 |
| RFA/Mom Sophon |
ដោយ ដែន អយុធ្យ RFA 2013-11-11
ក្តីព្រួយបារម្ភនេះកើតមាននៅគ្រាមន្ត្រីគណបក្សប្រជាជនកម្ពុជា និងគណបក្សសង្គ្រោះជាតិ មិនទាន់កំណត់ថ្ងៃជួបចរចាជាថ្មី ដើម្បីដោះស្រាយរំលត់ភ្លើងនយោបាយជាប់គាំងនៅកម្ពុជា បាននៅឡើយទេ។
លោក យ៉ែម បុញ្ញប្ញទ្ធិ មន្ត្រីនាំពាក្យ និងជាបេក្ខជនជាប់ឆ្នោត តំណាងរាស្ត្រគណបក្សសង្គ្រោះជាតិ បានឲ្យដឹងថា ទោះគណបក្សទាំងពីរមិនទាន់កំណត់ថ្ងៃ ដើម្បីជួបពិភាក្សាគ្នាជាថ្មីបែបណាក្តី ក៏ប៉ុន្តែថ្នាក់ដឹកនាំគណបក្សសង្គ្រោះជាតិ ត្រៀមដាក់ចេញនូវយុទ្ធសាស្ត្រថ្មីៗ ដើម្បីស្វែងរកយុត្តិធ៌មជូនម្ចាស់ឆ្នោត។
 |
| RFA/Tin Zakariya |
យ៉ាងនេះក្តី លោក យ៉ែម បុញ្ញប្ញទ្ធិ មានជំនឿថា វិវាទនយោបាយ លើលទ្ធផលបោះឆ្នោតសភានីតិកាលទី៥ អាចនឹងត្រូវដោះស្រាយឲ្យចប់ នៅមុនដំណាច់ឆ្នាំ២០១៣។
ទាក់ទិនបញ្ហានេះ អ្នកវិភាគនយោបាយឯករាជ្យ និងអ្នកឃ្លាំមើលការអភិវឌ្ឍសង្គម មានមតិរិះគន់ថា ជំនួបរវាងអ្នកបច្ចេកទេសថ្នាក់ក្រោម របស់គណបក្សឈ្នះអាសនៈសភាទាំងពីរ មិនអាចបញ្ចប់នយោបាយជាប់គាំងបានទេ។
លោកបណ្ឌិត សុខ ទូច អ្នកជំនាញវិទ្យាសាស្ត្រនយោបាយ និងជាអ្នកវិភាគឯករាជ្យ ថ្លែងថា ជំនួបរវាងមន្ត្រីថ្នាក់ក្រោមបក្សប្រជាជន និងសង្គ្រោះជាតិ មិនអាចពន្លត់ភ្លើងនយោបាយនៅកម្ពុជាបានទេ ដរាបណាមេដឹកនាំកំពូលៗ គណបក្សទាំងពីរមិនចេញមុខជួបចរចារកដំណោះស្រាយនោះ។ លោកថាការបរាជ័យ នៃជំនួបកន្លងទៅ រវាងគណបក្សប្រជាជន និងសង្គ្រោះជាតិ ម្យ៉ាងអាចមកពីភាពមានៈយកឈ្នះ របស់អ្នកនយោបាយមួយចំនួន ដែលគិតតែពីអំណាចបុណ្យសក្តិបុគ្គល មិនបានគិតពីប្រយោជន៍ជាតិជាធំ។
វិវាទនយោបាយនេះ លោកបណ្ឌិត សុខ ទូច បានផ្តល់អនុសាសន៍ទៅថ្នាក់ដឹកនាំគណបក្សសង្គ្រោះជាតិ ឲ្យចូលរួមធ្វើការនៅក្នុងសភា ទើបអាចចូលរួមធ្វើកំណែទម្រង់ភាពអយុត្តិធ៌មផ្សេងៗ នៅក្នុងសង្គមបាន។ ប៉ុន្តែបើមិនចូលរួមធ្វើការក្នុងសភាទេ នឹងមិនអាចនាំឲ្យប្រទេសជាតិអន្តរាយកាន់តែធ្ងន់ធ្ងរ ហើយគណបក្សប្រជាជនកម្ពុជា នឹងធ្វើអ្វីតាមតែគេចង់បាន៖ «តើអនាគត បើសិនជាគណបក្សសង្គ្រោះជាតិ មិនចូលទៅក្នុងសភាតើយើងកែបានទេ។ ឧទាហរណ៍នៅឆ្នាំ២០១៧ ឬ២០១៨ នឹងធ្វើការបោះឆ្នោតជាថ្មី ហើយការបោះឆ្នោតជាថ្មី បើសិនជាយើងនៅបន្តមិនចូលសភា តើយើងអាចកែ គ.ជ.ប បានដែរឬទេ? ហើយបើកែអត់បាន តើយើងអាចទទួលយក គ.ជ.ប ដូចកាលពីឆ្នាំ២០១៣ហ្នឹងបានដែរឬទេ? អញ្ចឹងបើសិនជាយើងចង់កែ ទាល់តែកែ គ.ជ.ប ដើម្បីឲ្យការបោះឆ្នោត នៅឆ្នាំ២០១៧ និងឆ្នាំ២០១៨ ហ្នឹងមានយុត្តិធ៌ម។ អញ្ចឹងគណបក្សសង្គ្រោះជាតិត្រូវតែចូល ចូលដើម្បីអី? គឺចូលដើម្បីទៅរៀបចំប្រព័ន្ធយុត្តិធ៌មនៅក្នុងសភា ហើយទៅកែទម្រង់កុំឲ្យគណបក្សប្រជាជនកម្ពុជាជិះសេះលែងដៃ។
