Tuesday, December 17, 2013

ក្រុម​បាតុករ​អំពាវនាវ​ឲ្យ​ពលរដ្ឋ​ចូល​រួម​តវ៉ា​សុំ​ឲ្យ​លោក ហ៊ុន សែន ចុះ​ពី​តំណែង


RFA/Ouk Savborey
បាតុកម្ម​របស់​គណបក្ស​សង្គ្រោះ​ជាតិ បន្ត​ធ្វើ​ដល់​ថ្ងៃ​ទី​៣​ហើយ ក្នុង​គោល​បំណង​ទាមទារ​ឲ្យ​មាន​ការ​បោះ​ឆ្នោត​ឡើង​វិញ និង​ឲ្យ​លោក​នាយក​រដ្ឋមន្ត្រី ហ៊ុន សែន ចុះ​ពី​តំណែង។

ដោយ អ៊ុក សាវបូរី RFA 2013-12-17

ក្រុម​អ្នក​គាំទ្រ​គណបក្ស​សង្គ្រោះ​ជាតិ នៅ​ទីលាន​ប្រជាធិបតេយ្យ អំពាវនាវ​សុំ​ឲ្យ​ប្រជាពលរដ្ឋ​គ្រប់​ខេត្ត​ក្រុង បង្កើន​ការ​រួប​រួម​គ្នា ដើម្បី​ប្រឆាំង​នឹង​ការ​បន្ត​កាន់​តំណែង​របស់​លោក​នាយក​រដ្ឋមន្ត្រី ហ៊ុន សែន និង​សុំ​ឲ្យ​មាន​ការ​បោះ​ឆ្នោត​ឡើង​វិញ។

ការ​អំពាវនាវ​នេះ បាន​ធ្វើ​ឡើង​នៅ​ថ្ងៃ​ទី​១៧ ខែ​ធ្នូ ឆ្នាំ​២០១៣ ក្នុង​ទីលាន​ប្រជាធិបតេយ្យ ខណៈ​ក្រុម​អ្នក​ស្នាក់​នៅ​គាំទ្រ​គណបក្ស​សង្គ្រោះ​ជាតិ មាន​ចំនួន​ថយ​ចុះ​ក្នុង​ទីលាន​ប្រជាធិបតេយ្យ។

បុរស​វ័យ ៧៣​ឆ្នាំ ឈ្មោះ ស្រី សឹម មក​ពី​ភូមិ​សង្គ្រោះ ឃុំ​ស្វាយភ្លោះ ស្រុក​ពាមជរ ខេត្ត​ព្រៃវែង អំពាវនាវ​ថា សូម​ឲ្យ​ប្រជាពលរដ្ឋ​ចូល​រួម​តវ៉ា​ឲ្យ​បាន​ច្រើន​ថែម​ទៀត ដើម្បី​ឲ្យ​មាន​ការ​បោះ​ឆ្នោត​ឡើង​វិញ។ លោក​បន្ត​ថា ការ​តវ៉ា​ច្រើន​ដង​មក​ហើយ​របស់​គណបក្ស​សង្គ្រោះ​ជាតិ សុំ​ឲ្យ​រាប់​សន្លឹក​ឆ្នោត ប៉ុន្តែ​រដ្ឋាភិបាល​កម្ពុជា ដែល​ដឹក​នាំ​ដោយ លោក ហ៊ុន សែន មិន​ព្រម​បង្ហាញ​ការ​ពិត​នៃ​សន្លឹក​ឆ្នោត​ឈ្នះ​ចាញ់ ទើប​ពលរដ្ឋ​ទាមទារ​ឲ្យ​បោះ​ឆ្នោត​ឡើង​វិញ។

បុរស​មក​ពី​ឃុំ​សាស្ដា ស្រុក​សំពៅលូន ខេត្ត​បាត់ដំបង មិន​បញ្ចេញ​ឈ្មោះ អង្គុយ​ជ្រក​ភ្លៀង​ក្នុង​រោង​នៅ​ទីលាន​ប្រជាធិបតេយ្យ បន្ថែម​ថា បើ​សិន​ជា​ប្រជាជន​ទូទៅ​នៅ​តែ​ប្រចាំ​គ្នា​មិន​ហ៊ាន​ចេញ​មុខ​តវ៉ា​ស្រុះ​គ្នា​ទេ ការ​ទាមទារ​ឲ្យ លោក ហ៊ុន សែន ចុះ​ពី​តំណែង និង​សុំ​បោះ​ឆ្នោត​ឡើង​វិញ ច្បាស់​ជា​មិន​បាន​ជោគជ័យ​ទេ។

