Sunday, November 17, 2013

នគរបាល​ម្នាក់​​ត្រូវ​បញ្ឈរជើង​ក្រោយ​ចូល​រួម​ពិធី​សំណេះសំណាល​របស់​បក្ស​ប្រឆាំង


ស្នងការ​នគរបាល​ខេត្ត​កំពង់ឆ្នាំង :RFA/Chin Chetha
មន្ត្រី​នគរបាល​រដ្ឋបាល​ឃុំ​កំពង់ហាវ ស្រុក​កំពង់លែង ខេត្ត​កំពង់ឆ្នាំង​ម្នាក់ ត្រូវ​បាន​ស្នងការដ្ឋាន​នគរបាល​ខេត្ត​ហៅ​ទៅ​បញ្ឈរ​ជើង ក្រោយ​ពី​មន្ត្រី​រូប​នោះ​បាន​ទៅ​ចូល​រួម​ពិធី​សំណេះសំណាល​រវាង​តំណាងរាស្ត្រ​និង​ម្ចាស់​ឆ្នោត​របស់​គណបក្ស​សង្គ្រោះ​ជាតិ នៅ​ភូមិ​កែងតាសុក ឃុំ​កំពង់ហាវ។

ដោយ ជិន ជេដ្ឋា 2013-11-17 RFA

មន្ត្រី​គណបក្ស​សង្គ្រោះ​ជាតិ​បាន​ចាត់​ទុក​សកម្មភាព​នេះ​ថា ជា​ការ​រើសអើង​ផ្នែក​នយោបាយ និង​ផ្ទុយ​ពី​ច្បាប់​រដ្ឋធម្មនុញ្ញ។

ការិយាល័យ​ផ្នែក​បុគ្គលិក​នៃ​ស្នងការដ្ឋាន​នគរបាល​ខេត្ត​កំពង់ឆ្នាំង បាន​បញ្ឈរ​ជើង​ប៉ូលិស​ប៉ុស្តិ៍​នគរបាល​រដ្ឋបាល​ឃុំ​កំពង់ហាវ​ម្នាក់ មាន​ឋានៈ​ជា​ពលបាលឯក​ឈ្មោះ ថន ថេត ដោយ​ចោទ​ថា មន្ត្រី​រូប​នោះ បាន​អវត្តមាន​ច្រើន​ដង ខុស​វិន័យ​របស់​នគរ​បាល​ជាតិ។ ទោះ​ជា​យ៉ាង​ណា​ការ​បញ្ឈរជើង​នេះ ធ្វើ​ឡើង​ក្រោយ​ពេល​ដែល​មន្ត្រី​រូប​នោះ បាន​ទៅ​ចូល​រួម​កម្មវិធី​សំណេះសំណាល និង​ហូប​នំបញ្ចុក​រួម​គ្នា​ជា​មួយ​សកម្មជន និង​ប្រជាពលរដ្ឋ​គាំទ្រ​គណបក្ស​សង្គ្រោះ​ជាតិ ប្រមាណ​ជា ៣០០​នាក់ មក​ពី​ទូទាំង​ស្រុក​កំពង់លែង ខេត្ត​កំពង់ឆ្នាំង កាល​ពី​ថ្ងៃ​ទី​៥ ខែ​វិច្ឆិកា ឆ្នាំ​២០១៣។

លោក ថន ថេត មន្ត្រី​ប៉ូលិស​ប៉ុស្តិ៍​នគរបាល​រដ្ឋបាល​ឃុំ​កំពង់ហាវ បាន​ប្រាប់​វិទ្យុ​អាស៊ីសេរី នៅ​ថ្ងៃ​ទី​១៧ ខែ​វិច្ឆិកា ថា ការ​បញ្ឈរជើង​លោក​កាល​ពី​ថ្ងៃ​ទី​១៥ ខែ​វិច្ឆិកា មក​នេះ គឺ​ជា​រឿង​ដ៏​អយុត្តិធម៌​មួយ​សម្រាប់​រូប​លោក ពី​ព្រោះ​លោក​មិន​បាន​ប្រព្រឹត្ត​អ្វី​ខុស​ច្បាប់​ឡើយ។

លោក​សង្ស័យ​ថា លោក​អធិការ​ស្រុក​កំពង់លែង ឈ្មោះ ប៉ាល់ ជឿន គឺ​ជា​អ្នក​នៅ​ពី​ក្រោយ​នៃ​រឿងរ៉ាវ​ដែល​បាន​កើត​ឡើង​នេះ ពីព្រោះ​កន្លង​មក​លោក និង​លោក​អធិការ​ស្រុក​រូប​នេះ​ធ្លាប់​មាន​ទំនាស់​ពាក្យ​សម្ដី​នឹង​គ្នា ទាក់ទង​នឹង​រឿង​កាត់​ប្រាក់​ខែ និង​សំលៀក​បំពាក់​របស់​លោក ទើប​នៅ​ពេល​ដែល​ឃើញ​រូប​លោក​មាន​សកម្មភាព​ជាមួយ​គណបក្ស​សង្គ្រោះ​ជាតិ ស្រាប់​តែ​យកលេស​នេះ ឬ​លេស​នោះ​ដើម្បី​ចោទ​ប្រកាន់​តែម្ដង។