លោក សុខ ទូច ដែលជាសាកលវិទ្យាធិការសកលវិទ្យាល័យខេមរៈផងនោះ ថ្លែងថាមេដឹកនាំគណបក្សសង្គ្រោះជាតិ គួរពន្យល់ឲ្យម្ចាស់ឆ្នោតបានយល់ពីសារៈសំខាន់ ដែលទទួលបានពីការចូលរួមធ្វើការងារ ក្នុងសភាឲ្យបានច្បាស់លាស់។ លោកថា ការចូលរួមធ្វើការក្នុងរដ្ឋសភា នឹងអាចនាំឲ្យបក្សសង្គ្រោះជាតិ មានឱកាសធ្វើកំណែទម្រង់ ពីភាពមិនប្រក្រតីផ្សេងៗ ដែលកើតមាននៅក្នុងសង្គមជាតិ។ ប៉ុន្តែបើមិនចូលវិញ អាចនាំឲ្យកម្ពុជា ជួបវិបត្តិសេដ្ឋកិច្ចធ្ងន់ធ្ងរនាថ្ងៃអនាគត ដោយសារការជាប់គាំងនយោបាយ ហើយកម្ពុជាត្រូវបាត់ជំនួយបរទេសនោះ៖ «អ្នកគាំទ្រជួនកាលលោកអត់បានដឹង ឬអត់បានស៊ីជំរៅរឿងហ្នឹងទេ? អញ្ចឹងត្រូវតែពន្យល់ដល់អ្នកគាំទ្រវិញ ថាតើការបណ្តោយឲ្យនៅអញ្ចឹងទៀត ធ្វើឲ្យគណបក្សម្ខាងទៀតកាន់តែជិះសេះលែងដៃ ហើយយើងមិនអាចទៅកែទម្រង់អីបាន ហើយវិបត្តិសេដ្ឋកិច្ចក៏កាន់តែកើតឡើង រីឯម្ចាស់ជំនួយក៏កាន់តែផ្អិប អញ្ចឹងវិបត្តិនយោបាយ គឺកើតឡើងក្នុងប្រទេសទាំងមូល។ អញ្ចឹង! ឧទាហរណ៍ថា អាណត្តិក្រោយ បែរជាគណបក្សសង្គ្រោះជាតិឈ្នះឆ្នោត តើឈ្នះយកអី? បើសិនជាប្រទេសជាតិកំពុងតែកើត ឬស្ថិតក្នុងវិបត្តិសេដ្ឋកិច្ច។ អាហ្នឹងហើយដែលយើងត្រូវតែពិចារណា ថាយើងចូលទៅសភាដើម្បីរៀបចំឲ្យមានសណ្តាប់ធ្នាប់ឡើងវិញ។ហើយធម្មតាបើយើងចង់កែគេ តែបើយើងអត់ចូលជិតគ្នា តើត្រូវកែរបៀបម៉េច? អាហ្នឹងជារឿងគួរតែមានការចាប់អារម្មណ៍ពីអ្នកគាំទ្រផង»។
ចំណែក លោក កែម ឡី អ្នកវិភាគឯករាជ្យ និងជាអ្នកឃ្លាំមើលការអភិវឌ្ឍសង្គម ក៏បានរិះគន់ជំនួបចរចារ រវាងមន្ត្រីបច្ចេកទេសថ្នាក់ទាប រវាងគណបក្សប្រជាជនកម្ពុជា និងសង្គ្រោះជាតិ ថាមិនងាចពន្លត់ភ្លើងនយោបាយជាប់គាំងបានទេ។ លោកថា វិបត្តិនយោបាយជាប់គាំង នៅកម្ពុជា ទាល់តែសមាសភាពចរចា ជាថ្នាក់នាយករដ្ឋមន្ត្រី ឬជាមេដឹកនាំកំពូលៗគណបក្សទាំងពីរ ទើបអាចដោះស្រាយបាន។ លោកពោលបែបចំអក និងប្រៀបធៀប ជំនួបរវាងក្រុមការងារបច្ចេកទេស ឬអ្នកជំនាញថ្នាក់ក្រោមគណបក្សទាំងពីរកន្លងទៅ ថាជាជំនួបធ្វើឲ្យល្អមើល ឬរៀបកូនក្មេងលេងបិទមុខបិទពួន៖ «សំខាន់ទាំងលោក សម រង្ស៊ី និងលោក ហ៊ុន សែន ហ្នឹងគាត់ជួបគ្នា ឲ្យត្រូវរ៉ូវគ្នាខាងផ្នែកនយោបាយ ថាត្រូវធ្វើអ? ទើបឲ្យអ្នកបច្ចេកទេសធ្វើតាមក្រោយ ថាតើត្រូវធ្វើកំណែទម្រង់យ៉ាងម៉េច ឬស៊ើបអង្កេតយ៉ាងម៉េច គឺយើងត្រូវការក្នុងរយៈពេលវែង។ ប៉ុន្តែបើគ្រាន់តែរុញទៅរុញមក ខ្ញុំគិតថា គណបក្សកាន់អំណាចគ្រាន់តែរុញសភាពការណ៍ ឬដូចការបណ្តើរគ្នាដើរលេងតែប៉ុណ្ណឹងទេ»។
