 |
| ស្ថានភាពរស់នៅរបស់ពលរដ្ឋរងគ្រោះដោយទឹកជំនន់ នៅភូមិព្រែកតូច ឃុំទន្លេបិទ ស្រុកត្បួងឃ្មុំ ខេត្តកំពង់ចាម ថ្ងៃទី ១៣ ខែតុលា ឆ្នាំ២០១៣។ RFA/Saut Sok Prathna |
ស្ថានភាពនយោបាយនៅកម្ពុជា បន្ទាប់ពីការបោះឆ្នោតកាលពីថ្ងៃទី២៨ កក្កដា ឆ្នាំ២០១៣ មកនោះ កំពុងស្ថិតនៅក្នុងភាពស្រពិចស្រពិលនៅឡើយ ទោះបីជាគណបក្សជាប់ឆ្នោតទាំងពីរបានព្យាយាមរកដំណោះស្រាយ ដោយធ្វើការចរចាដើម្បីបញ្ចប់ភាពជាប់គាំងនយោបាយជាច្រើនលើកមកហើយក្ដី តែមកទល់ពេលនេះ មិនទាន់មានដំណោះស្រាយនៅឡើយ។
ដោយ ទីន ហ្សាការីយ៉ា RFA 2013-11-09
ភាពជាប់គាំងនយោបាយនេះ ត្រូវបានអ្នកជំនាញសេដ្ឋកិច្ចបានលើកឡើងថា អ្នកនយោបាយហាក់មិនបានគិតគូរអំពីផលប្រយោជន៍ប្រជាពលរដ្ឋជាម្ចាស់ឆ្នោតជាធំទេ អ្នកនយោបាយគិតតែពីរឿងយកឈ្នះចាញ់ជារឿងចាំបាច់ជាង។ ផ្ទុយទៅវិញ ស្ថានភាពប្រជាពលរដ្ឋជាង ១លានគ្រួសារកំពុងជំពាក់បំណុលធនាគារ និងគ្មានលទ្ធភាពសងវិញ នៅគ្រាដែលស្ថានភាពនយោបាយជាប់គាំង និងរងគ្រោះដោយសារទឹកជំនន់ផងនោះ។
ស្ថានភាពនយោបាយជាប់គាំងនៅក្រោយពេលបោះឆ្នោតអស់រយៈពេលជាង ៣ខែមកនេះ គួបផ្សំនឹងប្រជាពលរដ្ឋទទួលរងនូវគ្រោះធម្មជាតិ និងគ្រោះទឹកជំនន់ផង ជាឧបសគ្គដ៏ចម្បងចំពោះប្រជាពលរដ្ឋរស់នៅតាមតំបន់ទឹកជំនន់នៅទូទាំងប្រទេស។
បញ្ហាដ៏ចម្បងរបស់ប្រជាពលរដ្ឋមួយចំនួននៅពេលនេះ គឺជាបញ្ហាជំពាក់បំណុលធនាគារ និងជំពាក់ស្ថាប័នមីក្រូហិរញ្ញវត្ថុ បន្ទាប់ពីទឹកជន់លិចដំណាំកសិផល ឬមិនអាចប្រកបអាជីវកម្មបាននោះ។
រដ្ឋាភិបាលបានចេញសេចក្ដីអំពាវនាវឲ្យគ្រឹះស្ថានធនាគារ គ្រឹះស្ថានមីក្រូហិរញ្ញវត្ថុ និងប្រតិបត្តិករហិរញ្ញវត្ថុទាំងអស់ ពន្យារពេលសងបំណុល និងអនុគ្រោះមិនផាកពិន័យដល់ប្រជាពលរដ្ឋជាកូនបំណុល នៅក្រោយពេលកម្ពុជា បានជួបប្រទះគ្រោះធម្មជាតិ និងទឹកជំនន់នោះ ដែលធ្វើឲ្យខូចខាតដំណាំ និងហេដ្ឋារចនាសម្ព័ន្ធ។