លោក ថន ថេត៖ «ខ្ញុំ​គ្រាន់តែ​ប្រាប់​ដែរ ខ្ញុំ​ថា ចាប់​ពី​ថ្ងៃ​នេះ​ត​ទៅ ទោះ​បី​ជា​គណបក្ស​ណា​ក៏ដោយ មិន​បាច់​ហៅ​ខ្ញុំ​ទៅ​យាម​កន្លែង​គណបក្ស​ទេ ហើយ​គណបក្ស​ប្រជាជន​ខ្ញុំ​យាមៗ​ឡើង​ឆ្អែត​ក្នុង​ព្រៃ​ភ្នំ​ឯ​នោះ ខ្លាច​ខ្មោច​ក៏​ខ្លាច​ដែរ ដល់​ថ្ងៃ​ហ្នឹង​ចូល​ជប់​លៀង​សង្គ្រោះ​ជាតិ ដែល​មិត្តភ័ក្ដិ​គេ​ហៅ​ទៅ​ហូប​នំបញ្ចុក​សោះ ហើយ​ហៅ​ខ្ញុំ​ទៅ​ធ្វើ​អ៊ីចឹង​វា​មាន​ភាព​អយុត្តិធម៌»។

លោក​បញ្ជាក់​ថា លោក​ទើប​តែ​ទទួល​បាន​ព័ត៌មាន​ថា អធិការ​ស្រុក​កំពង់លែង បាន​បញ្ជា​ទៅ​នាយ​ប៉ុស្តិ៍​នគរបាល​រដ្ឋបាល​ឃុំ​កំពង់ហាវ ឲ្យ​បូក​សរុប​អវត្តមាន​របស់​លោក ដើម្បី​បញ្ជូន​ទៅ​ស្នងការដ្ឋាន​នគរបាល​ខេត្ត ដើម្បី​ដាក់​បន្ទុក​លើ​រូប​គាត់ ក៏​ប៉ុន្តែ​មាន​មន្ត្រី​ប៉ូលិស​ជា​ច្រើន​ផ្សេង​ទៀត​បាន​អវត្តមាន​ច្រើន​ជាង​លោក​រាប់​សិប​ដង ក៏​ប៉ុន្តែ​គេ​មិន​អើពើ​ឡើយ។

វិទ្យុ​អាស៊ី​សេរី​មិន​អាច​ទាក់​ទង​អធិការ​ស្រុក​កំពង់លែង លោក ប៉ាល់ ជឿន ដើម្បី​សុំ​ការ​អត្ថាធិប្បាយ​ជុំវិញ​ការ​ចោទ​ប្រកាន់​នេះ​បាន​ទេ នៅ​ថ្ងៃ​ទី​១៧ ខែ​វិច្ឆិកា ដោយ​លោក​ប្រាប់​ថា កំពុង​តែ​ជាប់​រវល់។

ទោះ​ជា​យ៉ាង​ណា ប្រធាន​ការិយាល័យ​បុគ្គលិក​នៃ​ស្នងការដ្ឋាន​នគរបាល​ខេត្ត​កំពង់ឆ្នាំង លោក សោម វាសនា មាន​ប្រសាសន៍​ថា ការ​បញ្ឈរ​ជើង​មន្ត្រី​នគរបាល​ឈ្មោះ ថន ថេត ព្រោះ​តែ​បញ្ហា​អវត្តមាន​ច្រើន និង​ឈប់​សម្រាក​គ្មាន​ច្បាប់​ទម្លាប់ គឺ​ពុំ​មាន​ជាប់​ពាក់ព័ន្ធ​នឹង​រឿង​នយោបាយ​អ្វី​ឡើយ៖ «អ៊ីចេះ​បង! មាន​របាយការណ៍​របស់​អធិការ​នគរបាល​ស្រុក​មួយ​រាយការណ៍​ពី​ការ​អវត្តមាន​របស់​គាត់ ប្រាំបី ប្រាំបួន​ខែ​ហ្នឹង​វា​ជាង ២០​ថ្ងៃ​ហើយ​បង។ ចង់​ឲ្យ​គាត់​ត្រឡប់​ទៅ​ធ្វើ​ការ​វិញ ចាំ​មើល​ដែល​លោក​ស្នងការ​អញ្ជើញ​មក​ខ្ញុំ​នឹង​សុំ​យោបល់​គាត់»។

