មូលហេតុ​ព្រះសង្ឃ​និង​ពលរដ្ឋ​ខ្មែរ​ក្រោម​ចូល​រួម​បាតុកម្ម​របស់​បក្ស​សង្គ្រោះ​ជាតិ

RFA photo

ចាប់​តាំង​ពី​មាន​បាតុកម្ម​អហិង្សា​របស់​គណបក្ស​សង្គ្រោះ​ជាតិ មក ព្រះសង្ឃ និង​ពលរដ្ឋ​ខ្មែរ​ក្រោម បាន​ចូល​រួម​គាំទ្រ​គណបក្ស​ប្រឆាំង​មួយ​នេះ​ជា​ហូរហែ។ ព្រះសង្ឃ និង​ពលរដ្ឋ​ខ្មែរ​ក្រោម​ខ្លះ បាន​បង្ហាញ​វត្តមាន​សឹង​មិន​លស់​ពេល ឲ្យ​តែ​មាន​បាតុកម្ម​ដែល​ដឹក​នាំ​ដោយ​គណបក្ស​សង្គ្រោះ​ជាតិ។ តើ​ព្រះសង្ឃ និង​ពលរដ្ឋ​ខ្មែរ​ក្រោម​ទាំង​នោះ​ចង់​ទាមទារ​អ្វី? តើ​ពួក​គេ​មាន​ក្តី​សង្ឃឹម​បែប​ណា ប្រសិន​បើ​គណបក្ស​សង្គ្រោះ​ជាតិ ក្លាយ​ជា​បក្ស​កាន់​អំណាច​មែន​នោះ?

ដោយ យាង សុជាមេត្តា RFA 2013-12-18

ព្រះសង្ឃ និង​ពលរដ្ឋ​ខ្មែរ​ក្រោម តែង​បាន​បង្ហាញ​វត្តមាន​ក្នុង​បាតុកម្ម​អហិង្សា​គណបក្ស​សង្គ្រោះ​ជាតិ។ ដូច​គ្នា​ទៅ​នឹង​ពលរដ្ឋ​ខ្មែរ​ឯ​ទៀត ព្រះសង្ឃ និង​ពលរដ្ឋ​ខ្មែរ​ក្រោម ទាំង​នោះ ទាមទារ​ចង់​ឲ្យ​មាន​យុត្តិធម៌​ការ​បោះ​ឆ្នោត។ លើស​ពី​នេះ ពួក​គេ​គិត​ថា ប្រសិន​បើ​គណបក្ស​សង្គ្រោះ​ជាតិ ជាប់​ឆ្នោត បាន​កាន់​អំណាច​មែន​នោះ គណបក្ស​ប្រឆាំង​មួយ​នេះ​អាច​ជួយ​ធ្វើ​អោយ​ស្ថានភាព​ជីវិត​ព្រះសង្ឃ និង​ពលរដ្ឋ​ខ្មែរ​ក្រោម នៅ​កម្ពុជា មាន​ភាព​ល្អ​ប្រសើរ​ជាង​នេះ។ ពួក​គេ​ក៏​សង្ឃឹម​ថា គណបក្ស​សង្គ្រោះ​ជាតិ អាច​មាន​វិធាន​ការ​ជួយ​ព្រះសង្ឃ និង​ពលរដ្ឋ​ខ្មែរ​ក្រោម នៅ​កម្ពុជា​ក្រោម​ផង​ដែរ។ Read more