សេចក្ដីអំពាវនាវរបស់រដ្ឋាភិបាលចេញផ្សាយនៅថ្ងៃទី៨ វិច្ឆិកា ឆ្នាំ២០១៣ បានស្នើបីចំណុចចំពោះគ្រឹះស្ថានមីក្រូហិរញ្ញវត្ថុ និងធនាគារ គឺទី១ ចំពោះប្រជាពលរដ្ឋកំពុងរងប៉ះពាល់ធ្ងន់ធ្ងរដោយសារទឹកជំនន់ គ្រោះធម្មជាតិ គ្មានលទ្ធភាពសងនោះ កុំបង្ខំឲ្យពួកគាត់លក់ផ្ទះ ដីធ្លី ដែលជាទ្រព្យបញ្ចាំនោះ។ ទី២ ចំពោះឥណទានដល់កាលកំណត់សង សូមពិនិត្យលទ្ធភាពពន្យារពេលសង និងអនុគ្រោះការផាកពិន័យមិនយកការប្រាក់ ឬយកការប្រាក់ទាប ដែលអាចធ្វើទៅបាន។ ទី៣ សូមពិនិត្យឥណទានបន្ថែមក្នុងអត្រាការប្រាក់ទាប ដើម្បីផ្ដល់ឱកាសឲ្យប្រជាពលរដ្ឋរងគ្រោះ អាចស្ដារជីវភាពឡើងវិញ តាមរយៈធ្វើស្រូវប្រាំង ស្រូវប្រដេញទឹក ការដាំដុះដំណាំ និងអាជីវកម្មផ្សេងៗ។
ការអំពាវនាវរបស់រដ្ឋាភិបាលនេះ ធ្វើឡើងភ្លាមៗបន្ទាប់ពីគណបក្សប្រឆាំងបានធ្វើសន្និសីទកាសែតកាលពីថ្ងៃទី៧ វិច្ឆិកា ទាមទារឲ្យស្ថាប័នមីក្រូហិរញ្ញវត្ថុចំនួនបីចំណុច មានខ្លឹមសារប្រហាក់ប្រហែលគ្នា ដែលសុំអនុគ្រោះឲ្យប្រជាពលរដ្ឋរងផលប៉ះពាល់ដោយទឹកជំនន់នោះ។
បេក្ខជនតំណាងរាស្ត្រមណ្ឌលបាត់ដំបង នៃគណបក្សសង្គ្រោះជាតិ អ្នកស្រី មូរ សុខហួរ មានប្រសាសន៍នៅក្នុងសន្និសីទសារព័ត៌មាននោះថា បញ្ហាប្រឈមរបស់ប្រជាពលរដ្ឋដោយសារគ្រោះធម្មជាតិ និងទឹកជំនន់នេះ បានកើតមានស្ទើរតែរៀងរាល់ឆ្នាំ។ អ្នកស្រីបញ្ជាក់ថា រដ្ឋាភិបាលត្រូវតែត្រៀមកញ្ចប់ថវិកាជាតិដើម្បីជួយដល់អ្នករងគ្រោះទាំងនោះ។
ឆ្លើយតបនឹងបញ្ហានេះ ប្រធានសមាគមស្ថាប័នមីក្រូហិរញ្ញវត្ថុកម្ពុជា និងជានាយកប្រតិបត្តិស្ថាប័នមីក្រូហិរញ្ញវត្ថុស្ថាបនា លោកបណ្ឌិត ប៊ុន មុនី មានប្រសាសន៍ថា បញ្ហាទាំងនេះរដ្ឋាភិបាល ឬគណបក្សនយោបាយ ត្រូវតែទុកឲ្យវិស័យឯកជនជាអ្នកសម្រេច។ លោកបន្ថែមថា ស្ថាប័នមីក្រូហិរញ្ញវត្ថុមានចក្ខុវិស័យចង់ឲ្យប្រជាពលរដ្ឋមានការរីកចម្រើននៅក្រោយពេលខ្ចីប្រាក់ឥណទានយកទៅធ្វើអាជីវកម្មនោះ ហើយជោគជ័យរបស់ប្រជាពលរដ្ឋក៏ជាជោគជ័យរបស់ស្ថាប័នមីក្រូហិរញ្ញវត្ថុដែរ។
ទោះបីជាយ៉ាងណាក៏ដោយ សេដ្ឋកិច្ចទីផ្សារសេរី គឺអនុញ្ញាតឲ្យវិស័យឯកជនធ្វើការប្រកួតប្រជែងគ្នាដោយសេរី ដោយគ្មានការជ្រៀតជ្រែកពីរដ្ឋាភិបាល ឬស្ថាប័នណាមួយនោះឡើយ។ ប៉ុន្តែ នៅពេលវិស័យឯកជនមានវិបត្តិអ្វីមួយកើតឡើង ស្ថាប័នឯកជនទាំងនោះជាអ្នកដោះស្រាយដោយខ្លួនឯង។ ម្យ៉ាងទៀត រដ្ឋាភិបាលមានតួនាទីត្រឹមតែជាអ្នកសម្របសម្រួល ឬឧបត្ថម្ភធនទៅវិស័យឯកជន ឬទៅអ្នករងគ្រោះដោយផ្ទាល់។
