 |
| សមាជប្រជាជន ដែលធ្វើនៅព្រឹកថ្ងៃចន្ទនេះ។ រូបថត ហេង ជីវ័ន |
ភ្នំពេញៈ ក្រុមពហុវិស័យ ដែលជាបណ្តុំនៃបណ្តាញនិងសហគមន៍ មកពី២៤ ខេត្តក្រុង បាននាំគ្នាប្រារព្ធធ្វើសមាជនៅព្រឹកថ្ងៃចន្ទនេះ នៅក្បែរស្ពាននាគ វត្តភ្នំ ក្នុងគោលបំណង ស្វែងយល់ពីស្ថានភាពប្រជាធិបតេយ្យនៅកម្ពុជា ធ្វើការទាមទារឲ្យមានប្រជាធិបតេយ្យពិតប្រាកដនៅកម្ពុជា និងធ្វើការលើកឡើងនូវកង្វល់ដែលពួកយើងកំពុងជួបប្រទះ និងរកដំណោះស្រាយរួមរបស់ប្រជាជន។
ក្រុមពហុវិស័យនេះមានគោលជំហរមិនប្រឆាំងរដ្ឋាភិបាល មិនបម្រើគណបក្សនយោបាយណាមួយឡើយ ជាក្រុមអហិង្សា ស្រឡាញ់សន្តិភាព និងសេចក្តីថ្លៃថ្នូរ មិនប្រកាន់ពូជសាសន៍ មានគោលដៅទាមទារឲ្យមានដំណោះស្រាយរួម ប្រយោជន៍រួម។
ការធ្វើសមាជស្វែងយល់ពីស្ថានភាពប្រជាធិបតេយ្យនៅកម្ពុជានេះ ធ្វើឡើងក្រោយពី អំណាចធំៗទាំងបី គឺ នីតិបញ្ញាត្តិ (រដ្ឋសភា) នីតិប្រតិបត្តិ (រាជរដ្ឋាភិបាល) និងតុលាការ ត្រូវបានដឹកនាំដោយឯកបក្ស បន្ទាប់ពីការបោះឆ្នោតរួច។ ចំណែកឯម្ខាងទៀត គណបក្សប្រឆាំង ដែលប្រកាសមិនទទួលស្គាល់លទ្ធផលបោះឆ្នោត និងតែងតែប្រកាសទាមទារធ្វើមហាបាតុកម្មអហិង្សា ដែលបណ្តាលឲ្យមានការជាប់គាំងនយោបាយនៅកម្ពុជា។
លោក ជា សុភ័ក្ត មកពីបណ្តាញកសិករនិងធម្មជាតិ បានមានប្រសាសន៍ថា «សមាជប្រជាជននេះ ចង់បើកឲ្យមានកិច្ចពិភាក្សារវាងប្រជាពលរដ្ឋនិង ថ្នាក់ដឹកនាំនយោបាយ នៅខណៈពេលដែលស្ថានភាពនយោបាយមានការជាប់គាំង»។
ក្រុមពហុវិស័យនេះ រួមមាន កម្មកររោងចក្រកាត់ដេរ កម្មករសេដ្ឋកិច្ចក្រៅប្រព័ន្ធ កសិករ ប្រជានេសាទ សកម្មជនដីធ្លី ជនជាតិដើមភាគតិច សកម្មជនសិទ្ធិស្រ្តី អ្នកប្រកបរបរផ្លូវភេទ សកម្មជនយុវជន សកម្មជនប្រឆាំងនឹងការបណ្តេញចេញ សកម្មជនអ្នកស្រឡាញ់ភេទដូចគ្នា ក្រុមសិល្បៈសហគមន៍ និងប្រជាជនជាច្រើនទៀត។
2 comments:
CAM ON SAMDACH DECHO HUN SNE 3000!!!
This is an emergency call for SENG THEARY, JENDHANUMI, អ្នកស្រែ, AND School of Vice to help managing building tents at Democracy Park for the mass demonstration on October 23rd. It seems a little bit late because of schedule conflict with Hun Sen's team rehearsal for abusing protesters. Please call Mr. San Sowith from Khmer World Radio for plane ticket and direction.
PS: Jendhanumi is a chef Negotiator for telling those gangster to live the park, and tell them that next time they need to have permit from CNRP because is the winner. If they do not want to listen, Jendhamuni can call Mr. Ear Kim Sréng for giving them a lesson.
Post a Comment