 |
| អ្នកគាំទ្រសង្គ្រោះជាតិ នៅទីលានប្រជាធិបតេយ្យម្សិលមិញ។ រូបថត ជីវ័ន |
Monday, 16 December 2013
ភ្នំពេញៈ ដោយប្តូរទៅយុទ្ធសាស្រ្តនៃការធ្វើបាតុកម្មមិនឈប់ជារៀងរាល់ថ្ងៃដើម្បីអំពាវនាវឲ្យមានការបោះឆ្នោតជាថ្មីឡើងវិញ គណបក្សប្រឆាំង បានធ្វើផែនការរឹតបន្តឹងយុទ្ធសាស្រ្តរបស់ខ្លួន និងបានបង្កើនសម្ពាធក្នុងស្រុកទៅលើគណបក្សកាន់អំណាចដើម្បីឲ្យ មានការឆ្លើយតប។ នេះបើតាមអ្នកវិភាគនយោបាយម្នាក់ ដែលបានថ្លែងកាលពីម្សិលមិញ។
ចាប់តាំងពីការបោះឆ្នោតថ្ងៃ ទី២៨ ខែ កក្កដា គណបក្សសង្គ្រោះជាតិបានជំរុញយ៉ាងខ្លាំងក្លាឲ្យមានការស៊ើបអង្កេតឯករាជ្យ ទៅលើភាពមិនប្រក្រតីនៃការបោះឆ្នោត ប៉ុន្តែ សំណើសុំឲ្យមានការស៊ើបអង្កេតនេះ ត្រូវបានគណបក្សកាន់អំណាចច្រានចោលជានិច្ច ហើយសហគមន៍អន្តរជាតិ មិនទាន់មានឆន្ទៈគាំទ្រខ្លាំងក្លាជាក់លាក់ណាមួយឡើយ។ ជាលទ្ធផល គណបក្សសង្គ្រោះជាតិកំពុងឆ្លើយតបទៅតាមក្រុមអ្នកគាំទ្រ និងសមាជិករបស់ខ្លួនដែលកំពុងជំរុញគណបក្សនេះ ដោយសារពួកគេគិតថា គណបក្សមាន «ភាពទន់ពេកក្នុងការដោះស្រាយបញ្ហាជាមួយគណបក្ស ប្រជាជន»។ នេះបើតាមលោក Phoak Kung ដែលជាអ្នកស្រាវជ្រាវនៅសាកលវិទ្យាល័យ Warwick។ លោក Phoak Kung អ្នកស្រាវជ្រាវ ដែលផ្តោតទៅលើកំណែទម្រង់ប្រជាធិបតេយ្យក្នុងប្រទេសកម្ពុជាបានថ្លែងថា៖ «ការឯកភាពគ្នាដែលជាការចាប់ផ្តើមមួយ (យ៉ាងហោចណាស់នៅក្នុងរង្វង់គណបក្សប្រឆាំង) គឺថា ពួកគេត្រូវយកជំហរស្វិតស្វាញខ្លាំងក្លាជាងមុនដើម្បីធ្វើឲ្យគណបក្សប្រជាជនយល់ព្រមតាមការទាមទាររបស់ខ្លួន»។
ប្រធាន ផ្នែកកិច្ចការសាធារណៈរបស់គណបក្សសង្គ្រោះជាតិ លោកស្រី មូរ សុខហួរ បានប្រាប់ ភ្នំពេញ ប៉ុស្តិ៍ ថា ការចេញរបាយការណ៍ទូលំទូលាយមួយដោយអង្គការឃ្លាំមើលការបោះឆ្នោត សម្ព័ន្ធកំណែទម្រង់ការបោះឆ្នោត (ERA) ផ្តល់នូវកម្លាំងជំរុញដល់គណបក្សប្រឆាំង តាមរយៈការផ្តល់ «ភ័ស្តុតាងយ៉ាងច្បាស់អំពីការក្លែងបន្លំដ៏ធំ»។
