 |
| ឈូក បណ្ឌិតបង្ហាញខ្លួននៅតុលាការសាលាឧទ្ធរណ៍ មុនពេលគេចខ្លួន។រូបភាពរបស់អង្គការ CLEC។ |
ភ្នំពេញ — មន្ត្រីជាន់ខ្ពស់យុត្តិធម៌របស់ប្រទេសកម្ពុជានៅថ្ងៃសុក្រនេះបានអះអាងថាគ្មានផែនការណាមួយដើម្បីជំរុញដល់នគរបាលយុត្តិធម៌ចាប់ខ្លួនលោកឈូក បណ្ឌិត អតីតអភិបាលក្រុងបាវិតពាក់ព័ន្ធនឹងសំណុំរឿងបាញ់កម្មករបីនាក់ឱ្យរងរបួសកាលពីឆ្នាំ២០១២។
ក្នុងពេលផ្តល់បទសម្ភាសន៍ដាច់ដោយឡែកៗពីគ្នាក្នុងពេលចូលរួមក្នុងកម្មវិធីសន្និសីទថា្នក់ជាតិស្តីពីការផ្តល់ជំនួយផ្នែកច្បាប់ដែលរៀបចំឡើងដោយការិយាល័យឧត្តមស្នងការសហប្រជាជាតិទទួលបន្ទុកសិទ្ធិមនុស្សមន្ត្រីយុត្តិធម៌ទាំងនោះរួមមានអគ្គព្រះរាជអាជ្ញា និង ប្រធានសាលាឧទ្ធរណ៍បានអះអាងដូចៗគ្នាថាគ្មានផែនការជំរុញឱ្យមានការចាប់ខ្លួនលោកឈូក បណ្ឌិតទេ។
លោក យូ ប៊ុនឡេង ប្រធានសាលាឧទ្ធរណ៍មានប្រសាសន៍ថាតុលាការមានទំនាក់ទំនងជាប់ជានិច្ចជាមួយសមត្ថកិច្ចក្នុងករណីលោកឈូក បណ្ឌិតក៏ប៉ុន្តែគ្មានផែនការជំរុញឱ្យចាប់ខ្លួនទេ។
លោកនិយាយថា៖«សូមអធ្យាស្រ័យខាងខ្ញុំតុលាការបានសម្រេចថាចេញដីកាស្វែងរកចាប់ខ្លួនហើយភារកិច្ចនេះជាភារកិច្ចរបស់ប៉ូលិស។ ហេតុដូច្នេះហើយយើងបានបញ្ជូនទៅសមត្ថកិច្ចប៉ូលិសហើយ។ប៉ូលិសជាអ្នកចាត់ការ។ ខ្ញុំអត់មានសមត្ថកិច្ចអ្វីដើម្បីស្វែងរកចាប់ទេ»។
លោក ឈូក បណ្ឌិត អតីតអភិបាលក្រុងបាវិតត្រូវបានសាលាឧទ្ធរណ៍សម្រេចតម្កល់សាលដីការបស់សាលាដំបូងខេត្តស្វាយរៀងដោយសម្រេច ផ្តន្ទាទោសឱ្យជាប់ពន្ធនាគាររយៈពេល១ឆ្នាំ៦ខែពីបទបង្ករបួសស្នាម ដោយអចេតនា។
សាលាឧទ្ធរណ៍ក៏បានសម្រេចពិន័យជាប្រាក់សរុប៣៨លានរៀល គឺប្រមាណជិតមួយម៉ឺនដុល្លារជាសំណងទៅឱ្យជនរងគ្រោះដែលជា កម្មការិនីចំនួនបីរូប។ ការសម្រេចនេះបានធ្វើឡើងដូចសាលក្រមរបស់តុលាការខេត្តស្វាយរៀងកាល ពីថ្ងៃទី២៥ ខែមិថុនា។
តុលាការក៏បានចេញដីកាបង្គាប់ឱ្យតាមចាប់លោក ឈូក បណ្ឌិត ដែលកំពុងរត់គេចខ្លួនយកមកផ្តន្ទាទោសតាមច្បាប់ក្រោយពីបានបាញ់ កម្មករបីនាក់ឱ្យរងរបួស។
លោក អ៊ុក សាវុធ អគ្គព្រះរាជអាជ្ញាអមសាលាឧទ្ធរណ៍បានបញ្ជាក់ថាករណីចាប់ខ្លួនជាកាតព្វកិច្ចរបស់សមត្ថកិច្ច។
លោកនិយាយថា៖«ការងារដាច់ៗគ្នាណាស់។ខ្ញុំធ្វើការងារខ្ញុំ។សួរឯកឧត្តម មួង ឃីម ពីព្រោះគាត់ទទួលបន្ទុកខាងអាជ្ញាធរ»។
លោកមួង ឃីម អនុប្រធាននាយកដ្ឋានកណ្តាលនគរបាលយុត្តិធម៌បានឱ្យដឹងថាសំណុំរឿងលោកឈូក បណ្ឌិតមិនទាន់បានបិទបញ្ចប់ទេ។ លោកបានបញ្ជាក់ទៀតថាសមត្ថកិច្ចនៅតែបន្តស្រាវជ្រាវករណីនេះនៅឡើយក៏ប៉ុន្តែលោកមិនបានបញ្ជាក់ថាលោកឈូក បណ្ឌិតកំពុងលាក់ខ្លួននៅទីណាទេ។
