Friday, November 29, 2013

ថ្ងៃ១០ធ្នូ៖ លោកសមរង្ស៊ី ទៅសៀមរាប ឯលោកកឹមសុខា​ នៅភ្នំពេញ


ថ្ងៃទី 28 វិច្ឆិកា 2013 ដោយ: លី សិលា CEN

ភ្នំពេញ: ​មេដឹកនាំ​បក្សប្រឆាំង បាន​បំបែក​ផ្លូវ​គ្នាបំពេញការងារ សម្រាប់​ស្វែងរក​ការគាំទ្រ​។ នោះ​គឺ​ចាប់តាំងពី​ថ្ងៃទី​២៤​វិច្ឆិកា លោក​សមរង្ស៊ី បាន​ចាកចេញ​ ទៅកាន់​បណ្តា​ប្រទេស​នៅ​អឺរ៉ុប ដែល​រួមមាន ប្រទេស​បារាំង​ដែល​លោក​មានផ្ទះ​និង​មុខរបរ​នៅ​ទីនោះ​ផង​។ រីឯ​លោក​កឹម​សុខា ក៏ត្រូវ​ចាកចេញ​ពី​ភ្នំពេញ ឆ្ពោះទៅកាន់​អាមេរិក នៅ​ថ្ងៃទី​២៨​វិច្ឆិកា​នេះ។​

​ដោយឡែក សម្រាប់​ថ្ងៃទី​១០​ធ្នូ គឺ​មេដឹកនាំ​បក្សប្រឆាំង​ទាំងពីរ ក៏ត្រូវ​បែកផ្លូវ​គ្នា​ម្តងទៀត​។ លោក​សមរង្ស៊ី នឹង​ដឹកនាំ​ការជួបជុំ នៅ​ខេត្តសៀមរាប ដើម្បី​អ្វីដែល​បក្សប្រឆាំង ប្រកាសថា ដើម្បី​សាទរ​ទិវា​សិទ្ធិមនុស្ស​អន្តរជាតិ ថ្ងៃ​១០​ធ្នូ​។ រីឯ​លោក កឹម សុខា នៅ​ថ្ងៃទី​១០​ធ្នូ​ លោក​ស្ថិតនៅ​ភ្នំពេញ​ដើម្បី​ចូលរួម​ទិវា​សិទ្ធិមនុស្ស​អន្តរជាតិ​ជាមួយនឹង​ក្រុម​អង្គការ​សង្គម​ស៊ីវិល​នៅ​ទីលាន​ប្រជាធិបតេយ្យ​។​

​ទោះបីជា​បែកផ្លូវ​គ្នា​ទាំង​ចេញទៅ​ក្រៅប្រទេស និង​ទាំង​នៅក្នុង​ប្រទេស ប៉ុន្តែ​មេបក្ស​ប្រឆាំង​ទាំងពីរ នៅតែ​រួមគ្នាធ្វើការ ក្នុងនាម​គណបក្ស​សង្គ្រោះ​ជាតិ ដើម្បី​ស្វែងរក​ការគាំទ្រ លើ​សកម្មភាព​បាតុកម្ម​តវ៉ា​។

ការជួបជុំ និងបាតុកម្ម​ជាថ្មី ត្រូវបានគណបក្ស​សង្គ្រោះ​ជាតិ កំណត់ថា នឹងប្រមូលផ្តុំគ្នា នៅថ្ងៃទី១០ធ្នូ នៅខេត្តសៀមរាបផង និងនៅភ្នំពេញផង។ ដោយឡែក ចាប់ពី​ថ្ងៃអាទិត្យ ទី​១៥ ខែធ្នូ ឆ្នាំ​២០១៣ គឺជាការជួបជុំ ក្នុងលក្ខណៈជាបាតុកម្ម ដើម្បី​តវ៉ា​នឹង​លទ្ធផល​បោះឆ្នោត ទាមទារ​ឲ្យ​បោះឆ្នោត​ឡើងវិញ និង​ហេតុផល​ថ្មី​មួយទៀត គឺ​គណបក្សសង្គ្រោះ​ជាតិ ទាមទារ​ឲ្យ​សម្តេច ហ៊ុន សែន លាលែង​ពី​តំណែង​នាយករដ្ឋមន្ត្រី​។

ប៉ុន្តែ​មន្ត្រី​រដ្ឋាភិបាល បាន​បដិសេធ ហើយ​ថា បក្សប្រឆាំង កំពុង​ព្យាយាម​បង្កើត​ច្បាប់​ព្រៃ និង​ធ្វើការ​ទាមទារ​ខុសច្បាប់ ព្រោះថា សម្តេច​ហ៊ុនសែន បាន​ឡើង​បន្ត​ដឹកនាំ​រដ្ឋាភិបាល នៅ​អាណត្តិ​ទី​៥ ពេលនេះ កើតចេញពី​ការបោះឆ្នោត តាម​លទ្ធិប្រជាធិបតេយ្យ ត្រឹមត្រូវ​៕​

3 comments:

Anonymous said...

Good job Sam rainsy and Kem Sokha,you are a good leaders,you sacrifice every thing for interest of Khmer people. I hope you both will get success,and I wish you will bring success soon to Khmer people and Khmer country. When all Khmer people love each other ,helping each other and united together around the leaders nationalist,we can protect our country from invader.

Anonymous said...

ចាំតែចុះតើ!

ហ៊ុន សែន

Anonymous said...

5:59AM CUT YOUR NECK!