លោកស្រីបន្តថា៖ «ពួកគេ [គណបក្សប្រជាជន] មិនអាចបន្តបដិសេធវាបានទេ។ យើងមិនអាចទទួលយកការបដិសេធនោះបានទេ»។ «យើងត្រូវការកំណែទម្រង់ការបោះឆ្នោតដើម្បីឲ្យមានការបោះឆ្នោត ឡើងវិញមួយនៅក្នុងឆ្នាំ ២០១៤ ហើយយើងត្រូវយករបាយការណ៍របស់ ERA ធ្វើជាមូលដ្ឋានសម្រាប់ធ្វើកំណែទម្រង់ការបោះឆ្នោត»។
ប៉ុន្តែ បើតាមលោក Kung បើទោះបីជាការតវ៉ាជារៀងរាល់ថ្ងៃអាចផ្តល់ឲ្យគណបក្ស សង្គ្រោះជាតិនូវកម្លាំងខ្លាំងជាងមុនដើម្បីបង្ខំឲ្យមានសម្បទាន ពីគណបក្សកាន់អំណាចក៏ដោយ «មេដឹកនាំគណបក្សប្រឆាំងត្រូវតែមានលក្ខណៈប្រាកដច្បាស់មួយ» អំពីអ្វីដែលពួកគេអាចទទួលបាន។
លោកថ្លែងថា៖ «វាមានចំណុចជាក់ច្បាស់មួយដែលគណបក្សប្រជាជនមិនអាចធ្វើហួសពីចំណុចនោះ ដូចជាការបោះឆ្នោតឡើងវិញតំណែងប្រធានរដ្ឋសភា និងការស៊ើបអង្កេតទៅលើភាពមិនប្រក្រតីនៃការបោះឆ្នោត។ ភាពជាប់គាំងបច្ចុប្បន្នអាចដោះស្រាយបាន តែតាមរយៈជជែកចរចា និងការសម្រុះសម្រួលគ្នាប៉ុណ្ណោះ»។
ទោះយ៉ាងណាក្តី បក្សសង្គ្រោះជាតិជឿថា ខ្លួនមានឱកាសជាប្រវត្តិសាស្រ្តដើម្បីផ្លាស់ប្តូរនយោបាយ កម្ពុជា ហើយដូច្នេះ «បានបង្កើនការប្រើប្រាស់ការតវ៉ាទ្វេដងដោយសារវា ជាអាវុធនយោបាយតែមួយគត់ដើម្បីឲ្យមានការផ្លាស់ប្តូរ។ នេះបើតាមលោក Peter Tan Keo អ្នកវិភាគនយោបាយឯករាជ្យ។
លោកបានថ្លែងថា៖ «គ្មានបញ្ហាអ្វីផ្សេងទៀតចំពោះគណបក្សនៅចំណុចនេះទេ។ ជំនឿរបស់ខ្ញុំគឺថា គណបក្សសង្គ្រោះជាតិកំពុងជិះលើ «រលកនៃការផ្លាស់ប្តូរ» ដើម្បីឲ្យមានការផ្លាស់ប្តូរ»។
លោកបានបន្តថា៖ «គណបក្សសង្គ្រោះជាតិឬគណបក្សប្រឆាំងណាមួយអាចនឹងមិនមានឱកាសដ៏ពិសេសនេះម្តងទៀតទេ»។
លោក Carlyle Thayer អ្នកជំនាញអំពីអាស៊ីអាគ្នេយ៍នៅរាជបណ្ឌិត្យកងកម្លាំងការពារជាតិអូស្រ្តាលីបានថ្លែងថា លោកនាយករដ្ឋមន្រ្តី ហ៊ុន សែន ទំនងជាធ្វើសម្បទានតិចតួចប៉ុណ្ណោះ បើទោះបីជាមានសម្ពាធពីគ្រប់ភាគី រួមទាំងសម្ព័ន្ធមិត្តជិតដិតក៏ដោយ។