អ្នកវិភាគរូបនេះ មិនផ្តល់អនុសាសន៍ទៅថ្នាក់ដឹកនាំគណបក្សប្រជាជនកម្ពុជាទេ ប៉ុន្តែទទូចដល់មេដឹកនាំគណសង្គ្រោះជាតិ ឲ្យកំណត់ជំហរខ្លួនឲ្យជាក់លាក់ ដើម្បីបញ្ចៀសវិបត្តិសេដ្ឋកិច្ចផង និងប្រជាប្រិយភាពនាថ្ងៃអនាគត។
លោក កែម ឡី បង្ហាញទស្សនៈថា គណបក្សសង្គ្រោះជាតិ គួររិះរកវិធីបញ្ចប់នយោបាយ ជាប់គាំងក្រោយការបោះឆ្នោត ឲ្យបានឆាប់មុនដាច់ឆ្នាំ២០១៣។ បើពុំដូច្នេះទេ អាចនឹងនាំឲ្យប៉ះពាល់ដល់ជំនួយអន្តរជាតិជួយដល់ប្រទេសកម្ពុជា៖ «គណបក្សសង្គ្រោះជាតិគួរតែកំណត់គោលដៅ របស់ខ្លួនឲ្យបានជាក់លាក់ជាមុនជាមួយប្រជាពលរដ្ឋ។ ថាតើខ្លួនមិនចូលសភាវាចំណេញអី ឬខាតអី? បើចូលក្នុងនាមជាតំណាងរាស្ត្រវាចំណេញអី ឬខាតអី? គឺយើងត្រូវកំណត់ឲ្យបានច្បាស់លាស់ ហើយត្រូវប្រកាសប្រាប់សាធារណៈជនពីទិសដៅ ក្នុងការចរចាប៉ុន្តែបើយើងមិនបានកំណត់ឲ្យបានច្បាស់ទេ គឺយើងមិនទទួលបានលទ្ធផល ហើយផ្ទុយទៅវិញ គឺអាចនឹងចុះខ្សោយប្រជាប្រិយភាពរបស់ខ្លួនទៅវិញក៏ថាបាន»។
 |
| ទិដ្ឋភាពអ្នកចូលរួមធ្វើមហាបាតុកម្មអហិង្សារបស់គណបក្សសង្គ្រោះជាតិនៅទីលានប្រជាធិបតេយ្យ នៅព្រឹកថ្ងៃទី៧ កញ្ញា ឆ្នាំ២០១៣។ |
កាលពីថ្ងៃទី៥ ខែវិច្ឆិកា ក្រុមការងារបច្ចេកទេស ឬជំនាញគណបក្សប្រជាជនកម្ពុជា និងគណបក្សសង្គ្រោះជាតិ បានជួបចរចារគ្នា ដោះស្រាយបញ្ហានៅសេសល់មួយចំនួន ដែលមិនទាន់បក្សទាំងពីរ មិនបានដោះស្រាយ។ ប៉ុន្តែជំនួបនេះមិនទាន់មានលទ្ធផលគាប់ប្រសើរទេ។
ទោះយ៉ាងណា លោក យ៉ែម បុញ្ញប្ញទ្ធិ អះអាងថា វិវាទនយោបាយ ក្រោយការបោះឆ្នោតនេះ អាចនឹងត្រូវដោះស្រាយ ឲ្យចប់ជាស្ថាពរ នៅមុនដាច់ឆ្នាំ២០១៣។ ប៉ុន្តែលោកថា វិវាទនេះ គណបក្សសង្គ្រោះជាតិ នឹងគោរពទៅតាមឆន្ទៈ របស់ម្ចាស់ឆ្នោត ៖ «ដូចឯកឧត្តម សម រង្ស៊ី និងឯកឧត្តម កឹម សុខា ធ្លាប់មានប្រសាសន៍ គឺថាយើងចង់ឲ្យមានដំណោះស្រាយនេះ នៅមុនឆ្នាំ២០១៣។ ពីព្រោះយើងត្រូវដោះស្រាយនៅក្នុងដែនកំណត់ពេលវេលាមួយ ដែលមិនគួរទុកចោល ឬបណ្តែតបណ្តោយពេលវេលាយូរទេ។ ដូច្នេះបើសិនជាយើងស្វែងរកដំណោះស្រាយបញ្ហាទាំងអស់ហ្នឹងមិនបានទេ នឹងអាចមានការទាមទាររបស់មហាជន តាមរយៈមហាបាតុកម្ម ឬកូដកម្ម ឬក៏តាមរយៈនៃការទាមទាររបស់មហាជនខ្មែរ នៅទូទាំងប្រទេស ក៏ដូចជាមហាជនខ្មែរនៅក្រៅប្រទេសផងដែរ »។