បេក្ខជន​ជាប់​ឆ្នោត​មណ្ឌល​ខេត្ត​កំពង់ឆ្នាំង នៃ​គណបក្ស​សង្គ្រោះ​ជាតិ លោក គី វណ្ណដារ៉ា មាន​ប្រសាសន៍​ថា ការ​ចូល​រួម​របស់​មន្ត្រី​ប៉ូលិស​ដែល​ត្រូវ​បាន​គេ​បញ្ឈរជើង​នោះ គឺ​គាត់​ស្លៀកពាក់​ស៊ីវិល និង​ចូល​រួម​កម្មវិធី​ក្នុង​នាម​ជា​ប្រជាពលរដ្ឋ​ធម្មតា ដូច្នេះ​សកម្មភាព​របស់​សមត្ថកិច្ច​ធ្វើ​ឡើង​នៅ​ពេល​នេះ គឺ​មាន​ការ​រើសអើង​គណបក្ស​នយោបាយ និង​ផ្ទុយ​ពី​ច្បាប់​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា។

នាយក​ប្រតិបត្តិ​នៃ​អង្គការ​ក្រុម​អ្នក​ច្បាប់​ការពារ​សិទ្ធិ​នៅ​កម្ពុជា លោក​មេធាវី សុក សំអឿន មាន​ប្រសាសន៍​ថា ការ​ចូល​រួម​របស់​មន្ត្រី​សមត្ថកិច្ច​ក្នុង​សកម្មភាព​នយោបាយ​ជា​មួយ​គណបក្ស​ណា​មួយ​នោះ គឺ​មិន​ខុស​ច្បាប់​នោះ​ទេ៖ «ប្រសិន​បើ​វា​ខុស​ផ្នែក​រដ្ឋបាល​អា​ហ្នឹង វា​មិន​ធ្វើ​មិន​ត្រឹម​ត្រូវ​អី វា​អត់​បញ្ហា​ទេ តែ​បើ​សិន​ជា​មាន​មូលហេតុ​នយោបាយ​រើសអើង​គណបក្ស​ជា​ការ​មិន​ត្រឹម​ត្រូវ​ទេ ដែល​ត្រូវ​តែ​ដូរ​អា​ផ្នត់​គំនិត​ចេញ»។

មន្ត្រី​ប៉ូលិស​ប៉ុស្តិ៍​នគរ​បាល​រដ្ឋបាល​ឃុំ​កំពង់ហាវ លោក ថន ថេត កំពុង​តែ​ជួប​បញ្ហា​ជីវភាព​ក្នុង​គ្រួសារ ដោយ​មាន​កូន​ចំនួន ៥​នាក់​រស់នៅ​ក្នុង​បន្ទុក។ លោក​ស្នើ​សុំ​ឲ្យ​មន្ត្រី​ថ្នាក់​លើ​ជួយ​រក​យុត្តិធម៌​ដោយ​ជំរុញ​ឲ្យ​អធិការ​ស្រុក​កំពង់លែង បើក​ប្រាក់​បៀវត្សរ៍​ចំនួន ១​ខែ ដែល​បាន​កាត់​ពី​គាត់​កាល​ពី​ចុង​ឆ្នាំ​២០១២ កន្លង​ទៅ ហើយ​បញ្ឈប់​ការ​រើសអើង ឬ​ចោទ​ប្រកាន់​រូប​គាត់​ថា ជា​សកម្មជន​គណបក្ស​ប្រឆាំង​ជាដើម៕

4 comments:

Anonymous said...

That is the democratic sytel in communist regime CPP. If Khmer are still believing in CPP croock, then all attempting from the western countries for democracy for this small country is nonsinse. In order to bring the real democracy for Cambodia, it must disappear or distroy fist the secret intervention from VN on CPP croocks led by former KR Killer Sun Sen. Other ways is nonsinse.

Anonymous said...

ចំពោះនាង ចិន្ដាយោនី ប្រាប់ទៅមេអាពួកអ្ហែង សម រង្ស៊ី ជាមេដឹកនាំមហាបាតុកម្មបង្គ្រប់កិច្ចទៅថា....

ការសង្ឃឹមអំពីជ័យជម្នៈរបស់គណបក្សសង្គ្រោះជាតិ
គឺជាការសង្ឃឹមខ្យល់លើមេឃតែប៉ុណ្ណោះ!
ពួកនេះសុទ្ធតែជាពួកកាន់មាត់បាវអោយចោរ
និងជាអ្នកជួយទប់ជើងគ្រែអោយអា ហ៊ុន សែន!
ហើយពួកប្រឆាំងផ្កាប់មុខទាំងនេះគឺគ្មានបំណងធ្វើការ
ផ្លាស់ប្តូរពិតប្រាកដទេ ក្រៅពីបង្គ្រប់កៅអី និងបង្គ្រប់ងារជាឯកឧត្ដមតែប៉ុណ្ណោះ។

Anonymous said...

Dear 11: 47pm,

Your monther, your wife, your daughter all have pussy too.

I do not believe in derogatory but you demand it.

not Jendha's aquaintant from Northern CA.

Anonymous said...

My prime minister, mr. hun sen is a very smart and wise politician. got to love him for leading cambodia to a better economy, etc... thank you japan and all that cares about my country cambodia.Better than CHAM's people who lost Champa.