ការរាយការណ៍កាលពីថ្ងៃ ទី៤ ធ្នូ ដោយទីភ្នាក់ងារព័ត៌មានរដ្ឋរបស់ប្រទេស ចិន បានបង្ហាញអំពីការរិះគន់ដែលមិនធ្លាប់មានពីមុនមកទៅលើរដ្ឋាភិបាល និងចោទសួរទៅលើឆន្ទៈនយោបាយរបស់លោក ហ៊ុន សែន ចំពោះការអនុវត្តកំណែទម្រង់ដែលត្រូវបានស្នើឡើង។
លោក Thayer បានថ្លែងនៅក្នុងអ៊ីមែលថា៖ «នៅពេល លោក ហ៊ុន សែន ចាប់ផ្តើមកម្មវិធីកំណែទម្រង់នយោបាយមានកំណត់នោះនឹងបន្ធូរបន្ថយសម្ពាធពីនៅក្នុងគណបក្សប្រជាជន និងពីសហគមន៍អន្តរជាតិ រួមទាំងចិន»។
លោកបានបន្តទៀតថា៖ «គណបក្សប្រឆាំងប្រឈមមុខនឹងភាពលំបាកអំពីថា តើត្រូវគាំទ្រកំណែទម្រង់ទំាងនេះ ឬបន្តនៅក្រៅដំណើរការ ហើយច្រានចោលកំណែទម្រង់ទាំងអស់នោះថា គ្មានន័យ...គណបក្សប្រឆាំងទំនងជាមានលក្ខណៈប្តេជ្ញាចិត្តខ្លាំង និងមិនមានការសម្រុះសម្រួលពីកំណែទម្រង់តិចតួច ដែលនឹងគ្រាន់តែពង្រឹងអំណាចរបស់របបលោក ហ៊ុន សែន នៅក្នុងអំណាចប៉ុណ្ណោះនោះឡើយ»។
ខណៈអាជ្ញាធរនៅកន្លែងបាតុកម្មនាពេលថ្មីៗនេះ បានអនុញ្ញាតឲ្យក្រុមអ្នកតវ៉ា ធ្វើការដង្ហែ និងធ្វើបាតុកម្មដោយសន្តិវិធី លោក Thayer បានបន្ថែមថា មេដឹកនាំគណបក្សសង្គ្រោះជាតិ លោក សម រង្ស៊ី ប្រហែលជាកំពុងសង្ឃឹមទទួលបាន ការឆ្លើយតបខ្លាំងជាងមុន។
លោកបន្តថា៖ «ខ្ញុំតែងតែមានអារម្មណ៍ថា លោក សម រង្ស៊ី កំពុងសង្ឃឹមឲ្យមានប្រតិកម្មពីអាជ្ញាធរប្រដាប់អាវុធដើម្បីបង្កើតឲ្យមានកម្លាំងគាំទ្រកាន់តែខ្លាំងឡើង សម្រាប់ចលនារបស់គាត់។ ប្រតិកម្មខ្លាំងជ្រុលណាមួយពីអាជ្ញាធរប្រដាប់អាវុធនឹងធ្វើឲ្យមានការគាំទ្រក្នុងស្រុកកាន់តែខ្លាំងឡើង»។
បើទោះបីជាមានការប្រៀបធៀបរវាងចលនាតវ៉ានៅក្នុងប្រទេសកម្ពុជានិង ថៃ ត្រូវបានធ្វើឡើងនៅក្នុងប៉ុន្មានសប្តាហ៍ថ្មីៗ ក៏ដោយ ក៏ស្ថានភាពនយោបាយក្នុងប្រទេសទាំងពីរ មានលក្ខណៈខុសគ្នាខ្លាំងដែរ។ នេះបើតាមលោក John D. Ciorciari អ្នកឃ្លាំមើលអំពីប្រទេស កម្ពុជា និងជាសាស្រ្តាចារ្យផ្នែកគោលនយោបាយសាធារណៈនៅសាកលវិទ្យាល័យ Michigan។