យ៉ាងនេះក្តី មន្ត្រីគណបក្សប្រជាជនកម្ពុជា និងបក្សសង្គ្រោះជាតិ សុទ្ធតែបានអះអាងថា មកដល់ថ្ងៃចន្ទ ទី១១ ខែវិច្ឆិកា បក្សទាំងពីរ នៅមិនទាន់កំណត់ថ្ងៃជួបចរចារជាថ្មីទៀតទេ ជុំវិញវិញការជាប់គាំងនយោបាយ ក្រោយការបោះឆ្នោតសភានីតិកាលទី៥។
ការអូសបន្លាយនេះ សម្រាប់អ្នកវិភាគស្ថានការនយោបាយឯករាជ្យ បានរិះគន់ និងចាត់ទុក ការជាប់គាំងនយោបាយ មិនអាចដោះស្រាយបាន អាចដោយសារ តែមេដឹកនាំគណបក្សឈ្នះអាសនៈសភាទាំងពីរមិនតម្កល់ប្រយោជន៍ជាតិជាធំ និងគិតតែប្រយោជន៍បុគ្គល និងបុណ្យសក្តិបុគ្គលជាធំទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕
5 comments:
Stop dreaming that Rainsy could do anything, this weak freak going to let you down, he led all his supporters to nowhere but corner with that smeung smath joke Demo. His supporters will be less and less as the last demo. all the youth already disappeared.
CNRP USELESS...USELESS...LOSER.
cnrp ដូចជាទាល់ច្រកហើយមើលទៅ បើនិយាយនឹងគេៗមិនខ្វល់អញ្ចឹង បើធ្វើប៉ាតិកម្ម ក៍គេមិនខ្វល់ ព្រោះវាបាតដៃទទេអញ្ចឹង ប្រជាជនខំគំទ្រតែដូចជាអត់ យូអិន ដូចផ្កាយលើមេឃ
ហុន សែន ដឹងទាំងអស់បានជាគេធ្វើដូច្នេះ ឥឡូវដូចដើរទាត់ខ្យល់អញ្ចឹង បើចូលជាមូយ ហុន សែន គ្រាន់តែបានប្រាក់ខែ តែដូចកាន់ក្តឱ្យ អា ឈាង វុឌ វាជេរឱ្យ ឌឿដងឱ្យរាល់ថ្ងៃ ធ្វើម្តេចកាំភើងនៅលើគេ
ច្បាប់នៅលើគេ គុកនៅលើគេ គ្រាន់តែនិយាយក៍គេដាក់គុកបានដែរ មើលទៅដូចអស់ច្រកដើរហើយដឹង?
តើអស់លោកយល់យ៉ាងណាដែរ?យើងឃើញអ្នកស្នេហាជាតិច្រើនហើយដែលត្រូវនាក់មានអំណាច
ចាត់ទុក្ខដូចកូនក្មេង ខ្លះគេសម្លាប់ចោល ហើយចោទថាក្បត់ជាតិទៀតផង។
CNRP ដូចជាទាល់ច្រក....ភ....ហើយ
Stop dreaming that Rainsy could do anything, this weak freak going to let you down, he led all his supporters to nowhere but corner with that smeung smath joke Demo. His supporters will be less and less as the last demo. all the youth already disappeared.
CNRP USELESS...USELESS...LOSER.
I appeal to Mr Sam Rain Sy and Mr Kem Sokha, no need to wait and negotiate with HUN SEN, just stand up all together to lead the mass big protests every day and block every roads this is the best way to kill Dictatorship and liberate our country from Vietnam
Post a Comment