល់ដោយ ហ៊ុន សែន ថែមទៀត។ 

ជារួម ថ្វីត្បិត ហ៊ុន សែន បានចុះហត្ថលេខាលើ «សន្ធិសញ្ញាទឹកប្រវត្តិសាស្រ្តឆ្នាំ១៩៨២» កាត់​សមុទ្រ និងកោះត្រល់ឲ្យយួនមែន តែយួន មិនហ៊ានយកជាផ្លូវការទេ ដោយកាលនោះ​មានប្រ​ទេស ថៃ សហគមអាស៊ាន និងប្រទេសសិង្ហបូរីជំទាស់នឹងការចូលមកកាន់កាប់របស់យួន។ តែយួនហ៊ានយកជាផ្លូវការ និងចូលអភិវឌ្ឍន៍ទាំងស្រុងបន្ទាប់ពី ហ៊ុន សែន ចុះហត្ថេលខាលើ «សន្ធិសញ្ញាបំពេញបន្ថែមឆ្នាំ២០០៥» នេះដែលជាការទទួលស្គាល់សិទ្ធិរបស់យួនសារ ជាថ្មី និងជាពិសេសមានព្រះហស្ថលេខាព្រះមហាក្សត្រឡាយ យល់ព្រមបន្ថែម​ទៀត និងរួមទាំង​រដ្ឋសភាខ្មែរផង (បញ្ជាក់៖កាលនោះសមាជិកសភាបក្សសម រង្ស៊ី ទាំងអស់បានដើរចេញ មិនចូលរួមអនុម័តយល់ព្រមទេ លើកវាតែ ខឹម វាសនា ម្នាក់គត់)។ 


យើងក៏ចាំដែរកាលនោះ សម្តេចតា នរោត្តមសីហនុមិនព្រមឡាយព្រហស្ថលេខាទេ ហើយ​ទ្រង់ដឹងមុន ទ្រង់ក៏សម្រេចព្រះទ័យដាក់រាជ្យ។ ព្រះមហាក្សត្រថ្មី ព្រះបាទនរោត្តម​សីហមុនី​ទ្រង់ក៏មិនព្រមដែរ តែពេលនោះ ហ៊ុន សែន បានព្រមានរំលាយរបបរាជានិយម​ចោល​បើស្តេចមិនព្រមចុះហត្ថលេខាយល់ព្រម។ 

កាលនោះ ហ៊ុន សែន មិនត្រឹមតែគំរាមរំលាយរបបរាជានិយមទេ គឺ ហ៊ុន សែន បានគំរាមខ្មែរ​ទាំងឡាយណាដែលប្រឆាំងនឹងសន្ធិសញ្ញាកាត់ដី កាត់កោះ កាត់សមុទ្រនោះឲ្យយួនថែមទៀត។ ជាក់ស្តែងការចាប់លោក រ៉ុង ឈុន និងលោក ម៉ម សូណង់ដូ ដាក់គុក រីឯរូបខ្ញុំ ត្រូវបានគម្រាម​សំលាប់ និងមិត្តភ័ក្ររួមការងារជាច្រើនទៀតដែលជាថ្នាក់ដឹកនាំនិស្សិត សង្គមស៊ីវិល ត្រូវបាន​ក្រុមរដ្ឋាភិបាល ហ៊ុន សែន តាមចាប់ខ្លួនគ្រប់ទីកន្លែងព្រោះតែបានរិះគន់លើរឿងនេះ។ 

គិតទៅ ហ៊ុន សែន ពិតជាព្យាយាមអស់ពីសមត្ថភាពដើម្បីបម្រើយួន ពិតប្រាកដមែន កុំថាឡើយត្រូវលះបង់អ្វីក៏ មិនខ្លាចដែរ។ ពិតជាអាយ៉ងដាច់ថ្លៃមែន! 

ចុងក្រោយសូមផ្តាំ ហ៊ុន សែន ថាឈប់បោកប្រាស់ពួកយើងថាកោះនេះបាត់តាំង​ពី​សម័យ​សម្តេចតាទៀត ឲ្យសោះ ព្រោះក្នុងសៀវនេះ ដែល ហ៊ុន សែន បានទទួលស្គាល់ និង​សៀវ​ភៅមេរៀនភូមិវិទ្យាខ្មែរសម័យរដ្ឋកម្ពុជា ដែល ហ៊ុន សែន ដឹកនាំ ក៏បានបញ្ជាក់​ច្បាស់ដែរថា កោះត្រល់ជារបស់ខ្មែរយ៉ាងពិតប្រាកដដែរ។