លោកថ្លែងថា៖ «ការធ្វើតាមគំរូរបស់គណបក្សប្រឆាំង ថៃ ក្នុងការបន្តការតវ៉ា អាចបង្កើតឲ្យមានការចាប់អារម្មណ៍ជាងមុន ពីអន្តរជាតិ និងការអាណិតពីប្រជាជនក្នុងស្រុក ជាពិសេសប្រសិនបើអាជ្ញាធរប្រើហិង្សាជាការឆ្លើយតបនឹងការតវ៉ានោះ»។ «ប៉ុន្តែវាមិនដូចគណបក្សប្រឆាំងរបស់ ថៃ ទេ ដែលមានមិត្តមានអំណាចដូចជា យោធា តុលាការ និងផ្នែកដទៃៗទៀតក្នុងរដ្ឋាភិបាល។ ចំពោះគណបក្សសង្គ្រោះជាតិវិញគឺប្រឈមមុខនឹងកម្លាំងប្រដាប់ អាវុធ និងតុលាការ និងផ្នែកដទៃៗទៀតដែលមានអំណាច»៕ PS
រាយការណ៍បន្ថែមៈ ជាង សុខា
3 comments:
And then???
JAMM TA JOSS TEU!
Hun Sen
ត្រូវហើយ ហ៊ុនសែន មិនចុះដោយខ្លួនឯងទេ ចាំគេធាក់ចេញតែម្តង ព្រោះជនថោកទាបវាមិន
ដូចអ្នកថ្លៃថ្នូរទេ ។ គឺវាចូលចិត្តធ្វើអ្វីដែលហឹង្សា
វាមិនចេះធ្វើអ្វីតាមភាពថ្លៃថ្នូរឡើយ ។ ដូចពាក្យ
ដែលធ្លាប់តែថាៈ សំដីសជាតិ មាយាទសពូជ ដូច្នេះពូជថោកទាបវាដូច្នោះឯង ។
នយោបាយប្រទេសថៃ និង កម្ពុជាវាខុសគ្នាមែន
ហើយព្រោះប្រទេសថៃមានអ្នកដឹកនាំមានឬកពារ
ថ្លៃថ្នូរ ។ មានមនៈសិកាជាតិ មានឧត្តមគតិ
ជាតិ ចេះស្រឡាញ់ជាតិពិតប្រាកដ មិនចូលចិ្តធ្វើ
ខ្ញុំគេ ។ សូម្បីតែកងទ័ព ប៉ូលិស ក៍ចេះដឹងស្រ
ឡា់ប្រជាពលរដ្ឋដោយស្មោះ មិនលំអៀងខាង
គណៈបក្សនយោបាយណា ចេះគោរពនាទីរបស់
ខ្លួនខ្ជាប់ខ្ជួន ។ល។ ។ បើមានបាតុករ ឬ ប្រជាពលរដ្ឋស្លូតត្រង់បាត់បង់ជីវិតក្នុងពេលមានបាតុកម្ម ប្រមុខនៃរដ្ឋាភិបាលត្រូវទទួលទោស
នៅចំពោះមុខច្បាប់ជាដើម ។
ចំណែកឯប្រទេខ្មែរវិញ មានអ្នកដឹកនាំដែលមាន
ពូជថោកទាប ខ្វះការចេះដឹង មានចរិយាមា
យាទ និង សំដីជាជនពាល ជាបាតផ្សា កំសាក
មុខក្រាស់ ។ មានសន្តានចិត្តជាបីសាចកំណាច
ឃោឃៅ ព្រៃផ្សៃ កាប់សម្លាប បំពារ បំពានរាស្រ្គ
ឯងបំពេញចិត្តបរទេស ។ ខ្វះការទទួលខុសត្រូវ
បញ្ជារកងទ័ព ប៉ូលិសបាញសម្លាប់ប្រជាពលរដ្ឋ
ស្លូតត្រង់ហើយ បែជាបដិសេធមិនទទួលខុសត្រូវ
នូវទង្វើរបស់ខ្លួនទៅវិញ ។ ដោយសារទេបែប
នេះតើប្រជាពលរដ្ឋខ្មែរអាចធ្វើដូចប្រទេសថៃបាន
ទេ ? តើពួករដ្ឋភិបាល ហ៊ុនសែន ដ៏ព្រៃផ្សៃនេះ
ព្រមទទួលខុសត្រូវចំពោះការស្លាប់របស់បាតុករ ឬ ប្រជាពលរដ្ឋដែលបាត់បង់ជីវិតក្នុងពេលធ្វើ