អ្នកជំនាញសេដ្ឋកិច្ច បានពន្យល់ថា ដើម្បីឲ្យផ្នែកឯកជនបំពេញតួនាទីរបស់ខ្លួនជាក្បាលម៉ាស៊ីននៃកំណើនសេដ្ឋកិច្ច និងជាអ្នកបង្កើតការងារ រដ្ឋចាំបាច់ត្រូវបង្កើតឡើងនូវក្របខ័ណ្ឌបទដ្ឋាន និងក្របខ័ណ្ឌស្ថាប័នមួយសមស្រប ដែលវិនិយោគិនទាំងក្នុងស្រុក និងក្រៅស្រុកមានជំនឿសម្រាប់កិច្ចការវិនិយោគរបស់គេ។
ប្រធានសមាគមស្ថាប័នមីក្រូហិរញ្ញវត្ថុកម្ពុជា និងជានាយកប្រតិបត្តិស្ថាប័នមីក្រូហិរញ្ញវត្ថុស្ថាបនា លោកបណ្ឌិត ប៊ុន មុនី បានបន្ថែមថា គ្រឹះស្ថានមីក្រូហិរញ្ញវត្ថុបានព្យាយាមកាត់បន្ថយអត្រាការប្រាក់ឲ្យទាបបំផុតដែលអាចធ្វើទៅបាន ក៏ប៉ុន្តែ ប្រតិបត្តិករក៏គិតគូរពីម្ចាស់ទុន ដែលបានឲ្យខ្ចីស្ថាប័នហិរញ្ញវត្ថុនានាខ្ចីនោះ បើសិនជាស្ថាប័នមីក្រូហិរញ្ញវត្ថុបន្ទាបការប្រាក់ខ្លាំងដល់អតិថិជន នៅពេលនោះ ស្ថាប័នហិរញ្ញវត្ថុនឹងប្រឈមនឹងការហានិភ័យជាម្ចាស់ទុននៅបរទេសឲ្យមកវិនិយោគនោះ។
លើសពីនេះទៀត នៅក្នុងបរិបទស្ថានភាពនយោបាយជាប់គាំងនៅមិនទាន់ដោះស្រាយបញ្ចប់នេះ អ្នកជំនាញខាងវិទ្យាសាស្ត្រនយោបាយបានលើកឡើងថា ក៏ជាហេតុផលមួយដែលធ្វើឲ្យប្រជាពលរដ្ឋប្រឈមនឹងបញ្ហាសេដ្ឋកិច្ចកាន់តែខ្លាំងដែរ ពីព្រោះថា តំណាងរាស្ត្រទាំងអស់ដែលជាប់ឆ្នោតនៃគណបក្សទាំងពីរមិនមានពេលចុះទៅជួបប្រជាពលរដ្ឋគ្រប់គ្រាន់ និងធ្វើគោលនយោបាយទៅរដ្ឋាភិបាល ដើម្បីលើកកម្ពស់សេដ្ឋកិច្ចគ្រួសាររបស់ប្រជាពលរដ្ឋ ដូចជា ការបង្កើតទីផ្សារកាន់តែច្រើនជូនប្រជាពលរដ្ឋ ការកៀងគរអ្នកវិនិយោគមកកាន់តែច្រើនជាដើម។ ផ្ទុយទៅវិញ អ្នកវិនិយោគមិនហ៊ានចូលមកវិនិយោគបន្ថែមទៀតទេ ដោយសារតែស្ថានភាពនយោបាយមិនល្អនៅកម្ពុជា បែបនេះ។
អ្នកជំនាញផ្នែកវិទ្យាសាស្ត្រនយោបាយ លោកបណ្ឌិត សុខ ទូច មានប្រសាសន៍ថា នៅក្នុងស្ថាប័ននយោបាយបច្ចុប្បន្ននេះ សឲ្យឃើញថា អ្នកនយោបាយមិនបានគិតពីប្រទេសជាតិ និងប្រជាពលរដ្ឋជាធំទេ ពីព្រោះថា អ្នកនយោបាយមិនបានបង្រួបបង្រួមជាតិនៅក្រោយការបោះឆ្នោត។ លោកបញ្ជាក់ទៀតថា សព្វថ្ងៃនេះ ប្រជាពលរដ្ឋមានកង្វល់ខ្លាំងអំពីជីវភាព ហើយអ្នកសេដ្ឋកិច្ចកង្វល់អំពីគ្មានអ្នកវិនិយោគចូលមកវិនិយោគបន្ថែម។ល។