ពលរដ្ឋ​មក​ពី​ខេត្ត​កំពង់ចាម ស្រុក​ចម្ការលើ ឲ្យ​ដឹង​ថា គាត់​ទ្រាំ​សម្រាក ៣​យប់​ហើយ​កណ្ដាល​ទីលាន​ប្រជាធិបតេយ្យ ដើម្បី​ចង់​ឲ្យ​មេ​ដឹក​នាំ​ដែល​ធ្វើ​ឲ្យ​បាត់​ភូមិ​ខ្មែរ​ចូល​ទៅ​ក្នុង​ទឹក​ដី​ប្រទេស​វៀតណាម ចុះ​ចេញ​ពី​តំណែង។ មូលហេតុ​នេះ បាន​ជា​គាត់​បោះ​ចោល​ការ​ប្រមូល​ផល​ដំឡូង​ពោត។

ស្ត្រី​មក​ពី​ភូមិ​ស្វាយមាស ឃុំ​វិហារសួគ៌ ស្រុក​ខ្សាច់កណ្ដាល ខេត្ត​កណ្ដាល ឈ្មោះ មាន់ សំ អះអាង​ថា ប្រជាពលរដ្ឋ​បោះ​ឆ្នោត​កាល​ពី​ថ្ងៃ​ទី​២៨ ខែ​កក្កដា ផ្តល់​សន្លឹក​ឆ្នោត​ឈ្នះ​ទៅ​គណបក្ស​សង្គ្រោះ​ជាតិ។ ប៉ុន្តែ គ.ជ.ប ធ្វើ​ឲ្យ​សន្លឹក​ឆ្នោត​បាត់​រាប់​លាន​សន្លឹក ទើប​ប្រជាពលរដ្ឋ​មក​តវ៉ា​សុំ​ឲ្យ​រដ្ឋាភិបាល​ចាំ​ផ្ទះ​រក​យុត្តិធម៌។ នៅ​ពេល​រដ្ឋាភិបាល​មិន​ព្រម​រក​យុត្តិធម៌​ឲ្យ​តាម​ការ​ទាមទារ ទើប​សុំ​ឲ្យ​បោះ​ឆ្នោត​ឡើង​វិញ។

សមាជិក​គណៈកម្មការ​នាយក​គណបក្ស​សង្គ្រោះ​ជាតិ អ្នកស្រី ឡាក់ សុភាព ឲ្យ​ដឹង​ថា ថ្វី​ត្បិត​តែ​មិន​មាន​វត្តមាន​ប្រជាពលរដ្ឋ​ច្រើន​ចូល​រួម​បាតុកម្ម​នៅ​ក្នុង​ទីលាន​ប្រជាធិបតេយ្យ ព្រោះ​រដូវ​នេះ​កសិករ​ប្រមូល​ផល​គ្រប់​ខេត្ត ហើយ​ខេត្ត​ខ្លះ​ក៏​ទើប​ចាប់​ផ្ដើម​ធ្វើ​ស្រែ និង​ដាំ​ដំណាំ ក៏ប៉ុន្តែ​មាន​អ្នក​ខ្លះ​ឲ្យ​ឪពុក​ម្តាយ​មក​ចូល​រួម​ក្នុង​បាតុកម្ម​នេះ​ដែរ។

ទោះ​ជា​យ៉ាង​ណា ចំនួន​អ្នក​មក​ចូល​រួម​គាំទ្រ​គណបក្ស​សង្គ្រោះ​ជាតិ នៅ​ពេល​នេះ ហាក់​មិន​សូវ​មាន​ដល់​ទៅ​ជាង ១០​ម៉ឺន​នាក់ ដូច​កាល​ពី​បាតុកម្ម​មុនៗ​ទេ៕

4 comments:

Anonymous said...

I'm KHMER, I'm Not young any more, I'm very upset and hat so bad,Ah Norruk Evil Hun Xen who is Ah yoong youn..! who is the traitor..! Mr. Sam Rainsy/Mr. Kem Sokha has very good, very warmly, very shining and very strong speech..! even rain and even dark today the third day for rally. I must do something to the country for the country for the next Cambodian generation,

Anonymous said...

JAMM TA JOSS TEU!

Hun Sen

Anonymous said...

All the protesting has no result, I don't see anything going to change anytime soon. The leader of the protester are to weak, if they are strong there should be 100 thousand to a million of the protester in the streets right now. I see no blood spill, no death and it getting boring. They should give up now before the peoples turn againt the leader of the protester, because the leader are too weak, no result, no real goal to accomplish. People only support you if you give them what they want, if not those leader should be worry that they will turn back againt them

Anonymous said...

Why CNRP not suported Monks protesters are they as same as CPP or afraid of some one take position out of mind. [One chopstic easy break] KRANHUNEASAN