បាតុកម្មទេ ? ។ បើមានអ្នកក្លាហានណាព្រម
ឬ ហ៊ានចេញមុខមកដាក់ទោសប្រមុខរដ្ឋាភិ
បាល ហ៊ុនសែន ដ៏ព្រៃផ្សៃមួយនេះ នៅពេលមាន
បាតុករ ឬ ប្រជាពលរដ្ឋស្លាប់នៅក្នុងពេលធ្វើ
បាតុកម្មទាមទារដ៏ខ្លាំងក្លាណាមួយដូចនៅប្រទេសថៃ ។ នោះប្រជាពលរដ្ឋ និង គណៈបក្សជំទាស់
នឹងធ្វើបាតុកម្មឲមានទ្រង់ទ្រាយខ្លាំងក្លាជាងហ្នឹងដូចជាបង្ខំឲ ហ៊ុនសែន ចុះចេញពីតំណែង ធ្វើ
ការឆ្នោតឡើងវិញ ឬ បង្កើតគណៈកម្មការចម្រុះ
ឯករាជ្យដើម្បីសើុបអង្កេតភាពមិនប្រក្រតី ។ល។
ជាបន្ទាន់ ។ បើក្នុងរយៈពេល បីថ្ងៃ នៅតែគ្មាន
ចម្លើយពីគណៈបក្ស ហ៊ុនសែន កំណាចនេះទេ បាតុករដែលជាម្ចាស់់ឆ្នោត នឹង សម្រុកចូលកាន់
កាប់ក្រសួងរដ្ឋាភិបាលបានប៉ុន្មានយកប៉ុណ្ណឹង ។ល។ ។
តើមានអស់លោកណាហ៊ានធ្វើបែបហ្នឹងទេ ? តើហ៊ានអូសក្បាលប្រមុខរដ្ឋាភិបាលកំណាច របស់បក្សប្រជាជនមកទទួលខុសត្រូវចំពោះមុខច្បាប់ ។ ដាក់ទោសតាមច្បាប់នៅពេលមានបាតុ
ករ ឬ ប្រជាពលរដ្ឋបាត់បង់ជីវិតក្នុងគ្រាធ្វើបាតុ
កម្មដូចនៅប្រទេសថៃទេ ? ។ បើហ៊ាន សូម
មេត្តាចេញមុខមក យើងជាប្រជាពលរដ្ឋដែល
ជាម្ចាស់ឆ្នោតនឹងធ្វើតាមហ្នឹងភ្លាម ។ ប្រជាពល
រដ្ឋដែជាម្ចាស់ឆ្នោតទាំងអស់មិនរុញរានឹងធ្វើឲ
ខ្លាំងក្លាជាងហ្នឹងឡើយ ឲតែមានអ្នកក្លាហាន
ជាងហ្នឹងចេញមុខមក ។
Because khmer hate them(YOUN&SEIM) so much forgot to do anything else, that why they get richer and more power full every day. Right now khmer got nothing to match with their power, if the real full scale war broke of between khmer and those nation who going to suffer more? You should "love thy enemy" before they kill you all, if you want to win right now is not the time, the time come when you have strong military power to match them and friend with the super power nation before than you should "love thy enemy".
Post a Comment