របាយការណ៍របស់ធនាគារពិភពលោក (World Bank) និងធនាគារអភិវឌ្ឍន៍អាស៊ី (ADB) ឆ្នាំ២០១៣ បានរកឃើញថា ប្រជាពលរដ្ឋតិចតួចបានទទួលផលពីកំណើនសេដ្ឋកិច្ចរៀងរាល់ឆ្នាំ។ អ្នកមាន និងអ្នកក្រនៅកម្ពុជា មានគម្លាតឆ្ងាយពីគ្នាខ្លាំង។
ប្រជាពលរដ្ឋកម្ពុជា ប្រមាណ ៦លាននាក់ ស្ថិតនៅក្រោមបន្ទាត់ភាពក្រីក្រ មានន័យថា ពួកគាត់មិនអាចរកចំណូលបានប្រមាណ ៥ពាន់រៀលក្នុងមួយថ្ងៃ។ បន្ថែមពីលើនេះទៀត ប្រជាពលរដ្ឋប្រមាណ ៣លាននាក់ផ្សេងទៀត ងាយនឹងធ្លាក់ក្រោមបន្ទាត់ភាពក្រីក្រដែរ ប្រសិនបើកម្ពុជា មានវិបត្តិសេដ្ឋកិច្ចបន្ថែមទៀត ដូចជា ទំនិញកាន់តែឡើងថ្លៃ និងគ្រោះថ្នាក់ធម្មជាតិផ្សេងៗ។
ប្រធានសមាគមស្ថាប័នមីក្រូហិរញ្ញវត្ថុកម្ពុជា លោក ប៊ុន មុនី អះអាងថា ស្ថាប័នមីក្រូហិរញ្ញវត្ថុបានផ្ដល់ទុនជាង ១.២០០លានដុល្លារសហរដ្ឋអាមេរិក ឲ្យប្រជាពលរដ្ឋខ្ចីជាង ១លាន ៤សែននាក់នៅទូទាំងប្រទេស។ ប្រជាពលរដ្ឋម្នាក់ខ្ចីគិតជាមធ្យមប្រមាណ ៨០០ដុល្លារ។ ចំពោះការប្រាក់អាស្រ័យលើការខ្ចីច្រើន ឬតិច គឺចន្លោះពី ១% ទៅ ២,៥% ក្នុងមួយខែ៕
2 comments:
សមេ្តចជាព្រះអាទិត្យតែមួយ រះលើផែនដីនេះ...!!!
ជយោ! សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ ជាទេវតានៃកម្ពុជា!!!
បរាជ័យ! ពួកអាខ្មែរក្បត់ជាតិរត់ចោលស្រុក!
បរាជ័យពួកអាសត្វឆ្កែបរទេស (!!)
បរាជ័យពួកអាកាកសំណល់បាតសង្គម (!!)
ពីអញ
ហ្ការី អ៊ឹង
សមាគមខ្មែរឡុងប៉ិចរដ្ឋកាលីហ្វ័រញ៉ា និងជា
បេក្ខជន ស្ថានកុងស៊ុលខ្មែរប្រចាំឡុងប៉ិចរដ្ឋកាលីហ្វ័រញ៉ា
Where are អា សម រង្សី ,អារន្ទះបាញ់
អា កឹម សុខា អាមេបោកប្រាស់ អាជញ្ជក់ឈាមខ្មែរ!
អាសម រង្ស៊ី AH KBOT CHEAT DOCH OV VEA.
-អាមាន់ស្ងោរជ្រក់ ហ៊ុន រង្សី
-អាការីស្វា ហ៊ុន សុខា
-បោះឆ្នោតចាញ់បង្រ្គប់កិច្ច ជាអាមួយចោរយួន!
-សង្គ្រោះខ្មែរក្លែងក្លាយ-សង្គ្រោះកៅអីចោរ!
-ជួយសង្រ្គោះអាយួន៦-៧លាន!
-អាហ៊ុន រង្សី,ហ៊ុន សុខា ប្រជាធិបតេយ្យយ៉ាងខ្វៀន
-អាសមរង្សីអួតខ្លួនឈ្នៈ,ញ៉មចរចាអាអ្នកចាញ់
We lived day by day!
Post a Comment