លោកនិយាយថា៖«សំខាន់យើងធ្វើយើងស្រាវជ្រាវតែគ្រាន់តែថាដូចខ្ញុំនិយាយអញ្ចឹង។ ករណីផ្សេងៗក៏ដូចតែគ្នាដែរ។ ករណីខ្លះយើងរកទៅឃើញភ្លាម ករណីខ្លះយើងរកពិបាក។ វាគ្រាន់តែប៉ុណ្ណឹងទេអត់មានរឿងនិយាយថាសមត្ថកិច្ចមិនធ្វើមិនអីទេ។គឺសុទ្ធតែរឿងចោទប្រកាន់ទេ»។
មន្ត្រីនគរបាលជាតិធ្លាប់បានអះអាងថា លោក ឈូក បណ្ឌិត កំពុងសំងំលាក់ខ្លួនក្នុងប្រទេសជិតខាងកម្ពុជា។
មកទល់ពេលនេះមានរយៈពេលជិតពីរឆ្នាំ ហើយលោក ឈូក បណ្ឌិតអតីតអភិបាលក្រុងបាវិតនៅតែមិនទាន់ចាប់ខ្លួនមកផ្តន្ទាទោស បាននៅឡើយក្រោយពីលោកបានបាញ់កម្មការិនីបីនាក់ឈ្មោះ កែវ នា នុត សាខន និង ប៊ុនចិន្តា ឱ្យរងរបួសកាលពីថ្ងៃទី២០ខែកុម្ភៈឆ្នាំ២០១២៕
3 comments:
មិនមែនយឺតយាវទេ គឺគេមិនចាប់ឬ មិនចង់ចាប់តែម្តង។
It is no wonder in the wild kingdom of Scambodia. The rich and the powerful will never get caught, because the laws are just for the poor and the innocents only. Therefore, people should rise up together and do whatever possible to reclaim their freedom for lives, thirty years of living in the iron grip of a blind, cruel and also known world wide as a very rude dictator. Thirty years should be more than enough for all people to stand up and fight back for what they believe as all people living in the democratic societies throughout the world. Are they all afraid to die?; the devil should be giving a dead sentence by the court of public opinion, and instead they take comfort at the mercy of the devil. As the result of these main components, which are the lacking of courage, the strong commitment, and the common sense of interest from the general public, the dictator is getting embolden day by day to cling on power. Not just that he also tries to toughen up his undemocratic ruling over Cambodia for so many years to come.
The responsibility falls into the head of the incompetent government, Hun Sen.
If Hun Sen cannot keep those under his leadership in line, he should quit.
The leader should learn to be responsible, no more shoving around.
Post a Comment