 |
| RFA/Mom Sophon |
តំណាងអ្នកភូមិបឹងកក់ លោកស្រី ទេព វន្នី មានប្រសាសន៍ថា ពលរដ្ឋនៅសហគមន៍បឹងកក់ បុរីកីឡា និងសហគមន៍ថ្មគោល ប្រមាណ ២០០នាក់ គ្រោងជួបជុំគ្នានៅមុខតុលាការកំពូលនៅរសៀលម៉ោង ៣ ថ្ងៃទី១៩ ខែវិច្ឆិកា ដើម្បីប្រារព្ធពិធីដើរប្រទក្សិណ ៣ជុំ រំដោះគ្រោះឲ្យលោកស្រី យ៉ោម បុប្ឆា។
ក្នុងពិធីបួងសួងនោះ តំណាងសហគមន៍ ១០នាក់ ស្លៀកពាក់ស មានចងក្បិនដើរជើងទទេ និងមានកាន់បាយសី ១២ថ្នាក់ ដាក់សណ្ដែក ល្ង ស្រូវ ពោត ដើរជុំវិញតុលាការ ដោយមានព្រះសង្ឃសូត្រធម៌ និងទូងស្គរបួងសួងដល់បុព្វការីជនដែលបានចែកឋានទាំងអស់ដែលស្រលាញ់យុត្តិធម៌ ឲ្យជួយបន្ទន់ចិត្តតុលាការកំពូលឲ្យដោះលែងលោកស្រី យ៉ោម បុប្ឆា។
លោកស្រី ទេព វន្នី៖ «ចំណែកពលរដ្ឋដែលគាត់អត់កាន់បាយសី ស្រូវ ល្ង ពោតហ្នឹង គឺដៃម្ខាងគាត់កាន់ផ្កាឈូក ដៃម្ខាងទៀតគាត់កាន់ពាក្យបណ្ដឹងដែលខាងក្រុមម៉ូតូឌុបប្ដឹងទៅលើអ្នកស្រី យ៉ោម បុប្ឆា ដែលថា គាត់និងស្វាមីបានប្រើអំពើហិង្សាដោយចេតនាទៅលើក្រុមម៉ូតូឌុប អ៊ីចឹងយើងយកឯកសារហ្នឹងកូពី (ថតចម្លង) ក្នុងម្នាក់កាន់ ៣សន្លឹកៗ ក្នុងមួយជុំគាត់ដុតចោលមួយសន្លឹក អ៊ីចឹង ៣ជុំ ដុត ៣សន្លឹក ក្នុងម្នាក់។ អ្នកអង្គុយចាំនៅមុខភ្លើងហ្នឹងគឺ លូ លីហួរ កូនប្រុសលោកស្រី យ៉ោម បុប្ឆា»។
>អ្នកស្រី យ៉ោម បុប្ផា សកម្មជនដីធ្លីនៅតំបន់បឹងកក់ ជាប់ពន្ធនាគារបាន១ឆ្នាំហើយ បន្ទាប់ពីត្រូវសាលាដំបូងរាជធានីភ្នំពេញ កាត់អោយមានទោស ៣ឆ្នាំ ហើយក្រោយមកត្រូវសាលាឧទ្ធរណ៍សម្រេចបន្ធូរបន្ថយអោយមកជាប់ទោស ២ឆ្នាំវិញ ក្នុងសំណុំរឿងអំពើហិង្សាមួយនៅក្នុងភូមិ។
តុលាការកំពូលសម្រេចបើកសវនាការលើសំណុំរឿងនេះ នៅព្រឹកថ្ងៃទី២២ ខែវិច្ឆិកា ខាងមុខតាមការទាមទាររបស់សហគមន៍បឹងកក់។ សហគមន៍បឹងកក់ បុរីកីឡា និងថ្មគោល ជឿថាការធ្វើពិធីរំដោះគ្រោះឲ្យលោកស្រី យ៉ោម បុប្ឆា មុនពេលដែលលោកស្រីឡើងតុលាការនេះ អាចជួយជំរុញឲ្យតុលាការពិចារណានិងស្វែងរកយុត្តិធម៌ និងដោះលែងលោកស្រីចេញពីពន្ធនាគារ៕
1 comment:
that should be included a curse ceremony to those bad court and government hun sen
Post a Comment